ߘߎߢߊ߫ ߞߓߊߣߊ߲ߞߏ ߟߎ߬
ߞߊ߬ ߓߐ߫ ߥߛߎ߬ ߖߊ߲ ߡߊ߬ ߸ ߛߙߍߘߍ ߓߐߣߍ߲ߢߐ߲߰ߡߊ ߘߏ߫ ߟߎ߬ ߟߊߘߊ߲߫ ߘߊ߫
߸ ߞߏ ߦߋߞߏߓߊ ߘߏ߫ ߟߎ߫ ߞߊ߲߬ ߸ ߞߊ߬ ߓߐ߫ ߊߘߡߊߘߋ߲ ߠߊ߫ ߛߌ߲ߘߟߌ ߟߎ߬ ߘߐ߫ ߸ ߊ߬ ߣߌ߫ ߖߊ߯ߓߊ ߛߎ߲ߞߎ߲ ߦߋߞߏߓߊ ߘߏ߫ ߟߎ߬
.
ߞߊ߬ ߓߐ߫ ߘߎߢߊ߫ ߦߋߞߏߓߊ ߥߐߙߐ߲ߥߌ߬ߟߊ ߞߊ߬ߞߘߐߞߘߐ ߥߎ߬ߛߎ ߘߐ߫ ߸ ߏ߬ ߟߋ߬ ߞߍ߫ ߘߊ߫ ߛߙߍߘߍ ߝߟߐ ߘߌ߫ ߸ ߊߘߡߊߘߋ߲ ߠߊ߫ ߛߌ߲ߘߟߌ ߞߓߊߞߏߡߊ ߟߎ߫ ߞߊ߲߬ ߸ ߞߊ߬ߞߘߐߞߘߐ ߕߎ߬ߡߊ ߟߊ߫، ߏ߬ ߟߎ߬ ߟߊߞߏߟߐ߲ߠߌ߲߫ ߜ߭ߙߍ߬ߞߌ ߟߎ߬ ߟߊ߫ ߞߎ߲ߝߊ߲ߓߐߟߌߟߊ ߟߎ߫ ߟߋ߬ ߓߟߏ߫ ߸ ߒ߬ߞߊ߬ ߸ ߏ߬ ߟߎ߬ ߦߋ߫ ߦߋߞߏߓߊ ߟߎ߫ ߟߋ߬ ߘߌ߫ ߸ ߡߍ߲ ߠߎ߬ ߦߋ߫ ߛߐ߬ߘߐ߲߬ ߠߊ߫ ߕߍߡߓߊߜߍ ߝߍ߬. ߥߐߙߐ߲ߥߌ߬ߟߊ ߟߋ߬ ߛߎߥߊ߲ߘߌߣߍ߲߫ ߏ߬ ߟߎ߬ ߘߐ߫ ߸ ߞߊ߬ߡߊߛߐ߬ߘߐ߬߸ ߜ߭ߙߍ߬ߞߌ ߟߎ߬ ߦߋ߫ ߝߙߍߕߍ ߥߐߙߐ߲ߥߌ߬ߟߊ ߖߊ߬ߕߋ߬ ߟߊ߫ ߝߙߍߕߍ߫ ߘߝߊߣߍ߲ ߠߋ߬ ߘߌ߫ ߞߐ߲߫. ߛߙߍߘߍ ߏ߬ ߟߘߊߣߍ߲߫ ߟߊߡߎߣߎ߲ ߛߌߦߊߡߊ߲߫ ߠߋ߬ ߟߊ߫. ߞߊ߬ ߓߍ߲߬ ߡߍ߲ ߧߋ߫ ߛߙߍߘߍ ߏ߬ ߞߣߐ߫ ߸ ߞߊ߬ߞߘߐߞߘߐ ߥߛߎ ߣߌ߫ ߕߍߡߊ߫ ߥߛߎ ߣߌ߫ ߞߊ߬ߞߎߘߊߞߎߘߊ ߥߛߎ ߟߎ߬ ߘߐ߫.
