એલ્ડ્રિક ટોન્ટ ટાઇગર વુડ્સ (જન્મ ડિસેમ્બર 30, 1975) એક અમેરિકન વ્યાવસાયિક ગોલ્ફર છે, જેની આજ સુધીની સિદ્ધિઓ તેને વિશ્વના અત્યાર સુધીના સૌથી સફળ ગોલ્ફરોની હરોળમાં મૂકે છે.
વિકિપીડિયાના માપદંડ મુજબ આ લેખને ઉચ્ચ કક્ષાનો બનાવવા માટે તેમાં સુધારો કરવાની જરુર છે. તેમાં ફેરફાર કરીને તેને સુધારવામાં અમારી મદદ કરો. ચર્ચા પાના પર કદાચ આ બાબતે વધુ માહિતી મળી શકે છે. |
પૂર્વે વિશ્વ ક્રમાંક 1ના સ્થાને રહી ચૂકેલો તે વિશ્વમાં સૌથી વધુ વેતન મેળવતો વ્યાવસાયિક ખેલાડી છે, તેણે 2010માં પોતાના વિજયો તથા ઇન્ડૉર્સમેન્ટ કરારોમાંથી અંદાજે $90.5 મિલિયન આવક રળી હોવાનું અનુમાન છે.
Tiger Woods | |
---|---|
Personal information | |
Full name | Eldrick Tont Woods |
Nickname | Tiger |
Height | 6 ft 1 in (1.85 m) |
Weight | 185 lb (84 kg; 13.2 st) |
Nationality | United States |
Residence | Windermere, Florida |
Spouse | Elin Nordegren (2004–2010) |
Children | Sam Alexis (b. 2007) Charlie Axel (b. 2009) |
Career | |
College | Stanford University (two years) |
Turned professional | 1996 |
Current tour(s) | PGA Tour (joined 1996) |
Professional wins | 97 |
Number of wins by tour | |
PGA Tour | 71 (3rd all time) |
European Tour | 38 (3rd all time) |
Japan Golf Tour | 2 |
Asian Tour | 1 |
PGA Tour of Australasia | 1 |
Other | 15 |
Best results in Major Championships (Wins: 14) | |
Masters Tournament | Won: 1997, 2001, 2002, 2005 |
U.S. Open | Won: 2000, 2002, 2008 |
The Open Championship | Won: 2000, 2005, 2006 |
PGA Championship | Won: 1999, 2000, 2006, 2007 |
Achievements and awards | |
PGA Tour Rookie of the Year | 1996 |
PGA Player of the Year | 1997, 1999, 2000, 2001, 2002, 2003, 2005, 2006, 2007, 2009 |
PGA Tour Player of the Year | 1997, 1999, 2000, 2001, 2002, 2003, 2005, 2006, 2007, 2009 |
PGA Tour leading money winner | 1997, 1999, 2000, 2001, 2002, 2005, 2006, 2007, 2009 |
Vardon Trophy | 1999, 2000, 2001, 2002, 2003, 2005, 2007, 2009 |
Byron Nelson Award | 1999, 2000, 2001, 2002, 2003, 2005, 2006, 2007, 2009 |
FedEx Cup Champion | 2007, 2009 |
(For a full list of awards, see here) |
વુડ્સે 14 મુખ્ય વ્યાવસાયિક ગોલ્ફ ચૅમ્પિયનશિપો જીતી છે, જે વિશ્વના પુરુષ ગોલ્ફ ખેલાડીઓમાં દ્વિતીય સ્થાને (પ્રથમ સ્થાને 18 ચૅમ્પિયનશિપ વિજેતા, જેક નિકલસ) તથા તમામ 71 પીજીએ (PGA) ટૂર ઇવેન્ટોમાં તૃતીય સ્થાને આવે છે. કોઈ પણ સક્રિય ગોલ્ફ ખેલાડી કરતાં તે વધુ કારર્કિદીના મુખ્ય વિજયો તથા કારકિર્દી PGA ટૂર વિજયો ધરાવે છે. પોતાની કારકિર્દીમાં સૌથી નાની ઉંમરે ગ્રાન્ડ સ્લૅમ જીતનાર તથા તેની ટૂર દરમ્યાન સૌથી ઝડપી 50 ટૂર્નામેન્ટ જીતનાર વિશ્વનો સૌથી યુવા ખેલાડી છે. વધુમાં, જૅક નિકલસ પછી વુડ્સ બીજો ગોલ્ફર છે, જેણે કરિઅર ગ્રાન્ડ સ્લૅમ પુરસ્કાર ત્રણ વખત જીત્યો હોય. વુડ્સે 16 વર્લ્ડ ગોલ્ફ ચૅમ્પિયનશિપ્સ જીતી છે, અને અગિયાર વર્ષથી જ્યારથી આ ઇવેન્ટો યોજાતી આવી છે ત્યારથી દરેક વર્ષે ઓછામાં ઓછી આવી એક ચૅમ્પિયનશિપ જીતી છે.
વુડ્સે સૌથી વધુ સપ્તાહ સુધી સતત તથા કુલ સૌથી વધુ સપ્તાહ માટે વિશ્વ ક્રમાંકનમાં પ્રથમ સ્થાન જાળવી રાખ્યું છે. તેને PGA પ્લેયર ઑફ ધ યર (વર્ષના સર્વોત્તમ પીજીએ ખેલાડી) તરીકે વિક્રમસર્જક દસ વખત પુરસ્કૃત કરવામાં આવ્યો છે, ન્યૂનત્તમ સ્કોરિંગ એવરેજ એડજસમેન્ટ માટે 8 વખત બાયરન નેલ્સન અવૉર્ડથી તથા નવ અલગ અલગ ગોલ્ફ સીઝનમાં તે નાણા યાદીમાં વિક્રમસર્જક રીતે અગ્રણી રહ્યો છે.
ડિસેમ્બર 11, 2009માં, બેવફાઈની કબૂલાત પછી, પોતાના લગ્નજીવન પર ધ્યાન કેન્દ્રિત કરવા માટે વુડ્સે વ્યાવસાયિક ગોલ્ફ રમતમાંથી અનિશ્ચિત મુદત સુધી રજા પર ઊતરવાની ઘોષણા કરી. તેણે લગભગ ડઝનેક મહિલાઓ સાથે કરેલા અનેક વિશ્વાસઘાતોની ખબર વિશ્વભરના ઘણા મીડિયા સ્રોતો દ્વારા બહાર આવી હતી. 20 સપ્તાહના વિરામ બાદ, 8 એપ્રિલ, 2010ના 2010 માસ્ટર્સ સ્પર્ધામાં ભાગ લેવા વુડ્સ પાછો ફર્યો.
