Čaikovskii Pötr

7. semendku 1840, Votkinsk, Venäman imperii — kol. 6. kül'mku 1893, Piter, Venäman imperii, om mahapandud sen Tihvinan kaumžomal) oli Venälaižen imperijan sur' muzikankirjutai, instrumentalist, dirižor da pedagog ukrainiženke augotižlibundanke.

Čaikovskii Pötr
Pötr Čaikovskii, vn 1893 portretan pala (pirdai — Nikolai Kuznecov)
radmižen toižend:	muzikankirjutai, libretist, dirigent, koreograaf, muusikapedagoog, pianist, autobiograaf, muusikakriitik, päevikupidaja, tõlkija, õppejõud
sündundan dat:	25 sulaku (7 semendku) 1840[1][2][3][4][5][6]
sündundan sijaduz:	Votkinsk, Vjatka kubermang[d], Venemaa keisririik[d][8]
valdkund:	Venemaa keisririik[d]
kolendan dat:	25 reduku (6 kül'mku) 1893[1][2][3][4][5][6] (53 vot)
kolendan sijaduz:
tat:	Ilya Petrovich Tchaikovsky[d]
mam:	Aleksandra Tchaikovskaya[d]
avtograf:
Čaikovskii Pötr VikiAitas
Om sädusid VikiPurtkiš

Sil sanal voib olda toižid znamoičendoid; miše nähta niid, tulgat tänna.

Čaikovskii kändihe professionaližeks muzikankirjutajaks 1860−1870-nzil vozil. Hänen jäl'guz om romantizman aigan klassižen muzikan erazvuiččiš žanroiš: kümne operad, koume baletad, seičeme simfonijad (kuz' nomeruidud i «Manfred»-simfonii), 104 romansad, simfonižiden programsädusiden rivi, koncertad i instrumentaližed kameransamblid, sädused horan täht, kantatad, miniatürad da ciklad fortepjanon täht.

Muzikankirjutajan sädamine om lujas arvokaz tond mail'man muzikkul'turha.

Tuleban aigan muzikankirjutai oli sündnu Votkinskan tegimen Il'ja Čaikovskii-pämehen (1795−1880) kanzha, mam oli Aleksandra Assier (1812−1854), hö sirdiba Uralan pautkile Piterišpäi vl 1837. Pötr oli kahtendel lapsel kudespäi neciš naimiželos (Il'ja nai kahtenden kerdan). Kazvatajad navediba muzikad, i priha sai muzikaližen opendusen alusid kodiš.

Vll 1852−1859 Pötr openui Imperatorižes oiktusentedon školas, oli pästnus sišpäi hüvidenke arvznamoidenke. Nügüd' hänel oli voimusid kävuda teatroihe i kulda muziksädusid. Ühten aigan opendusenke oti muzikurokoid kodiš. Kerdalaz oiktusentedon školan jäl'ghe Čaikovskii kändihe valdkundmeheks, tuli radnikoičemha Justicijan ministrusen departamentan I palakundha i vedi manmehiden azjoid päpaloin. Vn 1861 kezal ajeli verhižidme maidme (Päivlaskmaine Evrop) ezmäižen kerdan. Mez' radoi valdkundmeheks i ühtenaigašti tatan nevondan mödhe zavodi opeta Piterin konservatorijas vspäi 1861. Vl 1863 Pötr läksi valdkundaližes radnikoičendaspäi faktižikš i eli gollüdes, no andoi ičtaze muzikale täuzin. Lopi konservatorijad vn 1865 lopus i vspäi 1866 sirdi Moskvha, oli muzikpedagogan udes Moskvan konservatorijas vhesai 1878. Vspäi 1868 ezini muzikan arvostelijaks-ki. Joudas kirjuti muziksädusid, i vl 1879 Čaikovskii sai mail'man tetabut muzikankirjutajaks.