ߛߙߍߘߍ ߝߘߏ߬ߓߊ߬ߡߊ ߘߏ߫ ߓߘߊ߫ ߛߙߍߘߍ߫ ߘߎߢߊ߫ ߦߋߞߏߓߊ ߟߎ߬ ߞߊ߲߬. ߏ߬ ߛߙߍߘߍߣߍ߲߫ ߕߊ߲߬ ߠߋ߬:
- ߘߎߢߊ߫ ߦߋߞߏߓߊ ߥߐߙߐ߲ߥߌ߬ߟߊ ߞߘߐߞߘߐ
ߞߌߢߍ߫ ߦߋߞߏߓߊ ߥߐߙߐ߲ߥߌ߬ߟߊ ߞߘߐߞߘߐ
ߘߝߐ߬ߦߊ߬ߟߊ ߤߋߙߋߘߐߕ (߄߈߄ ߌ. ߢ -߄߂߅ ߌ. ߢ)، ߊ߬ ߣߌ߫ ߕߙߌߣߌ߲ߠߊ ߞߊߟߌߡߊ߯ߞ߭ߎߛ ߞߊ߬ ߓߐ߫ ߛߙߌߣߌ߲߫ (߃߀߅ ߌ. ߢ -߂߄߀ ߌ. ߢ) ߌߛߑߞߊ߲ߘߊߙߌߦߊ߫ ߢߍߓߏ߲ ߠߊ߫ ߸ ߡߐ߰ ߝߌ߬ߟߊ ߏ߬ ߟߋ ߞߵߊ߬ ߟߐ߬ ߕߎ߬ߡߊ߬ ߖߏߣߊ ߟߊ߫ ߞߊ߬ ߞߌߢߍ߫ ߦߋߞߏߓߊ ߥߐߙߐ߲ߥߌ߬ߟߊ ߟߎ߬ ߛߙߍߘߍ߫، ߞߏ߬ߣߌ߲߬ ߸ ߥߊߦߌߞߊ߫ ߹ ߊ߬ߟߎ߬ ߟߊ߫ ߛߙߍߘߍ ߟߎ߬ ߡߊ߫ ߡߊߛߐ߬ߘߐ߲߬ ߸ ߝߴߊ߬ߟߎ߬ ߦߋ߫ ߞߍ߫ ߡߍ߲ ߞߍ߫ ߟߊ߫ ߞߐߡߊߛߙߋ ߟߎ߬ ߘߌ߫. ߞߌߢߍ߫ ߦߋߞߏߓߊ ߟߎ߫ ߟߋ߬:
- ߞߌߙߌ߲ߓߏ߲
- ߓߊ߯ߓߌߟߊ ߟߊ߫ ߣߊߞߐ ߟߊߘߎ߲ߣߍ߲
- ߖ߭ߎߛߋ߫ ߟߊ߫ ߖߌ߬ߦߊ߬ߘߐ ߏߟߌ߲ߔߌߞ ߞߣߐ߫
- ߊߙߑߕߌߡߌ߯ߛ ߟߊ߫ ߓߊ߬ߕߏ߬ߓߏ߲ ߍߔߍߛ ߞߣߐ߫
- ߡߎߟߏߛ ߝߎ߬ߙߎ߲߬ߞߎߡߍ ߤߋߟߌߞߊߙ ߣߊߛߏߛ ߛߏ ߞߣߐ߫
- ߙߏ߯ߘߍߛ ߟߊ߫ ߖߌ߬ߦߊ߬ߘߐ
- ߌߛߑߞߊ߲ߘߊߙߌߦߊ߫ ߕߊߜߟߊ
ߛߙߍߘߍ ߡߍ߲ ߠߋ߫ ߖߊ߬ߕߋ߬ߣߍ߲ ߞߌߢߍ߫ ߞߏߡߞߓߊߣߍ߲ ߠߎ߬ ߘߌ߫، ߞߏ߬ߣߌ߲߬ ߸ ߊ߬ߟߎ߬ ߡߊ߫ ߌߛߑߞߊ߲ߘߊߙߌߦߊ߫ ߕߊߜߟߊ ߕߘߍ߬ ߖߊ߬ߕߋ߬ߟߌ ߘߐ߫.
ߞߏ߬ߣߌ߲߬ ߸ ߜ߭ߙߍ߬ߞߌ ߟߎ߬ ߡߊ߫ ߝߐ߫ ߊ߬ߟߎ߫ ߡߊ߬ ߞߏ߫ ߦߋߞߏߓߊ ߟߎ߬ ߸ ߊ߬ߟߎ߬ ߞߊ߲߫ ߠߋ߬ "thaumata" ߜߙߍ߬ߞߌ߬ ߞߊ߲߫ ߘߏ߫ (Θαύματα) ߡߍ߲ ߞߘߐ ߦߋ߫ "ߡߊߝߣߍߣߌ߲ ߝߋ߲߫ ߠߎ߬ ߘߌ߫". ߒ߬ߞߊ߬ ߸ ߛߙߍߘߍ ߡߍ߲ ߦߋ߫ ߦߋ߲߬ ߓߌ߬ ߸ ߏ߬ ߟߘߊߣߍ߲߫ ߕߍߡߊ ߥߛߎ ߟߋ߬ ߟߊ߫ ، ߊ߬ ߘߏ߲߬ ߛߌߦߊߡߊ߲߫ ߕߍ߫ ߓߊߟߏ ߘߐ߫ ߡߎ߬ߕߎ߲߬. ߞߋߟߋ߫ ߔߋ߫ ߟߋ߬ ߓߊߟߏ ߘߐ߫ ߤߊߟߌ߬ ߓߌ߬ ߸ ߏ߬ ߟߋ ߞߌߙߌ߲ߓߏ߲ ߘߌ߫ ߡߌߛߌ߬ߙߊ߲߬ .
