Ny tsitakonala dia zavamaniry ao amin' ny vondron-karazana Homalium ao amin' ny fioanakaviana Salicaceae.
Hazo na hazo madinika manana haavo 10 hatramin' ny 15 m izy. Malama ny raviny, izay mifandimby na mifanohitra, manana felany mirefy 4 hatramin' ny 10 mm sady mafy, misy tendrony boribory indraindray miendrika fo, miondrika midina matetika. Manana felam-bony miisa 5 (mahalana ny 4) ny voniny tsirairay, izay miloko fotsy, boribory eo amin' ny tendrony, fa ny fotony maranitra. Ny afovoan' ny voninkazo dia misy fihary miloko mavo mavo miisa 4 na 5, fara fahakeliny, avo roa heny noho ny halavany ny sakany. Homalium laxiflorum ny anarana siantifikany.
Tsy misy afa-tsy eto Madagasikara io hazo io, izay maniry indrindra any amin' ny ala amorontsiraka misy hazavana, any amin' ny tapany avaratra-atsinanan’ ny Nosy, indrindra amin' ny fasika. Mety ho fahita any amin' ny faritra hafa koa izy.
This article uses material from the Wikipedia Malagasy article Tsitakonala, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.