જુલાઈ 2010માં, ફોર્બ્સ મેગેઝિને વુડ્સને $105 મિલિયનની આવક ધરાવનાર વિશ્વનો સૌથી વધુ ધનાઢ્ય ખેલાડી ઘોષિત કર્યો, જ્યારે "સ્પોર્ટ્સ ઇલસ્ટ્રેટેડે " તેની આવક $90.5 મિલિયનની જણાવી.
ઑક્ટોબર 31, 2010ના, વુડ્સે તેનું વિશ્વના પ્રથમ ક્રમાંકનું સ્થાન લી વેસ્ટવુડ સામે ગુમાવ્યું.
વુડ્સનો જન્મ અર્લ (1932–2006) તથા કુલ્ટીડા (ટીડા)(જન્મ 1944) વુડ્સને ત્યાં સાયપ્રસ, કેલિર્ફોનિયામાં થયો હતો. વુડ્સ તેમના લગ્નનું એકમાત્ર સંતાન છે પરંતુ તેના પિતાની પ્રથમ પત્ની બાર્બરા વુડ્સ ગ્રૅય સાથેના 18 વર્ષના લગ્નજીવનથી તેને બે સાવકા ભાઈઓ, અર્લ જુનિયર (જન્મ 1955) અને કેવિન (જન્મ 1957) તથા એક સાવકી બહેન, રોયસ (જન્મ 1958) છે. અર્લ, એક નિવૃત્ત લેફ્ટનન્ટ કર્નલ તથા વિયેતનામ યુદ્ધ અધિકારી, મિશ્ર આફ્રિકન-અમેરિકી, ચાઈનીઝ હતા તથા મૂળ અમેરિકી વંશજ હતા. મૂળે થાઈલૅન્ડના કલ્ટીડા (પૂર્વાશ્રમમાં પુન્સાવડ) થાઈ, ચાઈનીઝ તથા ડચના મિશ્ર વંશજ છે. આમ વુડ્સ અર્ધ એશિયાઈ (એક ચતુર્થાંશ ચાઈનીઝ અને એક ચતુર્થાંશ થાઈ), એક ચતુર્થાંશ આફ્રિકી-અમેરિકી, એક અષ્ટમાંશ અમેરિકી મૂળનિવાસી, તથા એક અષ્ટમાંશ ડચ છે. પોતાની વંશીય ઓળખને તે "કેબ્લિનેશિયન(Cablinasian)" ગણાવે છે (આ શબ્દ તેણે શબ્દોના આરંભના અક્ષરોના સંક્ષેપથી બનાવ્યો છે- કોકેશિયન(Ca ucasian), બ્લેક(Bl ack), અમેરિકન ઈન્ડિયન(In dian) અને એશિયન(Asian )).
બાળપણથી તેનો ઉછેર બૌદ્ધ તરીકે જ થયો તથા પોતાની વયસ્ક કારર્કિદીમાં પર્દાપણ સુધી તેણે સક્રિયપણે બૌદ્ધ ધર્મનું અનુસરણ કર્યું. પોતાના અંગતજીવનમાં બેવફાઈનું તથા પોતાના વિચલનનું કારણ તેણે પોતાના બૌદ્ધ ધર્મથી વિમુખ થવાને ગણાવ્યું છે. તેનું કહેવુ છે, "બૌદ્ધ ધર્મે મને પોતાની દરેક વૃત્તિને તાબે થતા અટકવાનું અને સંયમ શીખવે છે. ચોક્કસ જ હું જે શીખ્યો હતો તેનાથી માર્ગચ્યુત થઈ ગયો હતો."
જન્મ સમયે, વુડ્સને પ્રથમ નામ 'એલ્ડ્રિક' અને મધ્ય નામ 'ટોન્ટ' અપાયું હતું. તેનું મધ્ય નામ, ટોન્ટ (થાઈ: ต้น), એક પરંપરાગત થાઈ નામ છે. તેનું હુલામણું નામ, તેમના પિતાના વિયેતનામી સૈનિક મિત્ર, વ્યોંગ ડંગ ફોંગ પાસેથી મળ્યું, જેમને તેમના પિતાએ પણ ટાઇગરનું હુલામણુ નામ આપ્યું હતું. તે સામાન્ય રીતે "ટાઇગર" નામે જ ઓળખાવા લાગ્યો અને તેણે જુનિયર તથા અવેતન ગોલ્ફમાં રાષ્ટ્રીય સ્તરે પ્રાધાન્ય પ્રાપ્ત કર્યું, ત્યારથી તે માત્ર 'ટાઇગર' વુડ્સના નામે જ ઓળખાવા લાગ્યો.
વુડ્સનો ઉછેર ઓરન્જ કાઉન્ટી, કેલિફોર્નિયામાં થયો. તે એકદમ અસાધારણ બાળક હતો, બે વર્ષનો થયો તે પહેલાં તેના વ્યાયામવીર પિતા અર્લ, જેઓ એક સારા અવૈતનિક ગોલ્ફર હતા અને કાન્સસ સ્ટેટ યુર્નિવસિટી ખાતેના બહુ શરૂઆતના નીગ્રો કૉલેજ બેઝબોલ ખેલાડીઓમાંના એક હતા, તેમણે તેને ગોલ્ફનો પરિચય કરાવ્યો હતો. 1978માં, ટાઇગરે ટેલિવિઝન પર "ધ માઈક ડગ્લાસ શો "માં કૉમેડિયન બોબ હોપ સામે પોતાની કળા પ્રદર્શિત કરી. ત્રણ વર્ષનો થયો તે પહેલાં, ટાઇગરે સાયપ્રસ, કેલિફોર્નિયામાં, નેવી ગોલ્ફ કોર્સ ખાતે આયોજીત 10 વર્ષ કરતાં નાની વયના વિભાગના ડ્રાઈવ, પીચ અને પટ સ્પર્ધામાં પ્રવેશ મેળવ્યો અને જીત મેળવી. ત્રણ વર્ષની વયે, તેણે સાયપ્રસ નેવી કોર્સ પર 48 વાર નવ હોલ સર કર્યા અને પાંચ વર્ષની વયે, તે ગોલ્ફ ડાઈજેસ્ટ માં અને એબીસી(ABC)ના "ધેટ્સ ઈનક્રેડિબલ " પર જોવા મળ્યો. 1984માં 8 વર્ષની વયે તેણે, જુનિઅર વર્લ્ડ ગોલ્ફ ચૅમ્પિયનશિપ્સ ખાતે, તેમાં મોજૂદ સૌથી નાની વય-જૂથની સ્પર્ધા, 9–10 વર્ષના છોકરાઓની સ્પર્ધા જીતી. આઠ વર્ષની ઉંમરે તેણે પ્રથમ વખત 80 ફટકાર્યા. તેણે છ વખત જુનિઅર વર્લ્ડ ચૅમ્પિયનશિપ્સ જીતી, જેમાં 1988થી 1991 સુધી સળંગ ચાર વખત જીતી હતી.
