மதீச பத்திரன (Matheesha Pathirana பிறப்பு: டிசம்பர் 18, 2002) ஓர் இலங்கைத் துடுப்பாட்டக்காரர்.
லசித் மலிங்க போன்று இவரது பந்துவீச்சு இருப்பதனால் இவர் குழந்தை மலிங்க என்று குறிப்பிடப்படுகிறார். ஆகத்து 2021 இல், இவர் 2021 SLC இன்விடேஷனல் இ20 தொடரில் SLC கிரேஸ் அணியில் இடம் பெற்றார். ஆகத்து 22 , 2021 இல் இருபது 20 போட்டியில் அறிமுகமானார். பின்னர் 2020 ஆம் ஆண்டில் 19 வயதுக்குட்பட்ட துடுப்பாட்ட உலகக் கிண்ணத்திற்கான இலங்கை அணியில் இடம் பெற்றார். சனவரி 2022 இல்,மேற்கிந்தியத் தீவுகளில் 2022 ஐசிசி 19 வயதுக்குட்பட்ட துடுப்பாட்ட உலகக் கிண்ணத்திற்கான இலங்கை அணியில் இடம் பெற்றார். 2023 இந்தியன் பிரீமியர் லீக் கிண்ணம் வென்ற சென்னை சூப்பர் கிங்ஸ் அணியின் முக்கிய வீரராக இருந்தார். அந்தத் தொடரில் 19 இலக்குகளைக் கைப்பற்றினார். ஐபிஎல் கோப்பையை வென்ற இளம் வெளிநாட்டு வீரர் என்ற பெருமையை பெற்றார்.
தனிப்பட்ட தகவல்கள் | ||||||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
பிறப்பு | 18 திசம்பர் 2002 கண்டி, இலங்கை | |||||||||||||||||||||||||||||||||||||||
மட்டையாட்ட நடை | வலக்கை | |||||||||||||||||||||||||||||||||||||||
பந்துவீச்சு நடை | வலக்கை விரைவு வீச்சு | |||||||||||||||||||||||||||||||||||||||
பங்கு | பந்து வீச்சாளர் | |||||||||||||||||||||||||||||||||||||||
பன்னாட்டுத் தரவுகள் | ||||||||||||||||||||||||||||||||||||||||
நாட்டு அணி |
| |||||||||||||||||||||||||||||||||||||||
ஒரே இ20ப (தொப்பி 96) | ஆகத்து 27 2022 எ. ஆப்கானித்தான் | |||||||||||||||||||||||||||||||||||||||
உள்ளூர் அணித் தரவுகள் | ||||||||||||||||||||||||||||||||||||||||
ஆண்டுகள் | அணி | |||||||||||||||||||||||||||||||||||||||
2022– | சென்னை சூப்பர் கிங்ஸ் | |||||||||||||||||||||||||||||||||||||||
2022 | Nondescripts | |||||||||||||||||||||||||||||||||||||||
2022– | பெங்கால் டைகர்ஸ் | |||||||||||||||||||||||||||||||||||||||
2023– | டெசர்ட் வைப்பர்ஸ் | |||||||||||||||||||||||||||||||||||||||
வாழ்நாள் புள்ளிவிவரங்கள் | ||||||||||||||||||||||||||||||||||||||||
| ||||||||||||||||||||||||||||||||||||||||
மூலம்: Cricinfo, 27 August 2022 |
ஏப்ரல் 2022 இல், 2022 இந்தியன் பிரீமியர் லீக்கில் ஆடம் மில்னேவுக்கு மாற்று வீரராக, சென்னை சூப்பர் கிங்ஸால் ஒப்பந்தம் செய்யப்பட்டார். குஜராத் டைட்டன்ஸ் அணிக்கு எதிரான போட்டியில் அறிமுகமாகி முதல் பந்திலேயே, சுப்மன் கில்லின் இலக்கைக் கைப்பற்றிய முதல் இலங்கை மற்றும் சர்வதேச அளவில் ஒன்பதாவது வீரர் என்ற பெருமையைப் பெற்றார். சூலை 2022 இல், லங்கா பிரீமியர் லீக்கின் மூன்றாவது பதிப்பிற்காக கண்டி பால்கன்சுவால் ஒப்பந்தம் செய்யப்பட்டார்.
மே 2022 இல், ஆத்திரேலியாவுக்கு எதிரான தொடருக்கான இலங்கையின் பன்னாட்டு இருபது20 அணியில் இடம்பிடித்தார். இருப்பினும், எந்தப் போட்டியிலும் விளையாட வாய்ப்பு கிடைக்கவில்லை, பின்னர் காயம் காரணமாக அந்தத் தொடரில் இருந்து விலகினார். ஆகத்து 2022 இல், 2022 ஆசியக் கின்னத்திற்கான இலங்கையின் பன்னாட்டு இருபது20 அணியில் இடம்பெற்றார். ஆகத்து 27, 2022 அன்று ஆப்கானித்தானுக்கு எதிராக அறிமுகமானார்.
மார்ச் 2023 இல், நியூசிலாந்துக்கு எதிரான தொடருக்கான ஒருநாள் மற்றும் பன்னாட்டு இருபது20 அணியில் இடம்பெற்றார்.
This article uses material from the Wikipedia தமிழ் article மதீச பத்திரன, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). வேறுவகையாகக் குறிப்பிடப்பட்டிருந்தாலன்றி இவ்வுள்ளடக்கம் CC BY-SA 4.0 இல் கீழ் கிடைக்கும். Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki தமிழ் (DUHOCTRUNGQUOC.VN) is an independent company and has no affiliation with Wiki Foundation.