ബെനഡിക്ട് കുംബർബാച്ച്

(ജനനം: ജൂലൈ 19, 1976) ഒരു ഇംഗ്ലീഷ് നടനാണ്. നിരവധി ചലച്ചിത്ര, ടെലിവിഷൻ, നാടക, റേഡിയോ പരിപാടികളിൽ അദ്ദേഹം ഭാഗമായിട്ടുണ്ട് . മാഞ്ചസ്റ്റർ സർവകലാശാലയിൽ നിന്ന് ബിരുദം നേടിയശേഷം അദ്ദേഹം ലണ്ടൻ അക്കാദമി ഓഫ് മ്യൂസിക് ആന്റ് ഡ്രാമാറ്റിക് ആർട്ട്സിൽ പരിശീലനം തുടർന്ന്, ക്ലാസിക്കൽ ആക്ടിംഗ് ബിരുദാനന്തര ബിരുദം നേടി.

ബെനഡിക്ട് കുംബർബാച്ച് CBE
Cumberbatch in 2016
ജനനം	ബെനഡിക്ട് തിമോത്തി കാൾട്ടൺ കുംബർബാച്ച് (1976-07-19) 19 ജൂലൈ 1976  (47 വയസ്സ്) Hammersmith, London, England
വിദ്യാഭ്യാസം	Brambletye School Harrow School
കലാലയം	University of Manchester London Academy of Music and Dramatic Art
തൊഴിൽ	Actor
സജീവ കാലം	2000–present
ജീവിതപങ്കാളി(കൾ)	Sophie Hunter ​ (m. 2015)​
കുട്ടികൾ	2
മാതാപിതാക്ക(ൾ)	Timothy Carlton Wanda Ventham
കുടുംബം	Henry Carlton Cumberbatch (grandfather) Henry Arnold Cumberbatch (great-grandfather)
Cumberbatch's voice from the BBC programme Front Row, 23 December 2010 ഈ പ്രമാണം കേൾക്കാൻ കഴിയുന്നില്ലേ? മീഡിയാ സഹായി സന്ദർശിക്കുക.
ഒപ്പ്

നാടകരംഗത്തെ ആദ്യ പ്രകടനം മധ്യ ലണ്ടനിലെ റീജന്റ്സ് പാർക്ക് ഓപ്പൺ എയർ തിയേറ്ററിൽ നടന്ന ഷേക്സ്പിയർ നാടകത്തിലൂടെയായിരുന്നു. 2005 ൽ റിച്ചാർഡ് ഐറിൻറെ ഹെഡ്ഡ ഗാബ്ലർ എന്ന നാടകത്തിലൂടെ വെസ്റ്റ് എൻഡ് നാടകവേദിയിൽ അരങ്ങേറി. അതിനുശേഷം റോയൽ നാഷണൽ തിയറ്റർ അവതരിപ്പിച്ച ആഫ്റ്റർ ദി ഡാൻസ് (2010), ഫ്രാങ്കൻസ്റ്റൈൻ (2011) തുടങ്ങിയ നാടകങ്ങളിൽ അഭിനയിച്ചു. 2015-ൽ, അദ്ദേഹം വില്യം ഷേക്സ്പിയറുടെ ഹാംലെറ്റ്, ബാർബിക്കൻ തിയേറ്ററിൽ അവതരിപ്പിച്ചു. സൈലന്റ് വിറ്റ്നസ് (2002), ഫോർട്ടി സംതിങ് (2003) തുടങ്ങിയ ടെലിവിഷൻ പാരമ്പരകളിലും കുംബർബാച്ച് വേഷമിട്ടു. 2004 ൽ ഹോക്കിങ്ങ് എന്ന ടെലിവിഷൻ സിനിമയിൽ അദ്ദേഹം സ്റ്റീഫൻ ഹോക്കിങ്ങ് ആയി അഭിനയിച്ചു. 2010 മുതൽ ഷെർലക് എന്ന ബിബിസി പരമ്പരയിൽ ഷെർലക് ഹോംസിന്റെ വേഷം അവതരിപ്പിച്ചുവരുന്നു.