વુડ્સના પિતા અર્લે લખ્યું હતું કે ટાઇગરે 11 વર્ષની વયે સૌ પ્રથમ વખત તેમને તેમના શ્રેષ્ઠ પ્રયત્ન છતાં હરાવ્યા હતા. ત્યાર પછી દરેક વખતે અર્લ, ટાઇગર સામે હાર્યા હતા. વુડ્સની સૌ પ્રથમ મહત્ત્વની રાષ્ટ્રીય ટૂર્નામેન્ટ 1989 બિગ આઈ(I) હતી, જ્યારે તે 13 વર્ષનો હતો. વુડ્સે અંતિમ રાઉન્ડમાં, તે વખતે પ્રમાણમાં ઓછા જાણીતા એવા વ્યવસાયી જ્હોન ડાલીની સાથે જોડી બનાવી હતી; તે કાર્યક્રમમાં યોગ્યતા મેળવનાર દરેક જુનિઅરના જૂથ સાથે એક વ્યાવસાયિક ખેલાડી રાખવાનું કાર્યક્રમનું માળખું હતું. વુડ્સને માત્ર એક સ્ટ્રૉકથી પાછળ મૂકી દેવા માટે ડાલીએ છેલ્લા ચાર હોલમાંથી ત્રણ માટે બર્ડી કરી. યુવા તરુણ તરીકે, વુડ્સ સૌ પ્રથમ વાર જૅક નિકલસને બેલ-એર કન્ટ્રી ક્લબ ખાતે લોસ એન્જલસમાં મળ્યો, ત્યારે નિકલસ કલબના સદસ્યો માટે ખાસ વર્ગનું સંચાલન કરી રહ્યો હતો. વુડ્સ એ પ્રદર્શનનો હિસ્સો હતો, અને ત્યાં તેણે પોતાની કુશળતા તથા સંભાવનાથી નિકલસ તથા મેદનીને પ્રભાવિત કરી દીધી હતી.
1991માં જ્યારે વુડ્સ 15 વર્ષની વયે એનાહૈમમાં વેસ્ટર્ન હાઈ સ્કૂલમાં હતો, ત્યારે તે ત્યારસુધીનો સૌથી યુવા યુ.એસ.(U.S.) જુનિયર ઍમેચ્યોર ચેમ્પિયન બન્યો, સળંગ બીજા વર્ષ માટે તેને સર્ધન કેર્લિફોર્નિયા ઍમેચ્યોર પ્લેયર ઑફ ધ યર તરીકે અને 1991 માટે ગોલ્ફ ડાઈજેસ્ટ ઍમેચ્યોર પ્લેયર ઑફ ધ યર તરીકે મત મળ્યા. 1992માં તેણે યુ.એસ.જુનિઅર ઍમેચ્યોર ચૅમ્પિયનશિપ ખાતે પોતાના ટાઇટલને બચાવ્યું, અને આમ કરીને પહેલો બહુવિધ વિજેતા બન્યો, પોતાની સર્વપ્રથમ PGA ટૂર ઇવેન્ટમાં, નિસ્સન લોસ એન્જેલસ ઓપનમાં ભાગ લીધો, અને ગોલ્ફ ડાઈજેસ્ટ ઍમેચ્યોર પ્લેયર ઑફ ધ યર, ગોલ્ફ વર્લ્ડ પ્લેયર ઑફ ધ યર અને ગોલ્ફવીક નેશનલ ઍમેચ્યોર ઓફ ધ યરના બિરુદ મેળવ્યાં.
તે પછીના વર્ષે, વુડ્સે તેની સળંગ ત્રીજી યુ.એસ. જુનિઅર ઍમેચ્યોર ચૅમ્પિયનશિપ જીતી, અને આ ઇવેન્ટના અત્યાર સુધીનો સૌથી નાનો અને એકમાત્ર બહુવિધ વિજેતા રહ્યો. 1994માં, તેણે યુ.એસ. ઍમેચ્યોર ચૅમ્પિયનશિપના ત્યાર સુધીના સૌથી યુવા વિજેતા હોવાનો વિક્રમ સ્થાપ્યો, આ વિક્રમ 2008 સુધી રહ્યો, 2008માં ડેન્ની લીએ તેને તોડ્યો. વુડ્સે ફ્લોરિડામાં સૉગ્રાસ ખાતે ટી.પી.સી.(TPC) જીત્યો. તે 1994 આઈઝનહોવર ટ્રોફી વર્લ્ડ ઍમેચ્યોર ગોલ્ફ ટીમ ચૅમ્પિયનશિપ્સ (વિજેતા), તથા 1995 વોકર કપ(હારનાર ટીમ)ની અમેરિકન ટીમનો સભ્ય હતો.
વુડ્સ 1994માં 18 વર્ષની વયે વેસ્ટર્ન હાઈ સ્કૂલમાંથી સ્નાતક થયો, અને સ્નાતકવર્ગમાં "સૌથી સફળ થવાની સંભાવના" ધરાવતા વિદ્યાર્થી તરીકે બહુમત પામ્યો હતો. તે કોચ ડોન ક્રોસ્બીના હાથ નીચે હાઈસ્કૂલની ગોલ્ફ ટીમમાં ચમક્યો હતો.
કૉલેજની ગોલ્ફ શક્તિઓ પર અત્યંત ભાર મૂકીને વુડ્સે ભરતી માટે કૉલેજ પસંદ કરી, અને 1994 એનસીએએ(NCAA) ડિવિઝન I ચૅમ્પિયન, સ્ટાનફોર્ડ યુનિવર્સિટી પસંદ કરી. તેણે ગોલ્ફ શિષ્યવૃત્તિ મેળવી અને 1994ની પાનખર ઋતુમાં સ્ટાનફોર્ડમાં પ્રવેશ મેળવ્યો. સપ્ટેમ્બરમાં તેણે પોતાની કૉલેજની પ્રથમ ઇવેન્ટ, 40મી વાર્ષિક વિલિયમ એચ. ટકર ઇન્વિટેશનલ જીતી. તેણે અર્થશાસ્ત્રને મુખ્ય વિષય તરીકે લીધો, અને તેને કૉલેજટીમના સાથી નોતાહ બેગૅય ત્રીજાએ "ઉર્કેલ"નું હુલામણું નામ આપ્યું. 1995માં, તેણે રહોડ આઈલૅન્ડમાં, ન્યુપોર્ટ કન્ટ્રી કલબ ખાતે પોતાના પાછલા યુ.એસ. ઍમેચ્યોર ટાઈટલનું સંરક્ષણ કર્યું અને પેક-10 પ્લેયર ઑફ ધ યર, એનસીએએ(NCAA) ફર્સ્ટ ટીમ ઑલ-અમેરિકન, અને સ્ટાનફોર્ડ્સ મેલ ફ્રેશમૅન ઑફ ધ યર (બધી જ રમતોને ગણતરીમાં લેતો પુરસ્કાર) તરીકે બહુમત પામ્યો. તેણે પોતાની સર્વપ્રથમ PGA ટૂર મેજર, 1995 માસ્ટર્સ ટૂર્નામેન્ટમાં ભાગ લીધો અને 41મા માટે ટાઈ કરી, આમ કટ કરનાર તે એકમાત્ર ઍમેચ્યોર છે. 1996માં 20 વર્ષની વયે, ઑરેગોનમાં પમ્પકીન રીજ ગોલ્ફ ક્લબ ખાતે, તથા એનસીએએ(NCAA) વ્યક્તિગત ગોલ્ફ ચૅમ્પિયનશિપ જીત મેળવીને, સતત ત્રણ વખત યુ.એસ. ઍમેચ્યોર ટાઈટલ્સ જીતનાર સર્વપ્રથમ ગોલ્ફર બન્યો. ધ ઑપન ચૅમ્પિયનશિપમાં રજત પદક જીતવામાં તેણે ઍમેચ્યોર તરીકે કુલ એકંદર 281ના સ્કૉરથી વિક્રમસર્જક ટાઈ નોંધાવી. ત્યારબાદ બે વર્ષ પછી કૉલેજ છોડીને તે વ્યાવસાયિક ખેલાડી બન્યો.
