Arboretum
'n Arboretum of boomtuin is 'n versameling bome in 'n tuin of park.
So 'n lewende versameling van verskillende soorte bome (en struike) kan aangelê word om kennis en materiaal vir bosbou of boomkwekerye te vergader, of om as 'n suiwer wetenskaplike versameling te dien. Dit kan ook 'n opvoedkundige funksie hê en 'n belangrike toeriste-attraksie word. Die woord arboretum stam van die Latynse 'arbor' = boom.
'n Arboretum (meervoud: arboreta) is 'n gespesialiseerde botaniese tuin. In 'n botaniese tuin word allerlei soorte plante bewaar; in 'n arboretum word veral geharde houtagtige gewasse aangehou. Soms is 'n arboretum 'n deel van 'n botaniese tuin. In die meeste botaniese tuine is daar natuurlik ook bome en struike.
Bome en struike word soms sistematies of geografies gegroepeer en daar word gestreef om die versameling so volledig moontlik te maak. By die aanlê van 'n arboretum word daar veral gestreef om spesifieke spesies tot hulle reg te laat kom. Naamgewing en etikettering speel hier 'n belangrike rol.
'n Arboretum kan ook 'n herbarium hê. Daarin word gedroogde dele van bome en struike bewaar.
Literatuur
- (nl) Buis, Jaap – Anderhalve eeuw Schovenhorst; biografie van een levend landgoed, 1998
Eksterne skakels
- Wiki Afrikaans
Wiki Commons het meer media in die kategorie Arboretum.
This article uses material from the Wikipedia Afrikaans article Arboretum, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.