ହିରୋ ନଂ ୱାନ୍, ୨୦୧୭ ଦୂର୍ଗାପୂଜା ସମୟରେ ମୁକ୍ତିଲାଭ କରିଥିବା ଓଡ଼ିଆ କଥାଚିତ୍ର । ଏହି କଥାଚିତ୍ରଟି ତରଙ୍ଗ ସିନେ ପ୍ରଡକ୍ସନ ବ୍ୟାନରରେ ନିର୍ମିତ ହୋଇଥିଲା । ନିର୍ଦ୍ଦେଶକ ତାପସ ସରଘରିଆ ଏହି ଚଳଚ୍ଚିତ୍ରଟିର ନିର୍ଦ୍ଦେଶନା ଦେଇଥିଲେ । ସଙ୍ଗୀତ ନିର୍ଦ୍ଦେଶକ ଅଭିଜିତ ମଜୁମଦାର ଏହି ଚଳଚ୍ଚିତ୍ରଟିର ସ୍ୱର ସଂଯୋଜନା କରିଥିଲେ ।
ହିରୋ ନଂ ୱାନ୍ | |
---|---|
ନିର୍ଦ୍ଦେଶକ | ତାପସ ସରଘରିଆ |
ସଂଳାପ | ରଣଜିତ ପଟ୍ଟନାୟକ |
ଚିତ୍ରନାଟ୍ୟ | ତାପସ ସରଘରିଆ |
କାହାଣୀ | ରଣଜିତ ପଟ୍ଟନାୟକ |
କଳାକାର | ବାବୁଶାନ୍ ଭୂମିକା ଦାଶ ମିହିର ଦାସ କୁନା ତ୍ରିପାଠୀ |
ସଙ୍ଗୀତ | ଅଭିଜିତ ମଜୁମଦାର |
ଚିତ୍ରଗ୍ରହଣ | ରବିନ୍ଦ୍ର ବେହେରା |
ସମ୍ପାଦକ | ସୁକୁମାର ମଣି |
ମୁକ୍ତିଲାଭ ତାରିଖ | ୨୪ ସେପ୍ଟେମ୍ବର ୨୦୧୭ |
ଦେଶ | ଭାରତ |
ଭାଷା | ଓଡ଼ିଆ |
ଏହି କଥାଚିତ୍ରଟିର ମୁଖ୍ୟ ଭୂମିକାରେ ଅଭିନୟ କରିଥିଲେ ନାୟକ ବାବୁଶାନ୍ ଏବଂ ନାୟିକା ଭୂମିକା ଦାଶ । ଭୂମିକା ନାୟିକା ଭାବରେ ତାଙ୍କର ପ୍ରଥମ ଚଳଚ୍ଚିତ୍ର ତୁ ମୋ ଲଭ୍ ଷ୍ଟୋରୀରେ ତରଙ୍ଗ ସିନେ ପ୍ରଡକ୍ସନ ସହ କାର୍ଯ୍ୟ କରିଥିଲେ । ଏହି ଚଳଚ୍ଚିତ୍ରଟି ତାଙ୍କର ୨ୟ ଚଳଚ୍ଚିତ୍ର ଥିଲା । ଏଥିରେ ଭୂମିକା ଜଣେ ସମ୍ବାଦଦାତାର ଭାବରେ ଅଭିନୟ କରିଥିଲେ । ଏହି କଥାଚିତ୍ରଟିରେ ମିହିର ଦାସ, କୁନା ତ୍ରିପାଠୀ, ପିଣ୍ଟୁ ନନ୍ଦ, ଦୀପକ ମିଶ୍ର, ଅସୀତ ପତି, ତ୍ରିଭୁବନ, ଜୟପ୍ରକାଶ, ପୁଷ୍ପା ପଣ୍ଡା, ଶକ୍ତି ବରାଳ, ପ୍ରଦ୍ୟୁମ୍ନ ଲେଙ୍କା ଆଦି କଳାକାରମାନେ ଅଭିନୟ କରିଥିଲେ ।
କାହାଣୀ ଅନୁସାରେ ନାୟକ ସଞ୍ଜୁ ଓଡ଼ିଆ ଅଭିନେତା ବାବୁଶାନ୍ ମହାନ୍ତିଙ୍କର ଜଣେ ପ୍ରଶଂସକ । ସେ ଓଡ଼ିଆ କଥାଚିତ୍ର ଜଗତର ନାୟକ ହେବା ତା'ର ସ୍ୱପ୍ନ । ତା'ର ବାପା ବୃତ୍ତିରେ ଜଣେ ଓକିଲ, ତାଙ୍କର ଇଚ୍ଛା, ତାଙ୍କ ପୁଅ ଜଣେ ଓକିଲ ହେଉ । ସେଇଥିପାଇଁ ସେ ତାକୁ ଏକ ବଡ଼ କଲେଜରେ ପାଠ ପଢ଼ାନ୍ତି, ମାତ୍ର ସେ ଜାଣିଶୁଣି ପରୀକ୍ଷା ନ ଦେଇ ଫେଲ ହେଇଯାଏ ଆଉ ଅଭିନୟରେ ମାତିଯାଏ । ମାତ୍ର ସମାଜର କିଛି ପରିସ୍ଥିତି ତାକୁ ପୁଣିଥରେ ଓକିଲାତିକୁ ଟାଣିନିଏ ଆଉ ସେ ଭଲପାଇବସେ ସେହି ପେଷାକୁ । ସମାଜରେ ହେଉଥିବା ଅସୁବିଧା ଉପରେ ଆଙ୍ଗୁଳି ଉଠାଇ ସଞ୍ଜୁ ସେ ସବୁ ଉପରେ ଲୋକଙ୍କୁ ନ୍ୟାୟ ଦେବାରେ ଲାଗିଯାଏ ।
ଏହି ଚଳଚ୍ଚିତ୍ରଟିର ସଙ୍ଗୀତ ନିର୍ଦ୍ଦେଶନା ଦେଇଥିଲ ଅଭିଜିତ ମଜୁମଦାର । ନିର୍ମଳ ନାୟକ ଏହି କଥାଚିତ୍ରଟିର ଗୀତଗୁଡ଼ିକ ରଚନା କରିଥିଲେ ।
କ୍ରମ | ଗୀତ | ଗାୟକ | ସମୟ |
---|---|---|---|
1. | "ହିରୋ ନଂ ୱାନ୍" | ଅଭିଜିତ ମଜୁମଦାର | |
2. | "ଡିଜେ ବାଲା ଡ୍ୟାନ୍ସ" | ହ୍ୟୁମାନ ସାଗର, ଅନ୍ତରା ଚକ୍ରବର୍ତ୍ତୀ | |
3. | "କାଞ୍ଚିରେ କାଞ୍ଚିରେ" | ||
4. | "ଏ ଜୀବନ ଧୁଆଁ ଧୁଆଁ ଲାଗେରେ" | ||
5. | "ତୁ ମୋ ଡାର୍ଲିଙ୍ଗ୍ ଡାର୍ଲିଙ୍ଗ୍ରେ" | ଦୀପ୍ତିରେଖା ପାଢ଼ୀ | |
6. | "ଛିଟା ଛିଟା ବର୍ଷାରେ" |
This article uses material from the Wikipedia ଓଡ଼ିଆ article ହିରୋ ନଂ ୱାନ୍, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.