"હેલો વર્લ્ડ"ની ઉદ્ઘોષણા સાથે, ઑગસ્ટ 1996માં ટાઇગર વુડ્સ વ્યાવસાયિક ગોલ્ફર બન્યો, અને નાઈકી, ઇનકોર્પોરેશન સાથે $40 મિલિયન તથા ટિટલેઇસ્ટ સાથે $20 મિલિયનના સમર્થન સોદાઓ પર હસ્તાક્ષર કર્યા. આ સમર્થન કરારો તે સમયના ગોલ્ફ ઇતિહાસમાં સૌથી મહત્તમ હતા. ગ્રેટર મિલવૌકી ઑપન ખાતે વુડ્સ વ્યવસાયિક ગોલ્ફર તરીકે પોતાનો પ્રથમ રાઉન્ડ રમ્યો, 60મા સ્થાને ટાઈ કરી, પરંતુ ત્યારપછીના ત્રણ મહિનામાં બીજી બે ઇવેન્ટો જીતીને તેણે ટૂર ચૅમ્પિયનશિપમાં ભાગ લેવા માટેની યોગ્યતા પ્રાપ્ત કરી લીધી. તેના પ્રયાસો માટે વુડ્સને, સ્પોર્ટ્સ ઇલસ્ટ્રેટેડનો 1996 સ્પોર્ટ્સમૅન ઓફ ધ યર તથા PGA ટૂર રુકી ઑફ ધ યર ઘોષિત કરવામાં આવ્યો.તેણે ટૂર્નામેન્ટોના અંતિમ ચરણમાં લાલ રંગનું શર્ટ પહેરવાની પોતાની પ્રથા શરૂ કરી, જે તેના સ્ટાનફોર્ડ કૉલેજના દિવસો સાથે સંકાળાયેલી હતી અને તેની માન્યતા પ્રમાણે આ રંગ ઉગ્રતા તથા દઢ નિશ્ચયનો પ્રતીક છે.
એ પછીના એપ્રિલમાં, વુડ્સે પ્રથમ મુખ્ય હરીફાઈ, ધ માસ્ટર્સ, 18 પાર કરતાં ઓછાના વિક્રમજનક સ્કૉરથી, અને 12 સ્ટ્રૉકના વિક્રમસર્જક માર્જીનથી જીતી, અને તે સૌથી યુવા માસ્ટર્સ વિજેતા બન્યો અને આવી રીતે જીતનાર પ્રથમ આફ્રિકી-અમેરિકી અને પ્રથમ એશિયન-અમેરિકી બન્યો. તેણે કુલ 20 માસ્ટર્સના વિક્રમો સ્થાપ્યા અને અન્ય 6માં ટાઈ કરી. એ વષેઁ તેણે અન્ય ત્રણ PGA ટૂર ઇવેન્ટો જીતી અને જૂન 15, 1997ના રોજ, તેમની વ્યાવસાયિક કારર્કિદીના કેવળ 42મા સપ્તાહે, ઓફિશિયલ વર્લ્ડ ગોલ્ફ રેન્કિંગમાં નં. 1ના સ્થાને પહોંચ્યો, પ્રથમ વિશ્વક્રમાંક મેળવનાર અત્યાર સુધીનો સૌથી ઝડપી ખેલાડી. તેને PGA પ્લેયર ઓફ ધ યર તરીકે ઘોષિત કરવામાં આવ્યો, પોતાની ભરતીની સીઝનના તરતના વર્ષે જ આ અવૉર્ડ જીતનાર પ્રથમ ગોલ્ફર.
વુડ્સ પાસેથી ઊંચી અપેક્ષાઓ રખાઈ રહી હતી, ત્યારે 1997ના મધ્ય પછી તેનો દેખાવ નબળો પડ્યો, અને 1998માં તેણે કેવળ એક જ PGA ટૂર ઇવેન્ટમાં જીત મેળવી. તેણે પોતાની ઢીલાશ અંગે ટીકાકારોને જવાબ આપ્યો અને જણાવ્યું કે જે તેનું બદલાતું રહેતું જોમ લાગી રહ્યું છે તે કોચ બુચ હર્મોન સાથે પોતે મોટા પાયે સ્વિંગ ફેરફારોની પ્રેક્ટિસમાંથી પસાર થઈ રહ્યો છે તે છે, અને પોતે ભવિષ્યમાં વધુ સારો દેખાવ કરવાની આશા રાખે છે.
જૂન 1999માં, વુડ્સે મેમોરિયલ ટૂર્નામેન્ટ જીતી, જે સતત સહુથી વધુ સમયગાળા માટે પ્રભુત્ત્વ જાળવી રાખવાના પુરુષોના ગોલ્ફના ઇતિહાસની શરૂઆતમાંનો એક વિજય હતો. તેણે પોતાનું 1999 અભિયાન પોતાના અંતિમ ચાર આરંભો- PGA ચૅમ્પિયનશિપ સહિત- પૂર્ણ કર્યું અને આખી સીઝન આઠ જીત સાથે સમાપ્ત કરી, આવી અદ્ભુત કામગીરી 1974થી કોઈએ સર નહોતી કરી. તેને PGA ટૂર પ્લેયર ઑફ ધ યર તથા ત્રણ વર્ષમાં બીજી વખત એસોસિયેટેડ મેલ એથલેટ ઑફ ધ યર તરીકે બહુમત મળ્યા હતા.
