Демократската партија на Албанците (ДПА) е политичка партија на етничките Албанци во Македонија.
Основана е на 4 јули 1997 во Тетово со обединувањето на Партијата за демократски просперитет на Албанците (ПДПА) и Народната демократска партија (НДП). ПДПА е основана во 1994 откако порадикалните членови на Партијата за демократски просперитет (ПДП), на чело со Арбен Џафери и Мендух Тачи, се отцепија од матичната партија, додека НДП е основана во август 1990 како порадикален конкурент на ПДП. Партијата е регистрирана по пет години од своето основање, во 2002 година. Прв водач на ДПА бил Арбен Џафери, кого на 30 јуни 2007 година го замени Мендух Тачи.
Демократска партија на Албанците | |
---|---|
Водач | Мендух Тачи |
Основач | Арбен Џафери |
Основана | 1997 |
Штаб | Тетово |
Идеологија | Заштита на правата на Албанците |
Бои | црвена, црна |
Собрание | 1 / 120 |
Општини | 0 / 80 |
Мрежно место | |
gurra-pdsh.org/ | |
Знаме | |
Политика на Република Македонија Политички партии Избори |
На изборите во 1998 година, ДПА освои 11 мандати. По изборите влезе во коалиционата влада предводена од ВМРО ДПМНЕ и учествуваше во владата до 2002 година. На парламентарните избори во 2002 година ДПА освои 5,2% од гласовите и 7 мандати во Собранието и премина во опозиција. На парламентарните избори во 2006 година ДПА освојува 7,5% од гласовите и 11 мандати и повторно влегува во владата. На предвремените парламентарни избори во 2008 година, ДПА повторно добива 11 мандати, а на предвремените парламентарни избори во 2011 година - 8 пратеници. По предвремените парламентарни избори во 2008 година ВМРО-ДПМНЕ го прекинува традиционалното партнерство со ДПА и формира коалиција со најголемата албанска партија во парламентот ДУИ. Оттогаш ДПА е во опозиција.
Година на избори | Водач | Број на гласови | % на гласови | Број на мандати | +/– | Влада |
---|---|---|---|---|---|---|
1998 | Арбен Џафери | 11 / 120 | ВМРО-ДПМНЕ–ДА–ДПА | |||
2002 | Арбен Џафери | 64,025 | 5.35 | 7 / 120 | ▼ 4 | Опозиција |
2006 | Арбен Џафери | 70,261 | 7.50 | 11 / 120 | ▲ 4 | ВМРО-ДПМНЕ–ДПА-НСДП |
2008 | Мендух Тачи | 81,557 | 8.26 | 11 / 120 | ▬ 0 | Опозиција |
2011 | Мендух Тачи | 66,315 | 5.90 | 8 / 123 | ▼ 3 | Опозиција |
2014 | Мендух Тачи | 66,393 | 5.92 | 7 / 123 | ▼ 1 | Опозиција |
2016 | Мендух Тачи | 30,964 | 2.60 | 2 / 120 | ▼ 5 | Опозиција |
2020 | Мендух Тачи | 13,930 | 1.53 | 1 / 120 | ▼ 1 |
ДПА имала свои кандидати на четири претседателски избори и тоа во 1999, 2004, 2009 и 2014. Ниеден кандидат од оваа партија не успеал да освои мнозинство во првиот круг.
This article uses material from the Wikipedia Македонски article Демократска партија на Албанците, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Содржината е достапна под CC BY-SA 4.0 освен ако не е поинаку наведено. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Македонски (DUHOCTRUNGQUOC.VN) is an independent company and has no affiliation with Wiki Foundation.