ପ୍ରତିଭା ଶତପଥୀ: କବି
ପ୍ରତିଭା ଶତପଥୀ (ଜନ୍ମ: ୧୮ ଜାନୁଆରୀ ୧୯୪୫) ଜଣେ ଓଡ଼ିଆ କବି । ପ୍ରତିଭା କଟକ ଜିଲ୍ଲାର ସତ୍ୟଭାମାପୁରଠାରେ ଜନ୍ମ ଗ୍ରହଣ କରିଥିଲେ । ତାଙ୍କ ଜୀବନର ପ୍ରଥମ ପାଞ୍ଚ ବର୍ଷ କୋରାପୁଟରେ ବିତିଥିଲା । ସେ ଭଲ ବିଦ୍ୟାଳୟରୁ ପାଠ ପଢ଼ିବା ପାଇଁ, ତାଙ୍କ ପରିବାର ସତ୍ୟଭାମାପୁରକୁ ଚାଲିଆସିଥିଲେ । ପିଲାବେଳେ ସେ ଓଡ଼ିଶୀ ନୃତ୍ୟ ଶିକ୍ଷା କରିଥିଲେ । ରେଭେନ୍ସା ମହାବିଦ୍ୟାଳୟରୁ ସେ କଲେଜ ଶିକ୍ଷାଲାଭ କରିଥିଲେ । ବିବାହ କରିସାରିବା ପରେ ୧୯୬୭ ମସିହାରେ ସେ ସ୍ନାତକୋତ୍ତର ଓ ୧୯୮୦ ମସିହାରେ ଉତ୍କଳ ବିଶ୍ୱବିଦ୍ୟାଳୟରୁ ପି.ଏଚ.ଡି ହାସଲ କରିଥିଲେ ।
ପ୍ରତିଭା ଶତପଥୀ | |
|---|---|
| ଜନ୍ମ ଓ ଜନ୍ମସ୍ଥାନ | ୧୮ ଜାନୁଆରୀ ୧୯୪୫ ସତ୍ୟଭାମାପୁର, କଟକ ଜିଲ୍ଲା 20°43′32″N 86°16′22″E / 20.72556°N 86.27278°E |
| ବୃତ୍ତି | କବି |
| ଭାଷା | ଓଡ଼ିଆ |
| ଜାତୀୟତା | ଭାରତୀୟ |
| ନାଗରିକତା | ଭାରତୀୟ |
| ଶିକ୍ଷାନୁଷ୍ଠାନ | ରେଭେନ୍ସା ମହାବିଦ୍ୟାଳୟ, ଉତ୍କଳ ବିଶ୍ୱବିଦ୍ୟାଳୟ |
| ସାହିତ୍ୟ କୃତି | ନିମିଷେ ଅକ୍ଷର ଶବରୀ |
| ପୁରସ୍କାର | କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର ଶାରଳା ପୁରସ୍କାର |
| ଜୀବନସାଥୀ | ନିତ୍ୟାନନ୍ଦ ଶତପଥୀ |
| ସନ୍ତାନ | ପାରମିତା ଶତପଥୀ |
| ସମ୍ପର୍କୀୟ | ଗୋପାଳ ଚନ୍ଦ୍ର ପ୍ରହରାଜ |
ପ୍ରତିଭା ପିଲାବେଳରୁ କବିତା ଲେଖିବା ଆରମ୍ଭ କରିଥିଲେ । ତାଙ୍କ କବିତାରେ ପ୍ରେମ, ପ୍ରକୃତିର ସମାବେଶ ଦେଖାଯାଏ । ତାଙ୍କର ପ୍ରଥମ କବିତା ପୁସ୍ତକ ଶେଷ ଜହ୍ନ ୧୯୬୨ମସିହାରେ ପ୍ରକାଶିତ ହୋଇଥିଲା । ଦୀର୍ଘ ୨୫ ବର୍ଷ ଧରି ସେ ଓଡ଼ିଆ ପତ୍ରିକା ଇସ୍ତାହାରର ସମ୍ପାଦକ ଥିଲେ । ବର୍ତ୍ତମାନ ସେ ଏକ ପାକ୍ଷିକ କବିତା ପତ୍ରିକା 'ଉଦ୍ଭାଷା'ର ସମ୍ପାଦକ ଅଛନ୍ତି ।
ପରିବାର