ߞߌߢߍ߫ ߦߋߞߏߓߊ ߥߐߙߐ߲ߥߌ߬ߟߊ ߞߊ߬ߞߎߘߊߞߎߘߊ
ߏ߬ ߦߋ߫ ߘߋ߬ߕߋ߬ߘߊ ߕߣߐ߬ߡߊ ߘߏ߫ ߟߋ߬ ߘߌ߫ ߸ ߞߣߊߘߊ߫ ߖߌ߬ߦߊ߬ߖߟߎ߬ ߓߐߟߊ ߟߎ߬ ߞߊ߬ ߡߍ߲ ߠߊߓߐ߫ ߸ ߡߍ߲ ߓߐߛߎ߲ ߧߋ߫ ߛߎߥߍߦߌߛߌߟߊ߫ ߘߌ߫ ߸ ߡߍ߲ ߞߟߌ߫ ߘߴߊ߬ߟߎ߬ ߓߟߏ߫ ߞߏ߫ ߓߌߙߑߣߊ߯ߙߑߘ ߝ߭ߌ߯ߓߑߙ ߁߉߉߉ ߟߊ߫، ߏ߬ ߞߍߣߍ߲߫ ߘߋ߬ߕߋ߬ߘߊ ߕߣߐ߬ߡߊ ߘߏ߫ ߟߋ߬ ߓߟߏ߫ ߸ ߊ߬ ߛߌ߲ߘߌߣߍ߲߫ ߕߐ߯ ߡߍ߲ ߞߘߐ߫ ߏ߬ ߟߋ: ߞߌߢߍ߫ ߞߊ߬ߞߎߘߊߞߎߘߊ ߘߟߊߞߊߟߌ ߘߋ߬ߕߋ߬ߘߊ (New Open World Corporation). ߏ߬ ߦߋ߫ ߘߋ߬ߕߋ߬ߘߊ ߟߋ߬ ߘߌ߫ ߸ ߡߍ߲ ߦߋ߫ ߓߊ߯ߙߊ ߟߊ߫ ߞߏߛߴߊ߬ ߘߌ߫ ߕߐ߬ߣߐ ߛߐ߬ߘߐ߲߬ ߸ ߊ߬ߟߎ߬ ߣߌ߫ ߘߎߢߊ߫ ߛߟߋߞߋ߫ ߣߊ߯ߣߌ߲ ߠߊ߫ ߓߟߏߘߏ߲ߢߐ߲߯ߓߟߏ ߞߣߐߡߊ߬߸ ߞߊ߬ ߢߣߊߕߊߟߌ߫ ߞߍ߫ ߞߌߢߍ߫ ߦߋߞߏߓߊ ߥߐߙߐ߲ߥߌ߬ߟߊ ߞߊ߬ߞߎߘߊߞߎߘߊ ߟߎ߬ ߕߍ߫. ߞߊ߬ ߓߍ߲߬ ߘߋ߬ߕߋ߬ߘߊ ߏ߬ ߡߙߌߦߊ ߡߊ߬ ߸ ߢߣߊߕߊߟߌ ߕߍ߫ ߞߍߟߊ ߝߋ߲߫ ߛߌ߫ ߕߍ߫ ߸ ߝߴߊ߬ ߦߋ߫ ߞߍ߫ ߊߘߡߊߘߋ߲ ߠߊ߫ ߛߌ߲ߘߟߌ ߟߋ߬ ߘߌ߫ ߞߊ߬ ߞߐ߲߰ ߂߀߀߀ ߢߍ߫ ߸ ߊ߬ ߘߏ߲߬ ߧߋ߫ ߛߓߊ߬ߕߌ߬ ߞߊ߬ ߞߐ߲߰ ߢߣߊߕߊߟߌ ߢߍ߫.
