Australasia
Australasia es li area kel inkluse Australia, Novi Selande, Novi Ginea e li multi, proximi, plu mikri isles, ek kel maxim multes es in li esti parte de Indonesia. Li nome blid krea da Charles de Brosses in Histoire des navigations aux terres australes (1756). Lo derivad lu fro latini frase kel voli dikte “sud Asia” e diferentiad li area fro Polinesia e li sud-esti Pasifiki Oseane (Magelanika). On kelkitem dikte Australasia por Australia e Novi Selande solim, pro absenteso de altri vorde limitat a ti du landes. Li vorde have poki utileso por politikal e kultural deskriptiones, pro ke quamkam amb Australia e Novi Selande es relativim richi, dominantim anglum-parlanti landes e simili ye multi maneres, lus have poku komunim kun altri nationes in li area. Li vorde es non-populari in Novi Selande pro ke lu es perseptet emfasa Australia e implika forsan ke li regione es parte de Asia. Instedu, li vorde Oseania es preferat, quankam disu voli dikte kelku kelkim diferanti, e Australia ofte es perseptet da novi-selandanes kom non parte de Oseania.
Parlant biologialim, tamen, Australasia es distinktet regione kun komuni evolutionari historie e tre multi uniki plantes e animales, kelkes komuni ye li toti area, altres limitat ye partikulari partes ma havent komuni ansestria.
Li biologial divisenti linie kun Asia es li Wallace line, kel representa li marjine inter du kontinental plates. Sulawesi e Lombok es situat sur li esti, Australasian latere del linie e Borneo e Bali es situat sur li vesti, Asian latere.
Ye li pasatu, Australasia ha bli usa kom nome por kombinat Australia e Novi Selande sportistaro. Exemplim ye 1905 Australia e Novi Selande kombinad lusen maxim bon tenise-luderes por kompeti in li Davis Kupe international turnee, e in li Olimpi Ludes de 1908 e 1912.
| Kontinentes del monde | ||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 Afrika-Eurasia |  Amerika |  Eurasia |  Oseania | |||||||||||||||||||||||||
 Afrika |  Antarktika |  Asia |  Australasia |  Europa |  Nord Amerika |  Sud Amerika | ||||||||||||||||||||||
| Geological superkontinentes : Gondwana · Laurasia · Pangea · Rodinia | ||||||||||||||||||||||||||||
This article uses material from the Wikipedia Novial article Australasia, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Novial (DUHOCTRUNGQUOC.VN) is an independent company and has no affiliation with Wiki Foundation.