વુડ્સે વર્ષ 2000નો પ્રારંભ તેની સતત પાંચમી જીતથી કર્યો, અને સળંગ ત્રણ મુખ્ય રમતોમાં જીત, નવ PGA ટૂર ઇવેન્ટ્સ તથા વિક્રમ સ્થાપનાર અથવા ટાઈ સાથે 27 ટૂર થકી વિક્રમસર્જક સીઝનની શરૂઆત કરી. ત્યારબાદ તેણે AT&T પેબલ બીચ નેશનલ પ્રો-એમ(Pro-Am)માં પોતાની સળંગ છઠ્ઠી જીત ઝડપીને યાદગાર પુનરાગમન કર્યું. જ્યારે સાત સ્ટ્રૉકથી પાછળ હતો અને સાત હોલ રમવાના બાકી હતા, ત્યારે તેણે 64 માટે ઈગલ-બર્ડી-પાર-બર્ડી મારીને રમત પૂરી કરી અને બે જ સ્ટ્રૉકથી જીત મેળવી. તેની ઉપરાઉપરી છ જીત 1948માં બેન હોગન પછી સૌથી વધુ હતી અને સળંગ અગિયાર જીતના બાયરન નેલ્સનના વિક્રમથી કેવળ પાંચ જ જીત પાછળ હતી. 2000ની યુ.એસ. ઑપનમાં, તેણે પોતાના 15-શૉટ સાથેની જીતથી કુલ નવ યુ.એસ. ઑપનમાં કાં તો જૂના વિક્રમો તોડ્યા હતા અથવા તેની બરાબરી કરી હતી, જેમાં 1862થી બની રહેલો, સૌથી વધુ માર્જીન સાથે મુખ્ય ચૅમ્પિયનશિપ જીતવાનો ઓલ્ડ ટોમ મોરીસનો વિક્રમ સામેલ હતો, વધુમાં તે ટૂરનો સદાબહાર કારર્કિદી ધરાવતો ધનાઢ્ય ખેલાડી બન્યો. 10 સ્ટ્રૉકમાં ફાઇનલ રાઉન્ડમાં પહોંચવાના વિક્રમ સ્થાપી તે અગ્રેસર રહ્યો, "સ્પોર્ટ્સ ઇલસ્ટ્રેટેડે " તેને "ગોલ્ફના ઇતિહાસમાં સૌથી મહાન દેખાવ" કહ્યો. સેંટ એન્ડ્રુસ ખાતે 2000 ઓપન ચૅમ્પિયનશિપ આઠ સ્ટ્રૉકથી જીતીને, તેણે કોઈ પણ મુખ્ય ટૂર્નામેન્ટમાં પાર(-19)ના ન્યૂનત્તમ સ્કૉરનો વિક્રમ નોંધાવ્યો, અને આમ ચાર મુખ્ય ચૅમ્પિયનશિપોમાં તે કમસે કમ એ વિક્રમમાં સહભાગી હોવાનું માન મેળવે છે. 24 વર્ષની વયે, તે કરિઅર ગ્રાન્ડ સ્લૅમ પ્રાપ્ત કરનારો સૌથી યુવા ગોલ્ફર બન્યો.
2000 PGA ચૅમ્પિયનશિપ વખતે, જ્યારે રવિવારના દિવસે વાલહાલ્લા ગોલ્ફ ક્લબ ખાતે રમતમાં બોબ મેએ વુડ્સને બરાબરીની લડત આપી, ત્યારે વુડ્સની મુખ્ય ચૅમ્પિયનશિપ જીતતા રહેવાની વણથંભી લાક્ષણિકતા સામે ગંભીર જોખમ ઊભું થયું. વુડ્સે રમતમાં રેગ્યુલેશનના છેલ્લા બાર હોલમાં સાત અન્ડર પાર રમ્યો, અને ત્રણ હોલ પ્લેઓફ જીત્યો, જેમાં પહેલા જ હોલમાં બર્ડી રમ્યો અને બીજા બેમાં પાર સાથે રમત પૂરી કરી. તે બેન હોગન (1953) સિવાય, એક સીઝનમાં ત્રણ વ્યાવસાયિક મહત્ત્વની રમતો જીતનાર એકમાત્ર અન્ય ખેલાડી બન્યો. ત્રણ સપ્તાહ બાદ, તેના પ્રવાસ દરમ્યાન બેલ કેનેડિયન ઑપન ખાતે પોતાની ત્રીજી સીધી જીત મેળવી, અને 1971માં લી ટ્રેવીનો પછી એક જ વર્ષમાં ત્રણ ગોલ્ફ ખિતાબ (યુ.એસ., બ્રિટિશ અને કેનેડિયન ઑપનમાં) જીતનાર એકમાત્ર બીજો ગોલ્ફર બન્યો. 2000માં તેણે કુલ વીસ રમતમાં પ્રવેશ મેળવ્યો, અને તેમાંથી ચૌદ રમતમાં ટોચના ત્રણ ક્રમાંકમાં રમત પૂરી કરી. તેની વાસ્તવિક સ્કોરિંગ સરેરાશ 68.17, PGA ટૂરના ઇતિહાસમાં સૌથી ઓછી હતી, ત્યાંથી તે 67.79ના સરેરાશ સ્કોરિંગ પર પહોંચ્યો, જે તેના જ 1999ના 68.43ના વિક્રમ અને બાયરન નેલ્સનના 1945માં 68.33ની સ્કોરિંગ-સરેરાશ કરતાં શ્રેષ્ઠતમ સાબિત થઈ. તેને 2000 સ્પોર્ટ્સ ઇલસ્ટ્રેટેડ સ્પોર્ટ્સમૅન ઑફ ધ યર તરીકે ઘોષિત કરવામાં આવ્યો, બે વખત આ બહુમાન મેળવનાર તે પહેલો અને એકમાત્ર ખેલાડી બન્યો. વુડ્સે વ્યાવસાયિક ખેલાડી તરીકે ઝંપલાવ્યાના માત્ર ચાર જ વર્ષ બાદ, ગોલ્ફ ડાઈજેસ્ટ સામયિકે તેને સદાબહાર વીસમા શ્રેષ્ઠ ગોલ્ફર તરીકેનું ક્રમાંકન આપ્યું હતું.
તેની પછીની સીઝનમાં વુડ્સે રમતમાં પોતાનું વર્ચસ્ જાળવી રાખ્યું. 2001 માસ્ટર્સ ટૂર્નામેન્ટમાં તેણે મેળવેલી જીતે ગ્રાન્ડ સ્લૅમના આધુનિક યુગનો સીમાચિહ્નરૂપ ગાળો અંકિત કર્યો, જ્યારે કોઈ ખેલાડીએ તમામ ચાર મુખ્ય ચૅમ્પિયનશિપ ખિતાબ એક જ સમયે જીત્યા હોય તેવું બન્યું, આ ગાળો હવે "ટાઈગર સ્લૅમ" તરીકે ઓળખાય છે. તેને સાચા ગ્રાન્ડ સ્લૅમ તરીકે નથી જોવામાં આવતો, કારણ કે તે સિદ્ધિ એક જ કેલેન્ડર વર્ષમાં પ્રાપ્ત નહોતી થઈ. આશ્ચર્યજનક રીતે, તે વર્ષની બાકીની ત્રણ મુખ્ય રમતોમાં તે નહોતો, પરંતુ મોટા ભાગની PGA ટૂરમાં જીત સાથે, પાંચ વિજય સાથે તેણે એ સીઝન પૂરી કરી. 2002માં, તેણે મજબૂત શરૂઆત કરી, અને ઉપરાઉપરી માસ્ટર્સ ટૂર્નામેન્ટ જીતનારા ખેલાડી તરીકે નીક ફાલ્ડો (1989–90) અને જેક નિકલસ (1965–66) સાથે બરાબરીનું સ્થાન મેળવ્યું.
બે મહિના પછી, યુ.એસ. ઑપન ખાતે વુડ્સ એકમાત્ર અન્ડર પાર (પાર કરતાં ઓછા સ્ટ્રોક લેતો) ખેલાડી હતો, અને તેના કારણે વાર્ષિક ગ્રાન્ડ સ્લૅમ અંગેની ચર્ચા પુર્નજીવિત થઈ, જે 2000માં તેના હાથમાંથી છટકી ગઈ હતી. ઑપન ચૅમ્પિયનશિપમાં સૌની નજર વુડ્સ પર હતી, પરંતુ મુઈરફીલ્ડ ખાતે ભયાનક હવામાનમાં તેનો ત્રીજા રાઉન્ડના 81ના સ્કૉર સાથે તેની ગ્રાન્ડ સ્લૅમ જીતવાની આશા મરી પરવારી. PGA ચૅમ્પિયનશિપમાં, તેણે પોતાની વર્ષ 2000ની જેમ એક વર્ષમાં ત્રણ મુખ્ય રમતો જીતવાની યાદગાર કામગીરીનું પુનરાવર્તન માત્ર કર્યું, પરંતુ ફાઇનલ રાઉન્ડમાં તેરમા અને ચૌદમા દાવમાં બોગિના કારણે એક સ્ટ્રૉકથી ચૅમ્પિયનશિપ ગુમાવી. છતાં પણ, સૌથી વધુ નાણાનો ખિતાબ, વાર્ડોન ટ્રોફી, અને સતત ચોથા વર્ષે પ્લેયર ઑફ ધ યર બહુમાન તેણે અંકે કર્યા હતા.
વુડ્સની કારર્કિદીના આ બીજા તબક્કામાં તે ટૂર પરના ટોચના હરીફોમાંનો એક રહ્યો, પરંતુ રમતમાં તેનું એકહથ્થુ વર્ચસ્ ગુમાવ્યું. 2003 કે 2004માં તેણે કોઈ મુખ્ય રમતમાં જીત ન મેળવી, 2003માં PGA ટૂર નાણા યાદીમાં બીજા સ્થાન પર ઊતર્યો અને 2004માં ચોથા સ્થાને આવ્યો. સપ્ટેમ્બર 2004માં, ડ્યૂશ બૅન્ક ચૅમ્પિયનશિપમાં, જ્યારે વિજય સિંઘે જીત મેળવી અને ઓફિશિયલ વર્લ્ડ ગોલ્ફ રેન્કિંગ્સમાં વુડ્સને ઓળંગી ગયો, ત્યારે સતત 264 સપ્તાહ સુધી વિશ્વના ટોચના ગોલ્ફર તરીકેનો રહેવાનો તેનો વિક્રમનો તૂટ્યો.
વુડ્સના આ ઢીલાશભર્યા દેખાવે ઘણા સમીક્ષકોને મૂંઝવણમાં મૂકી દીધા હતા, જે તેના સ્વિંગ કોચ બચ હર્મનથી માંડીને તેના લગ્નજીવનમાં અણબનાવ સુધીના ખુલાસાઓ આપતા રહ્યા. સાથે સાથે, વુડ્સે તે ફરીથી પોતાના સ્વિંગ(ફટકાની શૈલી)માં બદલાવો પર કામ કરી રહ્યો છે તે જણાવા દીધું, સ્વિંગમાં ફેરફાર કરવાથી તેને આશા હતી કે તેના શસ્ત્રક્રિયા કરીને સમારવામાં આવેલા ડાબા ઘૂંટણને ઓછો ઘસારો પહોંચશે, 1998–2003ના તેના સ્વિંગથી આ પહેલાં તેના પર તીવ્ર તણાવ આવ્યો હતો. ફરી વખત, વુડ્સે એવું ધાર્યું હતું કે એક વખત તેના આ ફેરફારો પૂરા થઈ જશે, પછી તે પોતાના પહેલેના જોમમાં પરત ફરી શકશે. વુડ્સે હાર્મોનને છોડ્યા પછી, હૅન્ક હાનેયથી માંડીને ઘણા કોચ બદલ્યા.
સન 2005ની સીઝનમાં, વુડ્સ ઝડપથી પોતાની જીતના રસ્તે પાછો ફર્યો. જાન્યુઆરીમાં તે બ્યુઇક ઇન્વિટેશનલ જીત્યો, અને માર્ચમાં તેણે ડોરાલ ખાતે ફોર્ડ ચૅમ્પિયનશિપ જીતવા માટે ફિલ મિકલસનને હરાવ્યો, જેથી તે અસ્થાયી રૂપે સત્તાવાર વિશ્વ ગોલ્ફ ક્રમાંકમાં પોતાની નંબર એકની સ્થિતિએ પાછો પહોંચી ગયો (બે સપ્તાહ પછી સિંઘે તેને ફરી પાછો નીચે ધકેલી દીધો). છેવટે એપ્રિલમાં, તેણે 2005ની માસ્ટર્સ ટૂર્નામેન્ટમાં પ્લે ઑફ રમીને, તેમાં જીત મેળવીને પોતાનો "દુકાળ" ભાંગ્યો; જેનાથી તે વિશ્વક્રમાંકમાં ફરીથી નંબર એકનું પદ પાછું મેળવી શક્યો. સિંઘ અને વુડ્સે ત્યારપછીના બે મહિનામાં કેટલીક વખત એકબીજાને નંબર #1ની સ્થિતિ પર ઉપર-નીચે કર્યા, પરંતુ વુડ્સે જુલાઈની શરૂઆતમાં આગળ વધીને 2005 ઑપન ચૅમ્પિયનશિપમાં વિજય મેળવીને, પોતાનો 10મા મુખ્ય વિજય થકી પોતાનું સર્વોચ્ચ સ્થાન પાછું મેળવ્યું. તે 2005માં PGA ટૂરની છ સત્તાવાર નાણાં-ઇવેન્ટો જીતતો ગયો, જેમાં તે પોતાની કારકિર્દીમાં છઠ્ઠી વખત નાણાં યાદીમાં સૌથી ઉપર રહ્યો. તેની 2005ની જીતોમાં બે વર્લ્ડ ગોલ્ફ ચૅમ્પિયનશિપનો પણ સમાવેશ થાય છે.