ପ୍ରତିଭା, ସାହିତ୍ୟିକ ନିତ୍ୟାନନ୍ଦ ଶତପଥୀଙ୍କୁ ବିବାହ କରିଛନ୍ତି । ପାରମିତା, ମଧୁବ୍ରତା, ଅସିତା ଓ ଇପ୍ସିତା ନାମରେ ତାଙ୍କର ଚାରି ଝିଅ ଅଛନ୍ତି ।
ସାହିତ୍ୟ କୃତି
- କବିତାର ଉଦ୍ଭାସନ ଓ ନବ୍ୟାଲୋଚନା, ୨୦୧୫
କବିତା ସଙ୍କଳନ
- କହି ନ ହେଲେ (୨୦୦୬)
- ଅଧା ଅଧା ନକ୍ଷତ୍ର (୨୦୦୧)
- ତନ୍ମୟ ଧୁଳି (୧୯୯୬)
- ଶବରୀ (୧୯୯୧)
- ମହାମେଘ (୧୯୮୮)
- ନିମିଷେ ଅକ୍ଷର (୧୯୮୫)
- ନିୟତ ବସୁଧା (୧୯୮୦)
- ସାହାଡା ସୁନ୍ଦରୀ (୧୯୭୮)
- ଗ୍ରସ୍ତ ସମୟ (୧୯୭୪)
- ଅସ୍ତ ଜହ୍ନର ଏଲିଜି (୧୯୬୯)
- ଶେଷ ଜହ୍ନ (୧୯୬୨)
- ଆମ କବିତା (୧୯୬୨)
- The Hidden Flower (Pearl Buck)ର ଅନୁବାଦ
- Monograph of Kalhana, the twelfth-century poet-historianର ଅନୁବାଦ
ପୁରସ୍କାର ଓ ସମ୍ମାନ
- କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର, ୨୦୦୧ (ତନ୍ମୟ ଧୁଳି)
- ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର, ୧୯୮୬ (ନିମିଷେ ଅକ୍ଷର)
- ଶାରଳା ପୁରସ୍କାର, ୧୯୯୨ (ଶବରୀ)
- ସାହିତ୍ୟ ଭାରତୀ ସମ୍ମାନ, ୨୦୧୪ (ଶ୍ରୀ ଗଂଗାଧର ରଥ ଫାଉଣ୍ଡେସନ୍ ପ୍ରଦତ୍ତ)
- ଝଙ୍କାର ପୁରସ୍କାର (କବିତା), ୧୯୮୧ (ପ୍ରଜାତନ୍ତ୍ର ପ୍ରଚାର ସମିତି ପ୍ରଦତ୍ତ)
- କ୍ରିଟିକ ସର୍କଳ ଅଫ ଇଣ୍ଡିଆ ପୁରସ୍କାର (୧୯୯୬)
- ଧରିତ୍ରୀ- ସମାଜବାଦୀ ସୋସାଇଟି କବିତା ସମ୍ମାନ (୧୯୮୫)
- ପ୍ରଜାତନ୍ତ୍ର ତରୁଣ କବି ପୁରସ୍କାର (୧୯୬୨)
- ରାଷ୍ଟ୍ରୀୟ କବିର ସମ୍ମାନ, ମଧ୍ୟପ୍ରଦେଶ ସରକାରଙ୍କ ସଂସ୍କୃତି ବିଭାଗ (୨୦୧୪-୧୫)
ଆଧାର
- ପାରମିତା ଶତପଥୀଙ୍କ ପରିବାର Archived 2021-01-17 at the Wayback Machine.
This article uses material from the Wikipedia ଓଡ଼ିଆ article ପ୍ରତିଭା ଶତପଥୀ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.