बिबिसी अर्थात ब्रिटिश ब्रोडकास्टिंग कर्पोंरेशन (अङ्ग्रेजी: British Broadcasting Corporation, BBC) दर्शक-संख्याको आधारमा विश्वको सबैभन्दा ठूलो प्रसारण संस्था हो। बीबीसीका लागि संयुक्त अधिराज्यभित्र नै २६,००० कर्मचारी छन् भने यसको बजेट ४ अरब पाउण्ड स्टर्लिंङ अर्थात ७.८ अरब अमेरिकी डलर भन्दा बढी छ । बीबीसीको मुख्यालय लन्डनमा छ र यसको मुख्य काम भनेको संयुक्त अधिराज्य, च्यानल आइल्याण्ड र आइल अफ म्यानमा सार्बजनिक प्रसारण गर्नु हो। ब्रिटिश राजकीय घोषणा (Royal Charter) बमोजिम प्रसारणको निम्ति संचालित यो एक स्वायत्त सार्बजनिक प्रशारक हो । यसको मुख्य आयश्रोत बेलायतका प्रत्येक टेलिभिजन-धनिहरूबाट अनिबार्य उठाइने बार्षिक कर हो।
Wiki नेपाली | |
व्यवसाय प्रकार | सरकारी स्वामित्वक निगम, सार्वजनिक प्रसारण |
---|---|
उद्योग | प्रसारण |
पूर्ववर्ती | ब्रिटिश ब्रोडकास्टिङ कम्पनी |
स्थापित | १ जनवरी १९२७ |
स्थापनाकर्ता | जोन रिथ (मुख्य निर्देशक) जर्ज भिलियर्स (प्रबन्धक) |
केन्द्रीय कार्यालय | लण्डन, इङ्ल्याण्ड , संयुक्त अधिराज्य |
सेवा क्षेत्र | विश्वव्यापी |
सेवाहरू | टेलिभिजन, रेडियो, अनलाइन |
राजश्व | 5,725,000,000 (31 मार्च 2023) |
परिचालन आय | 290,000,000 (31 मार्च 2021) |
खुद आम्दानी | -120,000,000 (31 मार्च 2023) |
मालिक | द क्राउन (सार्वजनिक स्वामित्व) |
कर्मचारी सङ्ख्या | 22,219 (2021) |
वेबसाइट | bbc.co.uk |
आफ्नो मुख्य क्षेत्र बाहेक विश्वभरिका श्रोताहरूका लागि बीबीसीले रेडियो मार्फत बीबीसी विश्व सेवा सञ्चालन गर्छ। बीबीसीसीको यो सेवा अनुमानित सोह्र करोड श्रोताहरूले सुन्छन। सन् २००५मा यो सेवा मार्फत ३३ भाषाहरूमा प्रसारण गरिन्थ्यो जसमध्ये नेपाली भाषा पनि एक हो। बीबीसी नेपाली सेवाको प्रसारण सन् १९६९को जून ७ तारीखमा शुरू भएको हो। पहिले साप्ताहिक, त्यसपछि हप्तामा तीन दिन हुदै दैनिकरूपमा नेपाली समय अनुसार बेलुकीको पौने नौ बजे शर्टवेभ, नेपालभरका १३० वटाभन्दा बढी एफएमहरू र यसको वेब-साइट मा नेपाली सेवा सुन्न सकिन्छ।
This article uses material from the Wikipedia नेपाली article बिबिसी, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामाग्री CC BY-SA 4.0 अनुसार उपलब्ध छ, खुलाइएको अवस्था बाहेकको हकमा। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki नेपाली (DUHOCTRUNGQUOC.VN) is an independent company and has no affiliation with Wiki Foundation.