Organizata Për Bashkëpunim Dhe Zhvillim Ekonomik: Organizatë ekonomike ndërqeveritare

Roli kryesor i OECC-së ishte zhvillimi i bashëpunimit ekonomik ndërmjet vendeve anëtarë duke realizuar planin Marshall i cili kishte ardhë si ndihmë nga amerikanët në Evropën e pas Luftës së Dytë Botërore në mënyrë që të rindërtohet dhe të stabilizohet ekonomia e shkatërruar. Pas përfundimit të këtij misioni, detyrë tjetër e OECC-së ishte edhe liberalizimi i tregtisë evropiane duke eleminuar gradualisht barrierat doganore si dhe multilateralizmi i pagesave evopiane.

Themelimi i OECD

Si pasardhëse e OECC-së, OECD-ja u themelua në vitin 1960, e cila sot ka 24 anëtar, ku 18 anëtar janë të OECC duke përfshirë edhe

• Finlandën
• SHBA,
• Kanada,
• Japonia,
• Australia dhe
• Zelanda e Re.

Arsyet e themelimit te OECD

Dy arsyet kryesore për themelimin e OECD ishin:

1. rezervat e tepërta të produkteve të SHBA-së të cilat nuk kishtë ku t`i eksportonte dhe ndihej e izoluar, andaj si mundësi e shihte Evropën Perëndimore si dhe frika nga forcimi i shteteve socialiste të cilat kishin krijuar Këshillin për Ndihmë Ekonomike Reciproke (KNER).

 

OECD kishte për qëllim:

• forcimin e bashkëpunimit ndërmjet vendeve anëtarë,
• liberalizimin e këmbimit dhe qarkullimit të lirë të mallrave, shërbimeve dhe kapitaleve duke eleminuar barrierat në mënyrë graduale si dhe
• ndihma për zhvillim ekonomik jo vetëm të vendeve anëtare, por edhe të vendeve në zhvillim të cilat nuk janë anëtare e kësaj organizate.

Komitetet

OECD aktivitetin e vet e bazon kryesisht nëpërmjet komiteteve siç janë:

• Komiteti i Politikës Ekonomike,
• Komitieti i Këmbimit,
• Komiteti i Bujqësisë,
• Komiteti i Industrisë,
• Komiteti për Ndihmën e Zhvillimit dhe
• Komiteti i Marrëveshjes Monetare Evropiane.