Fanjakan' I Kosy
Ny Fanjakan' i Kosy dia fiantsoan' ny Egiptiana tamin' ny Andro Taloha ny fanjakana izay niorina ao atsimon' i Egipta nanomboka tamin' ny vanimpotoan' ny Empira Volohany.
Izany fanjakana izany dia nanana fahelam-pisiana tsy fahita firy teo amin' ny tantara, izay nipoitra tamin' ny vanimpotoan' ny "kolontsain' ny Vato vao" izay nandroso tao amin' ny lohasahan' i Nily ao Sodàna ankehitriny sy ao Nobia egiptiana. Tsy niankina tamin' ny an' ny Egiptiana taloha ny sivilizasiônan' ny Fanjakan' i Kosy, hatramin' ny taonarivo faha-3 ka hatramin' ny nahazoan' ny Etiôpiana ny faritra nisy azy tamin' ny taonjato faha-4, fa nahaleo tena ka nahitana fandravonana ny kolontsain' ny vahoaka samihafa mpifanolo-bodirindrina aminy, anisan' izany ny Egiptiana. Ireto ny renivohitra nbifandimby tao: i Kerma (taonjato faha-25 -- faha-16 tal. J.K.) sy i Napàta (taonjato faha-8 -- faha-4 tal. J.K.) ary i Meroe (taonjato faha-4 tal. J.K.-- faha-4 taor. J.K.).
Jereo koa
This article uses material from the Wikipedia Malagasy article Fanjakan' i Kosy, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.