इन्द्र

इन्द्र
इन्द्र भगवान एरावत माथि
देवराज मौसम तथा युद्ध
देवनागरी	इन्द्र वा इंद्र
संस्कृत	इन्द्र
Tamil script	இந்திரன்
वर्ग:	देव ,भगवान
वासस्थान:	Amarāvati in Svarga
अश्त्र:	बज्र
जीवनसाथी:	सची
वाहन:	ऐरावत

ऋग्वेद मा इन्द्र

ऋग्वेद का लगभग एकचौथाइ सुक्त इन्द्रसँग सम्बन्धीत छन् । २५० सुक्त बाहेक अन्य ५० भन्दा धेरै मन्त्रहरूमा इन्द्रको वर्णन पाइन्छ । इन्द्र ऋग्वेदका महत्त्वपूर्ण देवता मानिन्छन् । इन्द्रलाई वर्षाका देवता मानिन्छ । गौणरूपमा आर्यहरुका युद्धदेवता का रूपमा पनि इन्द्रलाई लिइन्छ ।

इन्द्रको जन्म

इन्द्रको जन्मको बारेमा ऋग्वेदमा उल्लेख गरिएको छ । ऋग्वेदका दुइसुक्तहरु इन्द्रको जन्मको वर्णनमा प्रयुक्त भएका छन् । “निष्टीग्री” अथवा “शवसी” नामक गाइलाई उनकी माता बताइएको छ । इन्द्रका पिता “द्यौः” या “त्वष्टा” हुन् । एकठाउँमा उनलाई सोमबाट उत्पन्न भएको भनिएको छ । इन्द्रको जन्महुँदा पृथ्वी कम्पित भएको थियो । चट्याङ् पर्नुलाई उनको जन्मको रूपमा लिन सकिन्छ ।

इन्द्रको परिवार

अग्नी र पुषन् इन्द्रका भाइ हुन् । “इन्द्राणी” इन्द्र कि पत्नी हुन् । मरुद्गण इन्द्रका साथी हुन् ।

इन्द्र एक वृहदाकार देवता हुन् । उनको शरीर पृथ्वीको विस्तारभन्दा कम्तिमा दश गुणा ज्यादा छ । इन्द्र सर्वशक्तिमान् छन् ।

सोमरस इन्द्रको परमप्रिय पेय हो । इन्द्रको प्रसिद्ध आयुध “बज्र” हो । इन्द्र देवलोक को राजधानी अमरावती मा बस्छन् । यहीँ नै उनको नन्दन वन र पारिजात तथा कल्पवृक्षका रुख छन् ।

यो लेख अपुरो छ। तपाईं यसलाई बढाएर विकिपिडियालाई सहायता गर्न सक्नुहुन्छ।

विकिमिडिया कमन्समा इन्द्र सम्बन्धी अन्य सामग्रीहरू रहेका छन्।