அனில் கும்ப்ளே (Anil Kumble; பிறப்பு: அக்டோபர் 17, 1970) இந்தியத் துடுப்பாட்ட அணியின் முன்னாள் பந்து வீச்சாளர் மற்றும் தேர்வுத் துடுப்பாட்டம், ஒருநாள் பன்னாட்டுத் துடுப்பாட்டத்தின் தலைவர் ஆவார்.
இவர் 18 ஆண்டுகள் துடுப்பாட்டங்கள் விளையாடியுள்ளார். வலது கை சுழற்பந்து வீச்சாளரான இவர் 619 இலக்குகள் எடுத்துள்ளார். தேர்வுத் துடுப்பாட்டப் போட்டிகளில் அதிக இலக்குகள் எடுத்தவர்கள் முத்தையா முரளிதரன் மற்றும் ஷேன் வோர்ன் ஆகியவர்களுக்கு அடுத்தபடியாக மூன்றாவதாக உள்ளார். இவர் ஜம்போ என்றும் அழைக்கப்படுகிறார். 1993 ஆம் ஆண்டின் சிறந்த துடுப்பாட்ட வீரராக இந்தியத் துடுப்பாட்டக் கட்டுப்பாடு வாரியத்தால் தேர்வு செய்யப்பட்டார். பின் 1996 ஆம் ஆண்டில் விசுடன் துடுப்பாட்டாளர்களின் நாட்குறிப்பால் சிறந்த வீரராகத் தேர்வானார்.
தனிப்பட்ட தகவல்கள் | ||||||||||||||||||||||||||||||||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
முழுப்பெயர் | அனில் கும்ப்ளே | |||||||||||||||||||||||||||||||||||||||||||||||||||||||||||||||||
பிறப்பு | 17 அக்டோபர் 1970 பெங்களூர், கருநாடகம், இந்தியா | |||||||||||||||||||||||||||||||||||||||||||||||||||||||||||||||||
பட்டப்பெயர் | ஜம்போ | |||||||||||||||||||||||||||||||||||||||||||||||||||||||||||||||||
உயரம் | 6 அடி 1 அங் (1.85 m) | |||||||||||||||||||||||||||||||||||||||||||||||||||||||||||||||||
மட்டையாட்ட நடை | வலக்கை | |||||||||||||||||||||||||||||||||||||||||||||||||||||||||||||||||
பந்துவீச்சு நடை | வலக்கை காற்சுழல் | |||||||||||||||||||||||||||||||||||||||||||||||||||||||||||||||||
பங்கு | பந்து வீச்சாளர் | |||||||||||||||||||||||||||||||||||||||||||||||||||||||||||||||||
பன்னாட்டுத் தரவுகள் | ||||||||||||||||||||||||||||||||||||||||||||||||||||||||||||||||||
நாட்டு அணி |
| |||||||||||||||||||||||||||||||||||||||||||||||||||||||||||||||||
தேர்வு அறிமுகம் (தொப்பி 192) | 9 ஆகத்து 1990 எ. இங்கிலாந்து | |||||||||||||||||||||||||||||||||||||||||||||||||||||||||||||||||
கடைசித் தேர்வு | 29 அக்டோபர் 2008 எ. ஆத்திரேலியா | |||||||||||||||||||||||||||||||||||||||||||||||||||||||||||||||||
ஒநாப அறிமுகம் (தொப்பி 78) | 25 ஏப்ரல் 1990 எ. இலங்கை | |||||||||||||||||||||||||||||||||||||||||||||||||||||||||||||||||
கடைசி ஒநாப | 19 மார்ச் 2007 எ. பெர்முடா | |||||||||||||||||||||||||||||||||||||||||||||||||||||||||||||||||
உள்ளூர் அணித் தரவுகள் | ||||||||||||||||||||||||||||||||||||||||||||||||||||||||||||||||||
ஆண்டுகள் | அணி | |||||||||||||||||||||||||||||||||||||||||||||||||||||||||||||||||
1989/90–2008/09 | கர்நாடகம் | |||||||||||||||||||||||||||||||||||||||||||||||||||||||||||||||||
2006 | சரே | |||||||||||||||||||||||||||||||||||||||||||||||||||||||||||||||||
2000 | லைசுடர்சயர் | |||||||||||||||||||||||||||||||||||||||||||||||||||||||||||||||||
1995 | நோர்தாம்ப்டன்சயர் | |||||||||||||||||||||||||||||||||||||||||||||||||||||||||||||||||
