பிரிக்ஸ்

பிரேசில், உருசியா, இந்தியா, சீன மக்கள் குடியரசு மற்றும் தென்னாப்பிரிக்க ஆகியவை இதன் உறுப்பு நாடுகளாகும். இந்த நாடுகளெல்லாம் வளரும் நாடுகள் அல்லது புதிதாக தொழில்மயமாகி வருகிற நாடுகளாகும். 2012ன் படி இந்த ஐந்து நாடுகளின் கூட்டு மக்கள் தொகை உலக மக்கள் தொகையில் பாதியும், கூட்டு மொத்த உள்நாட்டு உற்பத்தி யுஎஸ்$13.6 ட்ரில்லியனும், மற்றும் அந்நிய செலாவணி கூட்டு கையிருப்பு யுஎஸ்$4 ட்ரில்லியனும் இருப்பது குறிப்பிடத்தக்கதாகும்

பிரிக்ஸ்
BRICS

பிரேசில், உருசியா, இந்தியா, சீனா, தென்னாப்பிரிக்கா
2019 இல் பிரிக்சு தலைவர்கள், இடமிருந்து வலமாக: சீ சின்பிங், விளாதிமிர் பூட்டின், சயீர் பொல்சனாரோ, நரேந்திர மோதி, சிறில் ரமபோசா
தற்போதைய உறுப்பினர்கள் உறுப்பு நாடுகளும் முக்கிய தலைவர்களும்:  Brazil அரசுத்தலைவர் லூலா த சில்வா  Russia அரசுத்தலைவர் விளாதிமிர் பூட்டின்  India பிரதமர் நரேந்திர மோதி  China அரசுத்தலைவர் சீ சின்பிங்  South Africa (2023 நடத்தும் நாடு) அரசுத்தலைவர் சிறில் ரமபோசா
சுருக்கம்	BRICS
முன்னோர்	பிரிக் நாடுகள்
உருவாக்கம்	செப்டம்பர் 2006 (ஐநா பொதுச்சபையின் 61-வது கூட்டத்தொடர்) 1-ஆவது உச்சிமாநாடு: 16 சூன் 2009
நிறுவனர்	ஐநா பொதுச்சபை 61-வது அமர்வு: செல்சோ அமோரிம் செர்கே லாவ்ரொவ் மன்மோகன் சிங் லி சாவோசிங் விளாதிமிர் பூட்டின் கூ சிங்தாவ் 1-வது உச்சிமாநாடு: லூலா த சில்வா திமீத்ரி மெத்வேதெவ் மன்மோகன் சிங் கூ சிங்தாவ்
நிறுவப்பட்ட இடம்	ஐநா தலைமையகம், நியூயார்க்கு நகரம் (ஐக்கிய நாடுகள் பொதுச் சபை 61-ஆவது அமர்வு) எக்கத்தரீன்பூர்க் (1-வது பிரிக் உச்சிமாநாடு)
வகை	சர்வதேச அமைப்பு
நோக்கம்	அரசியல்
தலைமையகம்	பிரிக்சு டவர்
தலைமையகம்	சாங்காய், சீனா
துறைகள்	பன்னாட்டு அரசியல்
உறுப்பினர்கள் (2022)	5
நிதியுதவி	உறுப்பு நாடுகள்
முன்னாள் பெயர்	பிரிக் நாடுகள்

2006 செப்டம்பரில் பிரிக் நாடுகளின் வெளியுறவு அமைச்சர்களின் உயர்மட்ட சந்திப்பு நடந்தது. அதன்பிறகு 2008 மே 16ல் ரஷ்யாவில் உயர்நிலை அரசியல் சந்திப்பு நடந்தது. நான்கு நாடுகளின் தலைவர்கள் லுலா ட சில்வா(பிரேசில்), திமித்ரி மெட்வெடெவ்(ரஷ்யா) மன்மோகன் சிங்(இந்தியா), மற்றும் கூ சிங்தாவ்(சீனா) பங்கேற்க, ரஷ்யாவின் எகடரின்பர்க் நகரில் முதல் மாநாடு 2009 ஜூன் 16ல் தொடங்கியது. உலக பொருளாதர நிலை, நிதி நிறுவனங்களின் சீர்திருத்தம் மற்றும் பரஸ்பர ஒத்துழைப்பு முதலியவை பற்றிக் கவனம் செலுத்தப்பட்டது.

2010 டிசம்பர் 24ல் தென்னாப்பிரிக்கா முறைப்படி பிரிக் கூட்டணியுடன் சேர்ந்தது அதனையடுத்து தென்னாப்பிரிக்காவை குறிக்க "எஸ்" என்ற ஆங்கில எழுத்து சேர்ந்து பிரிக்ஸ் என பெயரிட்டப்பட்டது. பிரிக்ஸ் கூட்டணியாக இருந்த இந்நாடுகள் 2011ல் சேர்ந்து பிரிக்ஸ் என கூட்டமைப்பாக மாற்றியது.

