ஆஸ்திரலேசியா (Australasia) என்பது ஓசியானியாவில் அமைந்துள்ள ஒரு பகுதியாகும்.
இது ஆஸ்திரேலியா, நியூசிலாந்து, பப்புவா நியூ கினி, மற்றும் இவற்றுக்கு அருகே பசிபிக் பெருங்கடலில் அமைந்துள்ள தீவுகளையும் உள்ளடக்கியது. ஆஸ்திரலேசியா என்ற சொல்லை 1756 ஆம் ஆண்டில் சார்ல்ஸ் டி புரொசஸ் என்பவர் தனது Histoire des navigations aux terres australes என்ற புத்தகத்தில் முதன்முதலில் அறிமுகப்படுத்தினார். (1756). இலத்தீன் மொழியில் "ஆசியாவின் தெற்குப் பகுதி" என இது பொருள்படும்.
முன்னர் ஆஸ்திரலேசியா என்பது ஆஸ்திரேலியா/நியூசிலாந்து கூட்டு விளையாட்டு அணிகளைக் குறிக்கப் பயன்படுத்தப்பட்டது. 1905 முதல் 1915 வரையான காலப்பகுதியில் டேவிஸ் கிண்ண டென்னிஸ் போட்டிகளில் ஆஸ்திரேலியா, நியூசிலாந்து அணிகளின் சிறப்பு வீரர்கள் கூட்டாகப் பங்குபற்றி 1907, 1908, 1909, 1911, 1914 போட்டிகளில் வெற்றி பெற்றனர். மேலும் 1908, 1912 இல் நடந்த ஒலிம்பிக் விளையாட்டுக்களிலும் கூட்டாகப் பங்குபற்றினர். ஆஸ்திரலேசிய அணி 1911 ஆம் ஆண்டில் லண்டனில் நடந்த பேரரசின் விழாவிலும் பங்குபற்றியிருந்தது.
This article uses material from the Wikipedia தமிழ் article ஆஸ்திரலேசியா, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). வேறுவகையாகக் குறிப்பிடப்பட்டிருந்தாலன்றி இவ்வுள்ளடக்கம் CC BY-SA 4.0 இல் கீழ் கிடைக்கும். Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki தமிழ் (DUHOCTRUNGQUOC.VN) is an independent company and has no affiliation with Wiki Foundation.