അമേസിങ് ഗ്രേസ് (2006), സ്റ്റാർ ട്രെക്ക് ഇൻ റ്റു ഡാർക്‌നെസ്സ് (2013), 12 ഇയേർസ് എ സ്ലേവ് (2013), ദ ഫിഫ്‌ത് എസ്റ്റേറ്റ് (2013), ദ ഇമിറ്റേഷൻ ഗെയിം (2014)എന്നീ ചിത്രങ്ങളിൽ അദ്ദേഹം അഭിനയിച്ചു. ദ ഫിഫ്‌ത് എസ്റ്റേറ്റ് (2013) എന്ന ചിത്രത്തിൽ അദ്ദേഹം ഓസ്‌ട്രേലിയൻ കമ്പ്യൂട്ടർ പ്രോഗ്രാമറും വിക്കിലീക്‌സ് വെബ്‌സൈറ്റിന്റെ സ്ഥാപകനുമായ ജൂലിയൻ അസാഞ്ചിന്റെ വേഷം അവതരിപ്പിച്ചു. 2012 മുതൽ 2014 വരെ, ദ ഹോബിറ്റ് ചലച്ചിത്രപരമ്പരയിൽ സ്മോഗ് എന്ന ഡ്രാഗണിന് ശബ്ദവും, മോഷൻ ക്യാപ്ച്ചർ സാങ്കേതികവിദ്യയിലൂടെ ജീവനും നൽകി. 2016 ൽ ഇറങ്ങിയ ഡോക്ടർ സ്ട്രേഞ്ച് എന്ന ചിത്രത്തിൽ മാർവൽ കോമിക് കഥാപാത്രമായ ഡോ. സ്റ്റീഫൻ സ്ട്രേഞ്ചിനെ അവതരിപ്പിക്കുകവഴി മാർവൽ സിനിമാറ്റിക് യൂണിവേർസിലും കുംബർബാച്ച് അരങ്ങേറി.  

നിരവധി പുരസ്കാരങ്ങളും നാമനിർദ്ദേശങ്ങളും കുംബർബാച്ച് നേടിയിട്ടുണ്ട്. ഷെർലക് എന്ന പരമ്പരയിലെ പ്രകടനത്തിന് നാല് പ്രൈം ടൈം എമ്മി പുരസ്കാരത്തിനുള്ള നാമനിർദ്ദേശങ്ങളും അദ്ദേഹത്തിനു ലഭിച്ചു. ദ ഇമിറ്റേഷൻ ഗെയിം എന്ന ചിത്രത്തിലെ പ്രകടനത്തിന് അദ്ദേഹത്തിന് മികച്ച നടനുള്ള അക്കാദമി അവാർഡ് നാമനിർദ്ദേശം ലഭിക്കുകയുണ്ടായി. ഇതിനു പുറമേ, ആറു ബാഫ്റ്റ പുരസ്കാരങ്ങൾ, അഞ്ച് സ്ക്രീൻ ആക്റ്റേർഴ്സ് ഗിൽഡ് അവാർഡ് നോമിനേഷനുകൾ, രണ്ട് ഗോൾഡൻ ഗ്ലോബ് അവാർഡുകൾ എന്നീ നോമിനേഷനുകളും അദ്ദേഹത്തിന് ലഭിച്ചിട്ടുണ്ട്. 2014-ൽ ടൈം മാസിക അദ്ദേഹത്തെ ലോകത്തിലെ ഏറ്റവും സ്വാധീനിക്കുന്ന ആളുകളിൽ ഒരാളായി കണക്കാക്കി. 2015 ജൂണിൽ കല, സാമൂഹ്യസേവനരംഗം എന്നിവയിലെ സംഭാവനകൾ കണക്കിലെടുത്തു എലിസബത്ത് II രാജ്ഞി അദ്ദേഹത്തിന്‌ സിബിഇ പട്ടം നൽകി ആദരിച്ചു.   

ടെലിവിഷൻ