जोहान क्राइफ

हेन्ड्रीक जोहान्नेस क्राइफ (जन्म २५ अप्रिल १९४७), जोहान क्राइफ नामले चिनिन्छन जो पुर्व डच फुटबलर हुन र केही क्लबमा प्रबन्धकको जिम्मेवारी पनि सम्हालिसकेका छन् । १९७१, १९७३ र १९७४ गरी ३ पटक बलोन डी'ओर जितेका क्राइफले यो किर्तिमान फ्रेन्च प्लेमेकर मिचेल प्लाटीनी र डच समकक्षी मार्को भान बास्टेनसँग साझा गरेका छन । राइनस मिचेल्सले थालेको फुटबलको चर्चित शैली टोटल फुटबलका उत्प्रेरक क्राइफलाई नेदरल्यान्डका उत्कृष्ट फुटबलरको रूपमा लिइन्छ भने केहीले उनलाई विश्वकै उत्कृष्ट दावी गर्दछन । उनले नेदरल्यान्डलाई १९७४ फिफा विश्वकपको फाइनलसम्म पुर्याएका थिए भने प्रतियोगिताको उत्कृष्ट खेलाडीका रूपमा गोल्डेन बल प्राप्त गरेका थिए । क्लब स्तरमा क्राइफले एज्याक्सबाट आठ डच लिग र ३ युरोपियन कप जिताउन ठुलो भुमिका निभाएका थिए । १९७३ मा किर्तिमानी स्थानान्तरण रकमका साथ एफसी बार्सिलोना प्रवेश गरेका उनले पहिलो सिजनमै ला लिगा जिताए ।