ߘߎߢߊ߫ ߦߋߞߏߓߊ ߥߐߙߐ߲ߥߌ߬ߟߊ ߞߘߐߞߘߐ

ߟߎ߫ ߟߋ߬ ߜߋ߬ߙߋ ߟߊߓߊ߬ߕߏ ، ߡߍ߲ ߠߎ߬ ߡߊߟߐ߲ߣߍ߲߫ ߘߎߢߊ߫ ߦߋߞߏߓߊ ߟߎ߬ ߘߌ߫ ، ߞߏ߬ߣߌ߲߲߬ ߞߌߙߌ߲ߓߏ߲ ߠߋ߬ ߞߋߟߋ߲߫ ߔߋ߫ ߦߋ߫ ߖߊ߬ߕߋ߬ ߟߊ߫ ߞߓߊߞߏߓߊ ߘߌ߫ ߓߌ߬ ߸ ߡߍ߲ ߧߴߊ߬ ߢߊ ߡߊ߬ ߁߀߀% ߤߊߟߌ߬ ߓߌ߬

ߜ߭ߙߍ߬ߞߌ ߡߐ߰ ߝߟߐߝߟߐ߫ ߘߟߊߞߊߟߌߟߊ ߟߎ߬ ߞߵߊ߬ߟߎ߬ ߟߊ߫ ߘߟߊߞߊߟߌ ߝߊ߲߬ߞߋߟߋ߲ ߞߍ߫ ߝߊ߯ߘߐߞߍ߫ ߣߊ߯ߣߌ߲ߣߊ߲ ߠߋ߬ ߟߊ߫ ߌߛߊ߫ ߡߏߦߌ߫ ߢߍ߫ ، ߏ߬ ߞߍ߫ ߘߊ߫ ߣߐ߰ߦߊ߬ߓߊ ߣߌ߫ ߓߍ߲߬ߒ߬ߛߋ߲߬ߡߊ߬ߓߊ ߟߋ߬ ߘߌ߫ ߜ߭ߙߍ߬ߞߌ ߞߎ߲ߝߊ߲ߓߐߟߊ ߟߎ߬ ߢߍ߫ ، ߞߵߊ߬ߟߎ߬ ߟߊߛߋ߫ ߛߏߡߐ߯ߦߊ߫ ߞߘߐ ߟߎ߫ ߡߊ߬ ߞߵߊ߬ߟߎ߬ ߡߊߝߟߍ߫ ، ߌߞߏ߫ ߝߙߊߥߐ߲ ߝߟߐߝߟߐ ߟߎ߬ ߣߌ߫ ߔߍߙߛߌߞߊ ߟߎ߬ ߣߌ߫ ߓߊߓߌߟߞߊ ߟߎ߬ ߟߊ߫ ߛߏߡߐ߯ߦߊ ، ߛߏߡߐ߯ߦߊ ߏ߬ ߟߎ߫ ߞߵߊ߬ߟߎ߫ ߡߊߞߓߊ߫ ߞߏߛߓߍ߫ ߸ ߊ߬ߟߎ߫ ߞߊ߬ ߡߍ߲ ߠߎ߬ ߦߋ߫ ߞߊ߬ ߓߐ߫ ߘߎߢߊ߫ ߛߏߡߐ߯ߦߊ ߟߎ߬ ߘߐ߫ ، ߏ߬ ߞߍ߫ ߸ ߞߎ߲ߝߊ߲ߓߐߟߊ ߏ߬ ߟߎ߫ ߞߵߏ߬ ߟߎ߫ ߛߓߍ߫ ߘߊߡߌ߬ߣߊ߬ ߌߞߘߐ߫ ߸ ߞߏߛߴߊ߬ߟߎ߬ ߘߴߊ߬ߟߎ߬ ߛߌ߲ߡߴߊ߬ߟߎ߫ ߡߊ߬ ߕߎ߬ߡߊ ߣߊ߬ߕߐ߫ ߟߎ߬ ߘߐ߫ ، ߞߎ߲ߝߊ߲ߓߐߟߊ ߏ߬ ߟߎ߫ ߓߍ߯ ߣߴߊ߬ߟߎ߫ ߕߊ ߓߊߞߎߘߊ ߟߋ߫ ߕߘߍ߬ ߞߊ߬ ߓߐ߫ ߛߙߍߘߍ ߏ߬ ߟߎ߫ ߘߐ߫ ،ߞߏ߬ߣߌ߲߬ ߡߍ߲ ߞߊ߬ߦߌ߲ ߏ߬ ߓߍ߯ ߘߌ߫ ߣߴߊ߬ ߦߋ߫ ߦߋ߲߬ ߓߌ߬ ߸ ߏ߬ ߟߋ ߜ߭ߙߍ߬ߞߌ߬ߞߊ ߛߞߎ߬ߦߊ߬ߟߊ ߕߊ ߘߌ߫ ߣߊߟߌ߬ߡߎ߲߫ ߊ߲ߕߌߓߎ߳ߕߍ߯ߙ ߛ߳߫ߊߦߌߘߊ߯ߥߌߞߊ ߘߌ߫ ߸ߊ߬ ߛߓߍߦߊ߫ ߘߊ߫ ߛߊ߲߬ ߁߄߀ ߌߛߊ ߡߏߦߌ߫ ߢߍ߫ ، ߊ߬ ߣߌ߫ ߞߝߊ߬ ߜߘߍ߫ ߝߣߊ߫ ߡߍ߲ ߛߓߍߦߊ߫ ߘߊ߫ ߝߌߟߎ߫ ߓߌߖ߭ߊ߲ߕߌߞߊ ߘߊ߬ߡߊ߲߬ߟߐ߲߬ߠߊ ߓߟߏ߫ ߸ ߡߍ߲ ߞߎ߲߬ߕߐ߮ ߦߋ߫ " ߘߎߢߊ߫ ߢߊߣߐ ߥߐߙߐ߲ߥߌ߬ߟߊ" ߘߌ߫ ، ߒ߬ߞߊ߬ ߓߟߏߟߊߛߓߍߣߍ߲ ߞߋߟߋ߲߫ ߔߋ߫ ߟߋ߬ ߕߏ߫ ߘߊ߫ ߞߊ߬ߝߊ ߏ߬ ߟߎ߫ ߘߐ߫ ߸ ߏ߬ ߘߏ߲߬ ߞߊ߬ ߦߋߞߏߓߊ ߥߐ߯ߙߐ ߘߐߙߐ߲߫ ߠߋ߬ ߝߐ߫ ، ߊ߬ ߣߌ߫ ߊ߲ߕߌߓߎ߳ߕߍ߯ߙ ߛ߳߫ߊߦߌߘߊ߯ߥߌߞߊ ߓߍ߲߬ߠߌ߲ ߠߋ߬ ߢߐ߲߯ ߡߊ߬ ߟߞߊ߬ߟߌ߬ߟߌ ߓߍ߯ ߘߐ߫ . ߘߊ߬ߟߎ ߞߍߣߍ߲߫ ߓߊߞߎߘߊ ߜߘߍ߫ ߟߋ߬ ߘߌ߫ ߦߋߞߏߓߊ ߌߛߑߞߊ߲ߘߊߙߌߦߊ߫ ߕߊߜߟߊ ߟߊߞߏ ߘߐ߫، ߞߊ߬ ߞߐ߲߰ ߙߏ߯ߘߍߛ ߟߊ߫ ߖߌ߬ߦߊ߬ߘߐ ߕߐ߭ ߢߍ߫ ߛߓߍߟߌߟߊ ߟߎ߬ ߞߊ߬ ߎߛ߭ߑߕߊ߯ߙ ߓߏ߲ߘߊ ߟߋ߬ ߓߌ߬ߟߵߊ߬ ߣߐ߭ ߘߐ߫.  ߌߛߑߞߊ߲ߘߊߙߌߦߊ߫ ߢߍߓߏ߲ ߞߊ߬ ߓߊߞߎߘߊ ߘߏ߫ ߟߋ߬ ߟߊߡߙߊ߬ ߞߐߡߊߛߙߋ ߘߌ߫ ߘߝߐ߬ߦߊ߬ߟߊ ߤߙߋߘߐߕ ߣߌ߫ ߓߐ߰ߟߐ߬ߟߊ ߞߊߟߌߡߊ߯ߞ߭ߎߛ ߞߊ߬ ߓߐ߫ ߛߙߌߣߌ߲߫، ߡߍ߲ ߧߋ߫ ߞߎߡߊ߫ ߟߊ߫ ߘߎߢߊ߫ ߦߋߞߏߓߊ ߟߎ߬ ߞߊ߲߬.

