Ny Andron' ny Alimo dia vanimpotoana tany alohan' ny fotoana nandraiketana voalohany ny tantara, izay miavaka noho ny lanjan' ny fanefena alimo.
Izany vanimpotoana izany dia mahatratra 2 000 taona eo ho eo, manomboka amin' ny taona 3000 hatramin' ny 2000 tal. J.K., ao amin' ireo faritra miavaka indrindra, dia ny any Atsinanana Akaiky, ny any Eorôpa ary ny any Azia. Miovaova izany arakaraka ny faritra eto an-tany resahina izany ka sarotra ny mamaritra azy any amin' ny faritra sasany eto amin' izao tontolo izao sahala amin' ny any Amerika nisian' ny sivilizasiôna prekôlômbiana izay nahafantatra ny fanefena volamena sy varahina hatramin' ny fahazoan' ny Espaniôla ilay faritra nefa tsy hita tao ny fanefana alimo.
Ny alimo dia anarana mahafaobe iantsoana ny vokatry ny fanatsonihana miaraka ny varahina sy ny firapotsy. Amin' izao fotoana izao dia ekena fa mandimby ny Andron' ny Varahina ny Andron' ny Alimo sady dimbiasin' ny Andron' ny Vy, any amin' ny faritr' izao tontolo izao izay ahitana miavaka ireo vanimpotoana ireo. Miova be ny fari-potoan' ny Andron' ny Alimo arakaraka ny faritra sy ny kolontsaina heverina.
This article uses material from the Wikipedia Malagasy article Andron' ny Alimo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.