વુડ્સ માટે 2006નું વર્ષ 2005 કરતાં ઉલ્લેખનીય રીતે જુદું હતું. જ્યારે તેણે બસ બધા પર હાવી થઈ જવાની શરૂઆત કરી (પ્રથમ બે PGA ટૂર્નામેન્ટો જીતીને તેણે વર્ષમાં પ્રવેશ કર્યો) અને એપ્રિલમાં તે પોતાની પાંચમી માસ્ટર્સ ચૅમ્પિયનશિપની ખોજમાં હતો, ફિલ મિકલસનના ગ્રીન જૅકેટના દાવાને આવવા દઈને પણ તેણે ક્યારેય એક સન્ડે ચાર્જ કર્યો નહીં.
તા. 3 મે, 2006ના વુડ્સના પિતા, માર્ગદર્શક અને પ્રેરણાસ્રોત અર્લ 74 વર્ષની વયે પ્રોસ્ટેટ કૅન્સર સાથેની લાંબી લડાઈ પછી મૃત્યુ પામ્યા. વુડ્સે PGA ટૂરમાંથી નવ સપ્તાહનો વિરામ લીધો અને પોતાના પરિવાર સાથે રહ્યો. જ્યારે તે 2006ના યુ.એસ.(US) ઑપન માટે પાછો ફર્યો ત્યારે તેની રમત ઉપર કાટ ચઢી ગયો હતો- તે વિંગ્ડ ફૂટ ખાતે કટ ચૂકી ગયો, પહેલી જ વખત તે એક વ્યાવસાયિક તરીકે મુખ્ય રમતમાં કટ ચૂકી ગયો હતો, અને તે સાથે તેની મુખ્ય રમતોમાં વિક્રમ-સર્જક સળંગ 39 કટ બનાવવાની શૃંખલા પણ તૂટી ગઈ. તેમ છતાં, બસ ત્રણ સપ્તાહ પછી જ બીજી વેસ્ટર્ન ઑપનમાં બરાબરી પર રહ્યો, હોયલેક ખાતે તેની ઑપન ચૅમ્પિયનશિપનો તાજ જીતવા માટેના જંગમાં તેણે પાણી બતાવી આપ્યું.
2006 ઑપન ચૅમ્પિયનશિપમાં વુડ્સે મોટે ભાગે ખાસ કરીને 'ટી(tee)'થી દૂર લાંબા આયરનનો ઉપયોગ કર્યો (તેણે સમગ્ર સપ્તાહમાં ફક્ત એક વખત ડ્રાઈવર ફટકાર્યો – પહેલા રાઉન્ડના 16મા હોલ પર), બધા સપ્તાહમાં તે માત્ર ચાર ફેરવેઝ ચૂક્યો (સમયના 92% ફેરવે ફટકારતાં), અને તેણે સીધો 18નો પોતાનો સ્કોર કર્યો (3 ઇગલ્સ, 19 બર્ડીઝ, 43 પેર્સ અને 7 બૉગીઝ) જે તેણે 2000માં સેંટ ઍન્ડ્રયુઝ ખાતે નોંધાવેલ મહત્ત્વના ચૅમ્પિયનશિપ રૅકૉર્ડ-19 કરતાં ફક્ત એક જ ઓછો હતો. વુડ્સ માટે એ જીત એક ભાવાત્મક હતી, જે તેણે પોતાના પિતાની યાદમાં સમર્પિત કરી હતી.
ચાર સપ્તાહ પછી 2006 પીજીએ (PGA) ચૅમ્પિયનશિપ ખાતે વુડ્સ ફરીથી વર્ચસ્વી શૈલીમાં જીત્યો, માત્ર ત્રણ બૉગીઝ બનાવતાં, મેજરમાં ખૂબ થોડા માટે વિક્રમની બરાબરી કરતાં ચૂક્યો. તેણે ટૂર્નામેન્ટ સીઘી 18-અન્ડર-પાર (પાર કરતાં ઓછા સ્ટ્રૉક) સાથે પૂરી કરી, અને PGAમાં ટુ-પાર વિક્રમની બરાબરી કરી, જેને તે 2000થી બૉબ મે સાથે વહેંચતો આવ્યો હતો. ઑગસ્ટ 2006માં તે બ્યુઇક ઑપન ખાતે તેની 50મી વ્યાવસાયિક ટૂર્નામેન્ટ જીત્યો- અને ત્રીસ વર્ષ અને સાત મહિનાની વયે આમ કરનાર તે સૌથી યુવાન ગોલ્ફર બન્યો. તેણે વર્ષનો અંત કર્યો સતત છ PGA ટૂર ઇવેન્ટ જીતીને, અને એ જ વર્ષમાં સાતમી વખત વિક્રમ બનાવતાં PGA ટૂર દ્વારા આપવામાં આવેલા (જૅક નિકલસ, આર્નોલ્ડ પામર અને બાયરન નેલ્સન અવૉર્ડ જેવા) ત્રણ ખૂબ જ પ્રતિષ્ઠિત પુરસ્કારો તેણે જીતી લીધા.
તેની પ્રથમ 11 સીઝન્સની પૂર્ણાહુતિ વખતે, વુડ્સની 54 જીતો અને 12 મહત્ત્વપૂર્ણ(મેજર) જીતોએ પહેલાંની ઈલેવન સીઝન PGA ટૂરની કુલ 51 જીતનો વિક્રમ (જે બાયરન નેલ્સન દ્વારા સ્થાપિત હતો) અને કુલ 11 મેજરનો મહત્ત્વનો વિક્રમ (જે જૅક નિકલસ દ્વારા સ્થાપિત હતો) પાર કરી દીધો . ચોથી વખત રૅકૉર્ડ ટાઇ કરવા માટે તેને વર્ષનો ઍસોસિએટેડ પ્રેસ પુરુષ ઍથ્લેટ ઘોષિત કરવામાં આવ્યો.
વુડ્સ અને ટેનિસ સ્ટાર રોજર ફેડરર, જેમને બન્નેને મહત્ત્વના સમાન સ્પૉન્સર મળ્યા, તેઓ પહેલી વખત 2006 યુ.એસ. ઑપન ટેનિસની અંતિમ સ્પર્ધામાં મળ્યા. ત્યારથી તેઓ એકબીજાની રમતો વખતે હાજરી આપતા રહ્યા અને પરસ્પર બન્નેની શક્તિ અને ક્ષમતા માટે પ્રશંસા કરવામાં પોતાનો અવાજ ઉઠાવતા રહ્યા.
