|
ദ ഇമിറ്റേഷൻ ഗെയിം | |
---|---|
സംവിധാനം | Morten Tyldum |
നിർമ്മാണം | Nora Grossman Ido Ostrowsky Teddy Schwarzman |
രചന | Graham Moore |
ആസ്പദമാക്കിയത് | Alan Turing: The Enigma by Andrew Hodges |
അഭിനേതാക്കൾ | ബെനഡിക്ട് കുംബർബാച്ച് കെയ്റ നൈറ്റ്ലി [മാത്യു ഗുഡ് ]] റോറി കിന്നിയർ [[അലൻ ലീച്ച് ]] ചാൾസ് ഡാൻസ് മാത്യു ബിയേഡ് മാർക്ക് സ്ട്രോംഗ് |
സംഗീതം | Alexandre Desplat |
ഛായാഗ്രഹണം | Óscar Faura |
ചിത്രസംയോജനം | William Goldenberg |
സ്റ്റുഡിയോ | Black Bear Pictures Bristol Automotive |
വിതരണം | StudioCanal (United Kingdom) The Weinstein Company (United States) |
റിലീസിങ് തീയതി |
|
രാജ്യം | United States |
ഭാഷ | English |
ബജറ്റ് | $15 million |
സമയദൈർഘ്യം | 114 minutes |
ആകെ | $29.1 million |
2014ൽ പുറത്തിറങ്ങിയ ഒരു അമേരിക്കൻ ചരിത്രാധിഷ്ഠിത ത്രില്ലർ ചലച്ചിത്രമാണ് ദ ഇമിറ്റേഷൻ ഗെയിം. ബ്രിട്ടീഷ് ഗണിതജ്ഞനും കമ്പ്യൂട്ടർ ശാസ്ത്രത്തിന്റെ പിതാവുമായ അലൻ ട്യൂറിംഗ്, രണ്ടാം ലോകമഹായുദ്ധകാലത്ത് നാസി ജർമ്മനിയുടെ എനിഗ്മ കോഡുകൾ തകർക്കാൻ വേണ്ടി കമ്പ്യൂട്ടർ നിർമ്മിക്കുന്നതും പിന്നീട് സ്വവർഗ്ഗാനുരാഗത്തിന്റെ പേരിൽ ജയിലലാകുന്നതുമാണ് ഇമിറ്റേഷൻ ഗെയിമിന്റെ ഇതിവൃത്തം. ബെനഡിക്ട് കുംബർബാച്ച് അലൻ ട്യൂറിംഗായി അഭിനയിക്കുന്ന ചിത്രം സംവിധാനം ചെയ്തിരിക്കുന്നത് മോർട്ടൻ ടൈൽഡമും രചന ഗ്രഹാം മൂറിന്റേതുമാണ്. ആൻഡ്ര്യൂ ഹോഡ്ജസിന്റെ അലൻ ട്യൂറിംഗ്: ദ എനിഗ്മ എന്ന മൂലകൃതിയെ അവലംബിച്ചാണ് ഈ ചലച്ചിത്രം തയ്യാറാക്കിയിരിക്കുന്നത്.
കഥാസംഗ്രഹം
1951-ൽ, നോക്ക്, സ്റ്റെയ്ൽ എന്നീ രണ്ട് പോലീസുകാർ ഗണിതശാസ്ത്രജ്ഞനായ അലൻ ട്യൂറിംഗിൻറെ വീട്ടിൽ നടന്ന ഒരു മോഷണത്തെ കുറിച്ച് അന്വേഷിക്കാൻ എത്തുന്നു. വിവരങ്ങൾ തിരക്കുന്നതിനിടക്ക് രണ്ടാം ലോകമഹായുദ്ധസമയത്ത് ബ്ലെച്ച്ലി പാർക്കിൽ ജോലി ചെയ്യുന്ന സമയത്തെക്കുറിച്ച് ട്യൂറിംഗ് പറയുന്നു.
