Брикс

Сегашните пет земји-членки се Бразил, Русија, Индија, Кина и ЈАР (BRICS = Brazil, Russia, India, China и South Africa). Со исклучок на Русија, членките на БРИКС се земји во развој што се сметаат за нови сили поради нивните големи стопанства и значајно влијание во регионалните и меѓународните случувања. Во нив живее речиси една половина од светското население, со збирен БДП од 13,6 трилиони долари, и заедно имаат надворешни резерви од 4 трилиони долари.

Претседателот на Кина Ху Ѓинтао изјавил дека земјите од БРИКС се бранители и застапници на земјите во развој и поборници за мир светот. Меѓутоа, некои аналитичари велат дека постојат и знајачни спорни теми во рамките на организацијата, особено несогласувањата помеѓу Кина и Индија за статусот на Тибет.

Во септември 2006, шефовите на дипломатиите на првичните четири членки на БРИК (Бразил, Русија, Индија и Кина) се состанале во Њујорк, започнувајќи низа средби на високо ниво. Како целина, членките на организацијата за првпат се состанале на 16 мај 2008 во Екатеринбург, Русија.

 

Групата одржува годишен самит секоја година од 2009 наваму. Пред приклучувањето на ЈАР, БРИК одржале два самита: во 2009 и 2010 г. Првиот самит на петчлената група БРИК е одржан во 2011, проследен од најновиот, одржан на 29 март 2012 во Индија.

Еве табела со земјите-членки на БРИКС, нивните водачи, министери за финансии и гувернери на централните банки. Дадени се и податоци за бруто-домашниот производ (БДП) и индексот на човековиот развој (ИЧР) на секоја членка.

• Г-20
• Група 77

• Информативен центар на БРИКС - Универзитет на Торонто (англиски)
• САД треба да учи од новите сили во економската арена како Индија и Бразил Архивирано на 15 октомври 2011 г. - Ројтерс (англиски)