Lumi
Lumi om atmosferižiden sadegiden toižend, kudamb kogoneb jän kristalloišpäi.
Ümbrikirjutand
Kaikenaigaine lumikate om tal'ven tarbhaine atribut. Lumi tuleb lumenlähtendoil i vezipurun kondensacijal (hala). Kogoneb lumuzišpäi paksumba kaiked, mugažo lumisurin oleleb.
Znamoitas lunt toižendoid nenil parametroil: hel'pkiden form, kogodamižen piguz i formad man pindal, lumikate. Lumikatken harakteristikad oma sanktuz, lämuz, veden lugumär, vahvuz.
Kävutand
Verez lumi om hüvä lämuzizoläcii, pidab äi likumatont il'mad, sen tagut lumen muju om vauged. Kävutadas lumiapakoid pordaigaližiden pertiden sauvondan täht (oz., iglu). Lumi tegese märgaks da sulab 0 C° lämudel, dai sen korktemba. Ei oleskele lunt ekvatorialižes, subekvatorialižes i tropižes vöiš.
Pandas laudoid pöudoiden veril rividen nägul tal'vaigaks, miše kaita sadegid maižandusen täht.
Lumhe sidodud vepsän tärtused
- Lumi kuti hatrad — sur' lumi.
- Luminik — olanj pekstud lumenke hernehjauhospäi.
- Lumivezi — sula vezi.
Lumhe sidodud vepsän muštatišed da ozoitesed
Muštatišed
- Jevdokijoš lunt paneb koiran kortte, a ol'gut ei kata.
- Kus om lumi, sigä jäl'ged.
- Lunt pandes nägub, a heittes ei nägu.
- Uz' lumi tuli tošt otmaha.
Ozoitez
- Must, kut nogi, vauged, kut lumi, hüppib, kut bes, pajatab, kut pap'. (harag)
Homaičendad
| Lumi Vikiaitas |
 | Nece kirjutuz om vaiše ezitegez. Tö voit abutada meile, ku kohendat sidä da ližadat sihe. |
This article uses material from the Wikipedia Vepsän article Lumi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.