Ֆիլմ Անհաղթելի
Անհաղթելի (անգլ.՝ Helen Keller in Her Story, ինչպես նաև անգլ.՝ The Unconquered), ռեժիսոր Նենսի Համիլտոնի վավերագրական ֆիլմը, որը պատմում է կույր և խուլ ամերիկուհի Հելեն Քելլերի կյանքի պատմությունը։ Կինոնկարը «Լավագույն վավերագրական լիամետրաժ ֆիլմ» անվանակարգում ստացել է «Օսկար»։
 անգլ.՝ Helen Keller in Her Story | |
|---|---|
| Երկիր | ԱՄՆ |
| Ժանր | վավերագրական ֆիլմ |
| Թվական | հունիսի 15, 1954 |
| Լեզու | անգլերեն |
| Ռեժիսոր | Նենսի Համիլտոն |
| Դերակատարներ | Հելեն Քելլեր և Քեթրին Կոռնել |
| Երաժշտություն | Մորգան Լյուիս |
| Նկարահանման վայր | Փենսիլվանիա |
| Տևողություն | 55 րոպե |
Սյուժե
Կինոնկարը պատմում է ամերիկուհի Հելեն Քելլերի մասին։ 19 ամսականում նրա մոտ հայտնաբերվում է «ուղեղի բորբոքում» (ենթադրվում է, որ եղել է քութեշ կամ մենինգիտ)։ Հելենին հաջողվում է բուժվել, բայց արդյունքում նա ամբողջությամբ զրկվում է լսողությունից և տեսողությունից։
Չնայած դրան, նա սովորել է կարդալ և գրել։ Տիրապետել է մի քանի լեզուների, իսկ ավելի ուշ ստացել է բարձրագույն կրթություն։ Հելենին միշտ ուղեկցել է նրա ուսուցչուհին՝ Էնն Սալիվանը։
Ֆիլմը բաղկացած է սև-սպիտակ կինոխրոնիկայից, որտեղ ներկայացված են Քելլերի սովորելու պատմության, ինչպես նաև նրա առօրյա կյանքի և սոցիալական գործունեության մասին պատմող տեսանյութերը։
Դերերում
| Դերակատար | Դեր |
|---|---|
| Քեթրին Կոռնել | Պատմող |
| Հելեն Քելլեր | Ինքն իրեն |
| Պոլի Թոմպսոն | Ինքն իրեն |
| Էնն Սալիվան | Ինքն իրեն |
| Դուայթ Էյզենհաուեր | Ինքն իրեն |
| Մարթա Գրեմ | Ինքն իրեն |
| Յաշա Հայֆեց | Ինքն իրեն |
| Ռոբերտ Հելփման | Ինքն իրեն |
| Գերտրուդ Սթայն | ինքն իրեն |
Ռելիզ
Սկզբնական շրջանում՝ 1954 թվականին, ֆիլմը կոչվել է «Անհաղթելի»։ Սակայն շուտով այն փոխարինվել է «Հելեն Քելլերը իր պատմության մեջ» անունով։ Հենց այդ նույն անվամբ էլ այն ներկայացվել է ամերիկյան հեռուստատեսությամբ։
Ֆիլմը դրականորեն է գնահատվել քննադատների կողմից և ստացել է «Օսկար»։ «Rotten Tomatoes» կայքում ֆիլմի վարկանիշը կազմել է 83 տոկոս։
Պարգևներ և անվանակարգեր
| Պարգևներ և անվանակարգեր | ||||
|---|---|---|---|---|
| Պարգև | Տարի | Կատեգորիա | Անվանակարգ | Արդյունք |
| ԱՄՆ-ի կինոքննադատների ազգային խորհուրդ | 1954 թվական | Լավագույն 10 ֆիլմեր | Հաղթանակ | |
| Օսկար | 1956 թվական | Լավագույն վավերագրական լիամետրաժ ֆիլմ | Հաղթանակ | |
Տես նաև
Ծանոթագրություններ
Արտաքին հղումներ
- «Անհաղթելի»(անգլ.) ֆիլմը Internet Movie Database կայքում
- «Անհաղթելի»(անգլ.) ֆիլմը Allmovie կայքում:
This article uses material from the Wikipedia Հայերեն article Անհաղթելի (ֆիլմ), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.