| ߦߋߞߏ | ߊ߬ ߟߐ߬ ߦߙߐ | ߊ߬ ߟߐ߬ ߕߎߡߊ |
|---|---|---|
| ߛ߭ߌߣ ߖߌ߲߬ߓߊ | ߛ߭ߌߣ | ߂߀߄ ߌ. ߢ |
| ߓߋߕߙߊ߫ | ߎߙߑߘߎߣߌ߲߫ | ߝߊ߯ߘߐߞߍ߫ ߈߲ ߠߊ߫ ߌ. ߢ |
| ߞߎ߲߬ߞߊ߬ߓߊ߮ ߌߛߊ߫ ߖߌ߬ߦߊ߬ߘߐ | ߓߟߋߖ߭ߟߌ߫ | ߁߉߃߀ |
| ߡߊߗߌ߫ ߔߌߗߐ߫ | ߔߋ߯ߙߏ߫ | ߁߄߄߀ |
| ߞߟߎߛߦߎߡ | ߌߕߊߟߌ߫ | ߈߀ |
| ߛ߭ߌߖߋߣ ߋߕߑߖ߭ߊ߫ | ߡߍߞߑߛߌߞ | ߝߊ߯ߘߐߞߍ߫ ߁߀߲ |
| ߕߊ߯ߖ ߡߤߊߟ | ߍ߲ߘ | ߁߆߃߂ |
ߞߌߙߌ߲ߓߏ߲ ߕߘߍ߬ ߘߊ߫ ߢߣߊߕߊߟߌ ߏ߬ ߘߐ߫ ߞߊ߬ߡߊߛߐ߬ߘߐ߲߬ ߸ ߊ߬ߟߋ ߟߋ߬ ߘߎߢߊ ߞߓߊߞߏߓߊ ߥߐߙߐ߲ߥߌ߬ߟߊ ߞߘߐߞߘߐ ߘߌ߫ ߡߍ߲ ߦߋ߲߬ ߕߋ߲߬ߕߋ߲߬.
ߘߎߢߊ ߦߋߞߏߓߊ ߛߎ߲ߞߎ߲ߡߊ ߥߐߙߐ߲ߥߌ߬ߟߊ
ߜߛߊ߬ߕߌ ߖߊ߯ߓߟߞߊ ߘߏ߬ ߞߍ߫ ߘߊ߫ ߛߎ߲ߞߎ߲ ߞߓߊߞߏߡߊ ߟߎ߬ ߕߍ߫ ߸ ߏ߬ ߞߍ߫ ߘߊ߫ ߘߋ߬ߙߌ߬ߘߊ ߡߍ߲ ߓߟߏ߫ ߸ ߏ߬ ߟߋ߬ (ߞߎߟߎ߲߫ ߞߎߘߊ ߣߌ߫ ߛߎߥߦߌߛ ߣߎߘߍߙߑߛ ߘߌ߫ ߸ ߊ߬ߟߎ߬ ߟߊ߫ ߝߊ߲ߓߊ ߦߋ߫ ߖ߭ߌߦߎ߯ߙߌߞ߭ ߟߋ߬
- ߊߡߊ߯ߖ߭ߎߣߌ߲߫ ߓߊ : ߔߋ߯ߙߏ߫ ߣߌ߫ ߞߐߟߐ߲ߓߌ߫ ߣߌ߫ ߓߙߋߖ߭ߌߟߌ߬ ߟߎ߫ ߘߐ߫
- ߤߊ߯ߟߐ߲ߖߌ߫ ߓߊ ߖߌߘߏ߯ߘߎ߮: ߝ߭ߕߌߣߊ߯ߡ ߞߣߐ߫
- ߌߖߎߥߊߖ߭ߎ߫ ߛߎߙߎ߲ߘߎ : ߓߙߋߖ߭ߌߟߌ߬ ߞߣߐ߫
- ߖߌߖߏ߫ : ߥߙߏ߬ߘߎ߮ ߞߏߙߋ߫
- ߞߡߏ߬ߘߏ߬ ߟߊ߫ ߛߊ߲߬ߛߊ߲ ߝߊ߬ߛߏ߬ߟߊ߬ߞߊ : ߍ߲ߘߏߣߛߌ߫
ߣߌ߲߬ ߝߣߊ߫ ߘߐߜߍ߫
This article uses material from the Wikipedia ߒߞߏ article ߘߎߢߊ߫ ߞߓߊߣߊ߲ߞߏ ߟߎ߬, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ߞߣߐߘߐ ߦߋ߫ CC BY-SA 4.0 ߟߊ߫ ߓߌ߬ߟߊ ߟߋ߬ ߘߐ߫߸ ߝߴߊ߬ ߛߌ߬ߣߊ߬ߦߊ߫ ߢߊߝߐߟߌ ߘߋ߬. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ߒߞߏ (DUHOCTRUNGQUOC.VN) is an independent company and has no affiliation with Wiki Foundation.