Seun Van Sem Assirië
Assirië (Hebreeus: אַשּׁוּר; Asjsjoer) was die tweede oudste seun van Sem en dus die kleinseun van Noag.
Assirië se broers was Elam, Arpaksad, Lud en Aram.
Die Hebreeuse teks van Genesis 10:10 & 11 is effens dubbelsinnig oor of dit Assirië self (soos in sommige vertalings) of Nimrod (soos in ander vertalings) is wat die Assiriese stede Nineve, Resen, Regobot-Ir en Kalag laat bou het, want die Hebreeuse (en Afrikaanse) naam kan na die persoon of die land verwys (Genesis 10:8–12|9). In die Afrikaanse Bybel word Nimrod genoem as die bouer van dié stede.
Die 1ste-eeuse historikus Flavius Josephus meen: "Assirië het in die stad Nineve gewoon en sy onderdane Assiriërs genoem; hulle het die gelukkigste nasie geword" (Ou Geskiedenis van die Jode, i, vi, 4).
Assirië die seun van Sem word soms vergelyk met die god Assur, vir wie ’n tempel in die 21ste eeu v.C. in die stad Assur opgerig is deur die vroeë Assiriese koning Uspia. Die stad en nasie is heel waarskynlik na dié god genoem.
Verwysings
Bronne
Hierdie artikel is vertaal uit die Engelse Wiki
This article uses material from the Wikipedia Afrikaans article Assirië (seun van Sem), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.