ߙߏ߯ߘߍߛ ߖߌ߬ߦߊ߬ߘߐ ߟߋ߫ ߟߐ߬ߣߍ߲߫ ߊ߬ ߓߍ߯ ߞߐ߫. ߊ߬ ߓߊߣߍ߲߫ ߟߐ߬ ߟߊ߫ ߛߊ߲߬ ߂߈߀ ߌߛߊ߫ ߡߏߦߌ߫ ߢߍ߫ ، ߊ߬ߟߋ ߟߋ߬ ߘߏ߲߬ ߞߍ߫ ߘߊ߫ ߝߟߐ ߘߌ߫ ߡߍ߲ ߕߎߣߎ߲ߣߍ߲߫ ߸ ߞߵߊ߬ ߞߎ߲߭ ߞߍ߫ ߘߎ߰ߦߙߍߦߙߍ ߘߏ߫ ߘߌ߫ ߡߍ߲ ߞߍ߫ ߘߊ߫ ߛߊ߲߬ ߂߂߆ - ߂߂߅ ߌߛߊ߫ ߡߏߦߌ߫ ߢߍ߫ ، ߞߊ߬ ߟߊ߫ ߞߐߞߊ߲߬ ߦߋߞߏߓߊ ߥߐߙߐ߲ߥߌ߬ߟߊ ߞߘߐߞߘߐ ߕߘߵߊ߬ ߢߊ ߡߊ߬ ߕߎ߬ߡߊ ߏ߬ ߟߊ߫ ، ߞߏ߬ߣߌ߲߬ ߸ ߞߊ߬ ߓߐ߫ ߛߊ߲߭ ߏ߬ ߡߊ߬ ߸ ߏ߬ ߕߊ߬ߡߌ߲߬ ߞߐ߫ ߛߊ߲߬ ߓߌߥߐ߯ߙߐ߫

ߘߎߢߊ߫ ߦߋߞߏߓߊ ߟߎ߬

߁- https://www.duhoctrungquoc.vn/wiki/ar/%D8%B9%D8%AC%D8%A7%D8%A6%D8%A8_%D8%A7%D9%84%D8%AF%D9%86%D9%8A%D8%A7_%D8%A7%D9%84%D8%B3%D8%A8%D8%B9

߂- موسوعة شبكة المعرفة الريفية

߃- https://web.archive.org/web/20151229090433/http://www.yabeyrouth.com/pages/index1019k.htm

߄- https://web.archive.org/web/20170719000312/http://www.al-dalel.com/agaib/

߅- http://www.scief-facts.com/2012/07/blog-post_13.html

߆- https://web.archive.org/web/20140714234031/http://alakhbaar.org/home/2007/07/32776.html