2014 பிரிக்ஸ் மாநாட்டில் $100 பில்லியன் மூதலீட்டில் பிரிக்ஸ் டெவலப்மெண்ட் வங்கி தொடங்க முடிவு செய்யப்பட்டுள்ளது. இது சாங்காய் சீனா தலைமையிடமாக கொண்டு இயங்கும்.

2009லிருந்து ஆண்டுதோறும் இக்கூட்டமைப்பின் மாநாடு நடைபெறுகிறது. தென்னாப்பிரிக்கா இணைவதற்கு முன் 2009 மற்றும் 2010 மாநாடுகள் நான்கு நாடுகள் மட்டும் பங்குபெற்றன. ஐந்து நாடுகள் பங்கு கொள்ளும் முதல் பிரிக்ஸ் மாநாடு 2011ல் நடைபெற்றது. நான்காவது மாநாடு மார்ச்சு 29, 2012 அன்று புதுதில்லியில் நடைபெற்றது. இதில் நாட்டின் குடிமைப் பணிக்காக தேவைப்படும் அணு உற்பத்தியை ஈரான் நாடு தொடரவும், பிரிக் நாடுகளுக்கான பரிவர்த்தனைகள் அந்தந்த நாட்டு நாணயங்களிலேயே நடத்திக்கொள்ளவும், பிரிக் நாடுகளுக்கான வங்கி முகமை ஒன்றை ஏற்படுத்திக்கொள்ளவும் தீர்மானங்கள் நிறைவேற்றப்பட்டன.

உறுப்பு நாடுகளின் பட்டியல்:

	பிரேசில்	ரஷ்யா	இந்தியா	சீனா	தென்னாப்பிரிக்கா
மக்கள் தொகை	190,732,694	143,030,106	1,210,193,422	1,347,350,000	49,991,300
பரப்பளவு	8,514,877 km² (3,287,597 sq. mi)	17,075,400 km² (6,592,800 sq. mi)	3,287,263 km² (1,269,210 sq. mi)	9,596,961 km² (3,705,407 sq. mi)	1,221,037 km² (471,445 sq. mi)
மக்கள் தொகை நெருக்கம்	22/km² (57/sq. mi)	8.3/km² (21.5/sq. mi)	394/km² (943/sq. mi)	140/km² (363/sq. mi)	41/km² (106/sq. mi)
தலை நகரம்	பிரசிலியா	மாஸ்கோ	புது தில்லி	பெய்ஜிங்	பிரிட்டோரியா, ப்லோம்ஃபோடேன், கேப் டவுன்
பெரிய நகரம்	சாவோ பாவுலோ – 11,316,149 (19,889,559 Metro)	மாஸ்கோ – 11,551,930(15,000,000 Metro)	மும்பை – 13,922,125 (21,347,412 Metro)	சாங்காய் – 17,836,133 (16,650,000 Metro)	ஜோகானஸ்பேர்க் – 1,009,035(3,888,180 Metro)
அலுவல் மொழி	போர்த்துக்கீச மொழி	நாடுமுழுக்க உருசிய மொழி; இதர பகுதிகளின் 27 துணை மொழிகள்	இந்தி† and மற்றும்ஆங்கிலம் உட்பட 22 மொழிகள்	சீனம்	ஆபிரிக்கான மொழி, ஆங்கிலம் உட்பட 11 மொழிகள்
மொத்த தேசிய உற்பத்தி	அமெரிக்க டாலர்2.076 ட்ரில்லியன்	அமெரிக்க டாலர்1.479 ட்ரில்லியன்	அமெரிக்க டாலர்1.954 ட்ரில்லியன்	அமெரிக்க டாலர்5.767 ட்ரில்லியன்	அமெரிக்க டாலர்0.363 ட்ரில்லியன்
மொத்த தேசிய உற்பத்தி(பிபிபி)	அமெரிக்க டாலர்2.185 ட்ரில்லியன்	அமெரிக்க டாலர்2.276 ட்ரில்லியன்	அமெரிக்க டாலர்4.589 ட்ரில்லியன்	அமெரிக்க டாலர்9.058 ட்ரில்லியன்	அமெரிக்க டாலர்0.528 ட்ரில்லியன்
இராணுவ செலவுகள்	$33.5 பில்லியன்	$52.5 பில்லியன்	$41.3 பில்லியன்	$114.3 பில்லியன்	$3.7 பில்லியன்

†'இந்தியாவின் அலுவல் மொழியாக இந்தி மற்றும் துணை மொழியாக ஆங்கிலம் இருந்தாலும், மாநிலங்களின் அலுவல் மொழிகளை மாநிலங்களே தீமானிக்கும்; இந்திய அரசியலமைப்பு சட்டத்தின் படி இந்தியாவிற்கு தேசிய மொழியில்லை.

• பிரிக்
• ஜி8+5
• ஜி-20

• பிரிக்ஸ் ஃபோரம்
• டொரோன்டோ பல்கலைக்கழகத்தின் பிரிக்ஸ் தகவல் மையம்