Тв-Серија Балканска Приказна

Главните улоги во серијата ги толкуваат Ердал Озијагџалар, Озлем Туркад, Емре Беј, Мерих Озтурк и Хакан Бојав. Серијата завршила со својата 25-та епизода, која била прикажана на 5 јануари 2023 г. Во серијата биле ангажирани глумци од Турција и Македонија од Турскиот театар — Скопје. Серијата била снимена во Скопје, Македонија, и била прикажана на телевизија „Сител“ со македонска синхронизација од понеделник до петок во 19:45 часот.

Балканска приказна
Жанр	семејство романса
Режирана од	Доган Умит Караџа Сердар Акар
Улоги	Ердал Озијагџалар Емре Беј Мерих Озтурк Озлем Туркад Сузан Акбелге Ерман Шабан Бедија Беговска Сарп Бозтурк Емине Халил Хакан Бојав Џезде Чигачи Џан Колукиса Филиз Ахмет Наџи Шабан Абдурахман Рахман Мустафа Јашар Елјеса Касо
Земја на потекло	Турција
Првичен јазик	турски + македонски (синхронизација)
Бр. на сезони	1
Бр. на епизоди	25
Производство
Продуцент(и)	Доган Умит Караџа
Местоположба	Скопје, Македонија
Времетраење	140 минути
Прикажување
Првична мрежа	ТРТ 1
Првично прикажување	21 јуни 2022 – 5 јануари 2023

Во срцето на Македонија се раѓа балканска приказна што ќе ги сплоти сите поколенија и ќе ги прикаже сите убавини и традиции на нашето Скопје. Токму тука, Камениот мост ќе спои два различни света од двете страни на Вардар во една голема љубов меѓу двајца млади.

Тој е Ертан, млад Турчин чие семејство живее во Скопје. По неколку години студии во Истанбул, се враќа во родната Македонија кај своето семејство, кое очекува од него како млад архитект да ја реконструира џамијата, уништена од земјотресот. Но тој годините поминати во Турција ги минал учејќи за радиоводител, а не за она за кое отсекогаш сонувало неговото традиционално семејство. Во родното Скопје, тој ја запознава убавата Јованка, Македонка што пак мечтае за уметност и слобода, а не за живот каков што однапред предвидела нејзината мајка Елена.

Љубовта меѓу Ертан и Јованка ќе наиде на големи препреки меѓу нивните семејства, но ќе донесе и многу хумор, згоди и незгоди меѓу ликовите. Семејството на Јованка има предрасуди кон турската заедница во земјата и планира поинаков живот за нивната ќерка, додека пак семејството на Ертан негува стари турски обичаи и одредиле нешто сосема друго за нивниот Ертан. Ќе може ли ова турско семејство да прифати македонска невеста, а другите да го прифатат Ертан за македонски зет? Две различни култури ќе соединат две чисти срца во една хармонична и урнебесна балканска приказна, снимена во Македонија.