Gjuha shqipe ka 7 zanore: .
Tiparet e përgjithshme nyjëtimore që sigurojnë dallimim e tyre janë: radha, ngritja dhe buzorëzimi. Gjuha dhe buzët luajnë rolin kryesor për formimin e timbrit të zanoreve, prandaj klasifikimi i zanoreve mbështetet pikërisht në tiparet që lidhen me pozicionin e tyre.
Zanoret e gjuhës shqipe | A | E | Ë | I | O | U | Y |
---|
Zanoret mund të jenë të theksuara dhe të patheksuara. Shqipja letrare nuk ka zanore që të dalin vetëm në pozicion të theksuar, as të tilla që të dalin vetëm në pozicion të patheksuar.
Pozicioni i gjuhës përcakton dy tipare të zanoreve: radhën dhe ngritjen.
Gjuha mund të lëvizë në dy drejtime kryesore: para-prapa (lëvizje horizontale) dhe lart-poshtë (lëvizje vertikale).
Nga lëvizja horizontale varet radha e zanoreve, d.m.th. vendi i ngritjes së gjuhës. Kur themi vendi i ngritjes, kemi parasysh pjesën më të ngritur të shpinës së gjuhës në drejtim të qiellzës.
Nga lëvizja vertikale e gjuhës, d.m.th. nga shkalla e ngritjes së saj drejt qiellzës përcaktohet ngritja e zanoreve.
Sipas pjesëmarrjes ose mospjesëmarrjes së buzëve në nyjëtimin e zanoreve këto mund të jenë të buzorëzuara dhe të pabuzorëzuara.
Kur përshkruajmë nyjëtimin e fonemave zanore, zakonisht kemi parasysh nyjëtimin e varianteve themelore të tyre. Si variante themelore në radhë të parë konsiderohen ato që përfitohen gjatë shqiptimit të veçuar të zanoreve.
Në shqiptimin e zanores a, goja hapet më shumë se te të gjitha zanoret e tjera. Gjuha zë një pozicion të ndërmjetëm midis zanoreve të përparme dhe të prapme. Pjesa e prapme e shpinës së gjuhës ngrihet fare pak në kufirin midis qiellzës së butë dhe qiellzës së fortë. Trupi i gjuhës tërhiqet pak prapa (por jo aq sa te zanoret e prapme), kështu që hapësira e faringut ngushtohet. Buzët nuk marrin pjesë në nyjëtim, qiellza e butë është e ngritur.
This article uses material from the Wikipedia Shqip article Klasifikimi i zanoreve të gjuhës shqipe, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.