2008–2010 | ராயல் சேலஞ்சர்ஸ் பெங்களூர் | |||||||||||||||||||||||||||||||||||||||||||||||||||||||||||||||||
வாழ்நாள் புள்ளிவிவரங்கள் | ||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||
மூலம்: espncricinfo, 8 நவம்பர் 2016 |
பெங்களூர், கருநாடகத்தில் பிறந்த இவர் பி. எஸ். சந்திரசேகரின் பால் ஈடுபாடு கொண்டு முழு நேர துடுப்பாட்ட வீரராக ஆனார். இவர் கருநாடக மாநிலத் துடுப்பாட்ட அணி சார்பாக முதல் தரத் துடுப்பாட்டத்தில் தனது 19 வயதில் விளையாடினார். இவரின் முதல் தேர்வுத் துடுப்பாட்டம் இங்கிலாந்து துடுப்பாட்ட அணிக்கு எதிரானது ஆகும். 132 தேர்வுத் துடுப்பாட்டப் போட்டிகளில் இந்திய அணியை தலைமேற்று நடத்தினார். 1990 ஆம் ஆண்டின் துவக்கத்தில் ஒருநாள் பன்னாட்டுத் துடுப்பாட்டப் போட்டிகளில் இவருக்கு நிரந்தர இடம் கிடைத்தது. மேற்கிந்தியத்தீவுகள் துடுப்பாட்ட அணிக்கு எதிராக 12 ஓட்டங்களை விட்டுக் கொடுத்து 6 இலக்குகளை எடுத்தார். 1996 துடுப்பாட்ட உலகக்கிண்ணத்தில் சிறப்பான பங்களிப்பை வெளிப்படுத்தினார். அதில் 7 போட்டிகளில் விளையாடி 15 இலக்குகளை எடுத்தார். அவரின் பந்து வீச்சு சராசரி 18.73 ஆகும். 1999 ஆம் ஆண்டில் பாக்கித்தான் துடுப்பாட்ட அணிக்கு எதிரான தேர்வுத் துடுப்பாட்டப் போட்டியில் அனைத்து இலக்குகளையும் வீழ்த்தி சாதனை படைத்தார். இதற்குமுன் இங்கிலாந்து நாட்டைச் சேர்ந்த ஜிம் லேகர் இந்தச் சாதனையைப் படைத்துள்ளார்.
இந்தியக் குடியுரிமை விருதுகளில் நான்காவது பெரிய விருதாக கருதப்படும் பத்மசிறீ விருதினை 2005 ஆம் ஆண்டில் கும்ப்ளே பெற்றார். நவம்பர் 2008 ஆம் ஆண்டில் சர்வதேச துடுப்பாட்டப் போட்டிகளில் இருந்து தனது ஓய்வினை அறிவித்தார். அக்டோபர், 2012 ஆம் ஆண்டில் இந்தியத் துடுப்பாட்டக் கட்டுப்பாடு வாரியத்தின் செயலாளராக நியமனம் ஆனார்.
இந்தியன் பிரீமியர் லீக் போட்டிகளில் 2012 மற்றும் 2015 ஆம் ஆண்டுகளில் பெங்களூர் ராயல் சேலஞ்சர்ஸ் மற்றும் மும்பை இந்தியன்ஸ் அணிகளுக்கு அறிவுரையாளராக நியமனம் ஆனார். மேலும் இவர் இந்தியத் துடுப்பாட்ட அணியின் தலைமைப் பயிற்சியாளராக நியமனம் செய்யப்பட்டார். 2015 ஆம் ஆண்டில் பன்னாட்டுத் துடுப்பாட்ட அவையினால் ஹால் ஆஃப் ஃபேமாக அறிவிக்கப்பட்டார்.
அனில் கும்ப்ளே அக்டோபர் 17, 1970 இல் பெங்களூர், கருநாடகத்தில் பிறந்தார். இவரின் தந்தை கிருஷ்ணசாமி, தாய் சரோஜா. இவருக்கு தினேஷ் கும்ப்ளே எனும் சகோதரர் உள்ளார். இவர் சேத்தானா கும்ப்ளே என்பவரை திருமணம் செய்தார். இவர்களுக்கு மயாஸ் கும்ப்ளே எனும் மகனும், ஸ்வாஸ்தி கும்ப்ளே எனும் மகளும் உள்ளனர். சேத்தானாவின் முதல் திருமணத்தில் பிறந்த ஆருனி கும்ப்ளே எனும் மகளை கும்ப்ளே தத்தெடுத்தார்.
வார்ப்புரு:இந்தியத் துடுப்பாட்ட அணியின் ஒ.ப.து தலைவர்கள்
This article uses material from the Wikipedia தமிழ் article அனில் கும்ப்ளே, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). வேறுவகையாகக் குறிப்பிடப்பட்டிருந்தாலன்றி இவ்வுள்ளடக்கம் CC BY-SA 4.0 இல் கீழ் கிடைக்கும். Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki தமிழ் (DUHOCTRUNGQUOC.VN) is an independent company and has no affiliation with Wiki Foundation.