1928 -ൽ,വിദ്യാർഥിയായ ട്യൂറിംഗ് ബോർഡിംഗ് സ്കൂളിൽ വളരെ അ സന്തുഷ്ടനായിരുന്നു മാത്രമല്ല മറ്റു കുട്ടികൾ അദ്ദേഹത്തെ ഉപദ്രവിക്കുകയും ചെയ്തിരുന്നു.സഹപാഠിയായ ക്രിസ്റ്റഫർ മോർകോമുമായി അദ്ദേഹം ഒരു സൗഹൃദം വളർത്തിയെടുക്കുന്നു, ക്രിസ്റ്റഫർ ക്രിപ്റ്റോഗ്രാഫിയിൽ ട്യൂറിങ്ങിനുള്ള താൽപര്യത്തെ പ്രോത്സാഹിപ്പിക്കുന്നു. എന്നാൽ അവധിക്കാലത്ത് വീട്ടിലേക്ക് പോയ ക്രിസ്റ്റഫർ തിരിച്ചെത്തുന്നില്ല. ക്രിസ്റ്റഫർ ക്ഷയരോഗം മൂലം മരണമടയുന്നു.1939 ൽ ബ്രിട്ടൻ ജർമ്മനിക്കെതിരെ യുദ്ധം പ്രഖ്യാപിച്ചപ്പോൾ, ട്യൂറിംഗ് ബ്ലെച്ച്ലി പാർക്കിലേക്ക് യാത്ര ചെയ്യുന്നു. കമാൻഡർ അലാസ്റ്റർ ഡെന്നിസ്റ്റണിന്റെ നിർദ്ദേശപ്രകാരം, ഹ്യൂ അലക്സാണ്ടർ, ജോൺ കെയർക്രോസ്, പീറ്റർ ഹിൽട്ടൺ, കീത്ത് ഫർമാൻ, ചാൾസ് റിച്ചാർഡ്സ് എന്നിവരുടെ ക്രിപ്റ്റോഗ്രാഫി ടീമിൽ ചേരുന്നു. കോഡ് ചെയ്ത സന്ദേശങ്ങൾ അയയ്ക്കാൻ നാസികൾ ഉപയോഗിക്കുന്ന എനിഗ്മ മെഷീൻ വിശകലനം ചെയ്യാൻ ടീം ശ്രമിക്കുന്നു.
ട്യൂറിംഗിനൊപ്പം പ്രവർത്തിക്കാൻ സഹപ്രവർത്തകർക്ക് ബുദ്ധിമുട്ട് അനുഭവപ്പെടുന്നു , എനിഗ്മ സന്ദേശങ്ങൾ മനസ്സിലാക്കാൻ ഒരു യന്ത്രം രൂപകൽപ്പന ചെയ്യാൻ ട്യൂറിംഗ് ശ്രമിക്കുന്നു. മെഷീന്റെ നിർമ്മാണത്തിന് ഡെന്നിസ്റ്റൺ വിസമ്മതിച്ചതിനുശേഷം, ട്യൂറിംഗ് പ്രധാനമന്ത്രി വിൻസ്റ്റൺ ചർച്ചിലിന് എഴുതുന്നു, അദ്ദേഹം ടീമിനെ ചുമതലപ്പെടുത്തി മെഷീന് പണം നൽകുന്നു. ട്യൂറിംഗ് ഫർമാനെയും റിച്ചാർഡിനെയും പുറത്താക്കുകയും പകരക്കാരെ കണ്ടെത്താൻ പത്രങ്ങളിൽ പ്രയാസമേറിയ ഒരു പദപ്രശ്നം ട്യൂറിംഗ് പ്രസിദ്ധീകരിക്കുകയും ചെയ്യുന്നു. കേംബ്രിഡ്ജ് ബിരുദധാരിയായ ജോവാൻ ക്ലാർക്ക് ട്യൂറിംഗിന്റെ പരീക്ഷ പാസായെങ്കിലും പുരുഷ ക്രിപ്ടോഗ്രാഫർമാർക്കൊപ്പം പ്രവർത്തിക്കാൻ അവളുടെ മാതാപിതാക്കൾ അനുവദിക്കുന്നില്ല. സന്ദേശങ്ങൾ കൈകാര്യം ചെയ്യുന്ന വനിതാ ഗുമസ്തന്മാർക്കൊപ്പം ജീവിക്കാനും ജോലി ചെയ്യാനും ട്യൂറിംഗ് ആവശ്യപ്പെടുന്നു. ഒപ്പം ട്യൂറിംഗിന്റെ പദ്ധതികൾ ക്ലാർക്കുമായി ചർച്ച ചെയ്യുന്നു. ക്ലാർക്കിന്റെ സഹായത്തോടെ, ട്യൂറിംഗ് സഹപ്രവർത്തകരുമായി അടുക്കുന്നു . എനിഗ്മ ഉപയോഗിച്ച് അയക്കുന്ന സന്ദേശങ്ങൾ വേഗത്തിൽ ചോർത്തിയെടുക്കുന്നതിന് ക്രിസ്റ്റഫർ എന്ന് അദ്ദേഹം വിളിക്കുന്ന മെഷീൻ നിർമ്മിക്കുന്നു, പക്ഷേ എനിഗ്മ എൻക്രിപ്ഷൻ ക്രമീകരണങ്ങൾ അത് ഉപയോഗിച്ച് വേഗത്തിൽ നിർണ്ണയിക്കാൻ കഴിയുന്നില്ല; ജർമ്മൻകാർ ഓരോ ദിവസവും അവ പുന:ക്രമീകരിക്കുന്നു. ഡെന്നിസ്റ്റൺ മെഷീൻ നശിപ്പിക്കാനും ട്യൂറിംഗിനെ പുറത്താക്കാനും ഉത്തരവിട്ടു, എന്നാൽ മറ്റ് ക്രിപ്ടോഗ്രാഫർമാർ ട്യൂറിംഗ് പോകുകയാണെങ്കിൽ അവരും ജോലി ഉപേക്ഷിക്കുമെന്ന് ഭീഷണിപ്പെടുത്തുന്നു.
ട്യൂറിംഗ് തന്റെ സ്വവർഗരതി സഹപ്രവർത്തകനായ കെയർക്രോസിനോട് സ്ഥിരീകരിക്കുന്നു, അത് രഹസ്യമായി സൂക്ഷിക്കാൻ മുന്നറിയിപ്പ് നൽകുന്നു. ലഭിക്കുന്ന സന്ദേശങ്ങളെക്കുറിച്ച് ഒരു വനിതാ ഗുമസ്തമായുള്ള സംഭാഷണത്തിലൂടെ ചില സന്ദേശങ്ങളിൽ നിലവിലുണ്ടെന്നും തനിക്കറിയാവുന്ന വാക്കുകൾ ഡീകോഡ് ചെയ്യാൻ മെഷീൻ പ്രോഗ്രാം ചെയ്യാൻ കഴിയുമെന്ന് ട്യൂറിംഗ് മനസിലാക്കുന്നു. അത് വെച്ച് അദ്ദേഹം മെഷീൻ വീണ്ടും കാലിബ്രേറ്റ് ചെയ്തതിനുശേഷം,വേഗത്തിൽ ഒരു സന്ദേശം ഡീകോഡ് ചെയ്യുകയും ക്രിപ്റ്റോഗ്രാഫർമാർ അവരുടെ വിജയം ആഘോഷിക്കുകയും ചെയ്യുന്നു, എന്നാൽ ഡീകോഡ് ചെയ്ത എല്ലാ സന്ദേശങ്ങളിലും പ്രാവർത്തികമാക്കാൻ കഴിയില്ലെന്ന് ട്യൂറിംഗ് മനസ്സിലാക്കുന്നു. എങ്കിൽ ബ്രിട്ടൺ എനിഗ്മ സന്ദേശങ്ങൾ തകർത്തതായി ജർമനി മനസ്സിലാക്കും. കെയ്ൻക്രോസ് ഒരു സോവിയറ്റ് ചാരനാണെന്ന് ട്യൂറിംഗ് കണ്ടെത്തി. ട്യൂറിംഗ് അദ്ദേഹത്തെ നേരിടുമ്പോൾ, സോവിയറ്റ് യൂണിയൻ ഒരേ ലക്ഷ്യങ്ങൾക്കുവേണ്ടി പ്രവർത്തിക്കുന്ന സഖ്യകക്ഷികളാണെന്നും, ട്യൂറിംഗിന്റെ ലൈംഗികത വെളിപ്പെടുത്തി പ്രതികാരം ചെയ്യുമെന്നും കെയ്ൻക്രോസ് വാദിക്കുന്നു. എംഐ 6 ഏജന്റ് സ്റ്റുവർട്ട് മെൻസീസിനോട് , കെയ്ൻക്രോസ് ഒരു ചാരനാണെന്ന് ട്യൂറിംഗ് വെളിപ്പെടുത്തുന്നു. ഇത് തനിക്ക് നേരത്തെ അറിയാമെന്നും ബ്രിട്ടൻ്റെ സഖ്യകക്ഷിയായ സോവിയറ്റ് യൂണിയന് ആ സന്ദേശങ്ങൾ ലഭിക്കുന്നത് ബ്രിട്ടന് നേട്ടമായിരിക്കുമെന്ന് മെൻസിസ് വെളിപ്പെടുത്തുന്നു. ജോൻ ക്ലാർക്കിൻ്റെ സുരക്ഷയെ കരുതി ട്യൂറിംഗ് ക്ലാർക്കിനോട് ബ്ലെച്ച്ലി പാർക്ക് വിടാൻ പറയുന്നു, അയാൾ ഒരു സ്വവർഗ്ഗാനുരാഗിയാണെന്ന് വെളിപ്പെടുത്തി. അത് താൻ എപ്പോഴും സംശയിച്ചിരുന്നുവെന്നും എന്തായാലും അവർ ഒരുമിച്ച് സന്തുഷ്ടരായിരിക്കുമെന്ന് ക്ലാർക്ക് പറയുന്നു. ട്യൂറിംഗ് ഒരിക്കലും അവളെ പ്രണയിച്ചിട്ടില്ലെന്നും ക്ലാർക്കിന്റെ ക്രിപ്റ്റോഗ്രാഫി വൈദഗ്ധ്യത്തിനായി മാത്രമാണ് അവളെ ഉപയോഗിച്ചതെന്നും അവളെ അറിയിക്കുന്നു .യുദ്ധത്തിനുശേഷം, മെൻസിസ് ക്രിപ്ടോഗ്രാഫർമാരോട് തെളിവുകൾ നശിപ്പിക്കാൻ പറയുന്നു, ഇനി അവർക്ക് ഒരിക്കലും പരസ്പരം കാണാനോ അവർ ചെയ്ത കാര്യങ്ങൾ പരസ്പരം പങ്കിടാനോ കഴിയില്ല. സ്വവർഗ്ഗാനുരാഗം ഇംഗ്ലണ്ടിൽ അക്കാലത്ത് ഒരു കടുത്ത കുറ്റമായിരുന്നു .1952 -ൽ, ട്യൂറിംഗ് പിടിക്കപ്പെടുകയും വിചാരണ ചെയ്യപ്പെടുകയും ചെയ്തു, ഒരു ജയിൽ ശിക്ഷയ്ക്ക് പകരമായി, രാസചികിത്സക്ക് വിധേയനാകുമെങ്കിൽ അയാൾക്ക് തന്റെ ജോലി തുടരാനാകും. ക്ലാർക്ക് അദ്ദേഹത്തെ വീട്ടിൽ സന്ദർശിക്കുകയും അദ്ദേഹത്തിന്റെ ശാരീരികവും മാനസികവുമായ തകർച്ചയ്ക്ക് സാക്ഷ്യം വഹിക്കുകയും ചെയ്യുന്നു. അദ്ദേഹത്തിന്റെ ജോലി ദശലക്ഷക്കണക്കിന് ആളുകളുടെ ജീവൻ രക്ഷിച്ചുവെന്ന് പറഞ്ഞ് ക്ലാർക്ക് ട്യൂറിംഗിനെ ആശ്വസിപ്പിക്കുന്നു. ഒരു വർഷത്തെ സർക്കാർ നിർബന്ധിത ഹോർമോൺ തെറാപ്പിക്ക് ശേഷം, 1954 ജൂൺ 7 ന് ട്യൂറിംഗ് ആത്മഹത്യ ചെയ്തു. 2013 ൽ, എലിസബത്ത് II രാജ്ഞി മരണാനന്തര രാജകീയ ക്ഷമാപണം നൽകി, ഒടുവിൽ ആധുനിക കമ്പ്യൂട്ടർ സൃഷ്ടിക്കുന്നതിനുള്ള അദ്ദേഹത്തിന്റെ പ്രവർത്തനത്തെ ആദരിച്ചു.
This article uses material from the Wikipedia മലയാളം article ദ ഇമിറ്റേഷൻ ഗെയിം, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). പ്രത്യേകം പറയാത്ത പക്ഷം ഉള്ളടക്കം CC BY-SA 4.0 പ്രകാരം ലഭ്യം. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki മലയാളം (DUHOCTRUNGQUOC.VN) is an independent company and has no affiliation with Wiki Foundation.