Klitorisi është një organ gjenital i femrës, i pranishëm tek gjitarët, strucët dhe një numër i kufizuar i kafshëve të tjera.
Tek njerëzit, ai përbëhet nga një pjesë e dukshme, e ngjashme me një buton, e cila ndodhet në pikën frontale të bashkimit të labia minora (buzët e brendshme të vulvës), mbi hapjen e uretrës. Ndryshe nga penisi, ekuivalenti mashkullor i klitorisit, ky i fundit nuk përmban hapjen e uretrës dhe për këtë arsye nuk përdoret për urinim.
Klitorisi është zona erogjene më e ndjeshme e femrës dhe dhe përgjithësisht burimi primar anatomik i kënaqësisë seksuale tek femrat. Tek njerëzit dhe gjitarë të tjerë, ajo zhvillohet nga një rritje embrionale, që quhet tuberkle gjenitale. Në fillimet e embrionit, kjo masë është e padiferencuar, dhe ajo do zhvillohet në një penis ose një klitoris, në varësi të pranisë ose të mungesës së proteinave tdf, e cila kodifikohet nga një gjen i vetëm në kromozomin Y. Klitorisi është një strukturë komplekse, dhe madhësia e ndjeshmëria e saj mund të ndryshojnë. Koka e klitorisit është përllogaritur të ketë më shumë se 8000 mbaresa nervore shqisore.
Debate të gjera sociologjike, seksologjike dhe mjekësore kanë trajtuar klitorisin, kryesisht në lidhje me saktësinë anatomike, faktorët që shpien në orgazëm, apo mbi ekzistencën dhe vendndodhjen e zonës G-spot..
This article uses material from the Wikipedia Shqip article Klitori, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.