વુડ્સે 2007ની શરૂઆત બ્યુઇક ઇન્વિટેશનલમાં પોતાની ત્રીજી સીધી જીત માટેના બે-ફટકાના વિજયથી કરી, જે આ ઇવેન્ટ ખાતે તેનો ત્રીજો સીધો વિજય હતો અને PGA ટૂરમાં તેની સળંગ સાતમી જીત હતી. આ જીત ઉલ્લેખનીય એ વાતે લેખાઈ કે આ રીતે તે સીઝનની પોતાની પ્રથમ ટૂર્નામેન્ટ પાંચમી વખત જીત્યો. તેની આ જીત સાથે, PGA ટૂર પર વિભિન્ન ત્રણ ઘટનાઓમાં ઓછામાં ઓછી પાંચ વખત જીત મેળવવામાં (જૅક નિકલસ અને સૅમ સ્નીડ પછી) એ ત્રીજો ખેલાડી બન્યો (તેની બીજી બે ઈવેન્ટ્સ છે WGC– બ્રિજસ્ટોન ઇન્વિટેશનલ અને WGC-CA ચૅમ્પિયનશિપ). તે વર્ષની પોતાની બીજી જીત તેણે WGC-CA ચૅમ્પિયનશિપ ખાતે મેળવી, જે તેની સળંગ ત્રીજી અને આ ઇવેન્ટમાં એકંદરે છઠ્ઠી જીત હતી. આ વિજય સાથે, તે પાંચ વિભિન્ન ઈવેન્ટ્સમાં ત્રણ સતત સ્પર્ધાઓ જીતનારો પ્રથમ ખેલાડી બન્યો.
2007 માસ્ટર્સ ટૂર્નામેન્ટમાં, તેની કારકિર્દીમાં તેરમી વખત મુખ્ય રમતના છેલ્લા દિવસે ફાઇનલ ગ્રુપમાં વુડ્સ હતો, પરંતુ પાછળના બાર પ્રસંગો જેવી વાત ન બની, તે જીત સહિત આગળ આવવામાં અસમર્થ રહ્યો. તેણે વિજેતા ઝૅક જૉન્સનથી પાછળ બીજા બે સ્ટ્રૉક મારીને રમતને બરાબરીમાં પૂર્ણ કરી.
વુડ્સે વાચોવિયા ચૅમ્પિયનશિપ ખાતે બે સ્ટ્રૉક્સથી સીઝનની પોતાની ત્રીજી જીત મેળવી, તે 24મી વિભિન્ન PGA ટૂર ટૂર્નામેન્ટ જીત્યો. પોતાની 12-વર્ષની કારકિર્દીમાં તેણે નવ વખત સીઝન દરમ્યાન કમ સે કમ ત્રણ જીત મેળવી હતી. યુ.એસ. ઑપન ખાતે, સતત ચોથી વખત તે મુખ્ય ચૅમ્પિયનશિપ માટે ફાઇનલ ગ્રુપમાં હતો, પરંતુ તે દિવસની શરૂઆતથી બે સ્ટ્રૉક્સ પાછળ રહ્યો અને ફરી એકવાર દ્વિતીય સ્થાન પર બરાબરીમાં રમત પૂરી કરી. પાછળ હોવા છતાં છેલ્લે આગળ થઈ જઈ જીત નહીં મેળવવાની તેની લાક્ષણિકતા મુખ્ય ચૅમ્પિયનશિપના અંતિમ દિવસે પણ બની રહી.
સળંગ ત્રીજી ઑપન ચૅમ્પિયનશિપ રૅકૉર્ડ-ટાઇંગની શોધમાં, વુડ્સ સેકંડ-રાઉન્ડમાં 75 સાથે વિવાદના દાવામાં બહાર પડી ગયો, અને તેણે કદી શનિ-રવિ દરમ્યાન ચાર્જ ચઢાવ્યો નથી. તેમ છતાં તેનું પટિંગ નક્કર હતું (તેણે પહેલા રાઉન્ડમાં 90-ફુટર ગબીમાં નાખ્યા), તેની લોહ રમતે તેને પાછળ પાડી દીધો. જરૂરી ગતિ કરતાં ઓછી ધરાવતાં પાંચ સ્ટ્રૉક મારીને, બારમી રમત બરાબરીમાં પૂરી કર્યા પછી તેણે કહ્યું, "બધા જ સપ્તાહોમાં મને જેની જરૂર હતી એટલી નજીક હું બૉલને ફટકારતો ન હતો."
ઑગસ્ટના પ્રારંભે, વુડ્સે 14મી વિશ્વ ગોલ્ફ ચૅમ્પિયનશિપ સ્પર્ધામાં WGC–બ્રિજસ્ટોન ઇન્વિટેશનલ ખાતે 8 સ્ટ્રૉક્સ મારીને પોતાનો રૅકોર્ડ સર્જ્યો, આ જીત તેની આ ઇવેન્ટ ખાતેની સતત ત્રીજી અને એકંદરે છઠ્ઠી જીત હતી. બે ભિન્ન પ્રસંગે, 1999-2001 અને 2005-2007, સમાન ઇવેન્ટ ત્રણ વખત સતત જીતનારો તે પ્રથમ ગોલ્ફર બન્યો. ત્યાર પછીના સપ્તાહે તેણે વુડી ઑસ્ટિનને બે સ્ટ્રૉક્સથી હરાવીને પોતાની બીજી સીધી PGA ચૅમ્પિયનશિપ જીતી લીધી. તે ઉપરાઉપરી સીઝન્સની PGA ચૅમ્પિયનશિપ બે જુદા પ્રસંગેઃ 1999-2000 અને 2006-2007માં જીતનારો સર્વ પ્રથમ ગોલ્ફર બન્યો. તે આઠ ભિન્ન સીઝન્સમાં PGA ટૂર પર ઓછામાં ઓછી પાંચ ઇવેન્ટ જીતનારો, સૅમ સ્નીડ પછીનો, બીજો ગોલ્ફર બન્યો.
BMW ચૅમ્પિયનશિપ ખાતે વુડ્સ તેની 60મી PGA ટૂર જીત નોંધાવી શક્યો, જીતવા માટે બે સ્ટ્રૉક્સથી ફાઇનલ રાઉન્ડમાં તેણે 63 કોર્સ રૅકૉર્ડ શૂટિંગ દ્વારા કર્યા. ફાઇનલ રાઉન્ડમાં પચાસ-ફુટ પટ અંદર નાખી શક્યો અને સપ્તાહને અંતે તે ફક્ત બે ફેરવેઝ ચૂક્યો. તેણે ટૂર્નામેન્ટ માટે અધિકતમ બર્ડીઝમાં ક્ષેત્રનું નેતૃત્વ કર્યું, અને ચોક્કસ ડ્રાઇવિંગ, ડ્રાઇવિંગ અંતર, પ્રતિ રાઉન્ડ પટ, પ્રતિ ગ્રીન પટ તથા નિયંત્રણમાંના ગ્રીન એ પાંચેયમાં સર્વોચ્ચ ક્રમ નોંધાવ્યો. ટૂર ચૅમ્પિયનશિપ ખાતે, વર્ષના તેના છેલ્લા પાંચ સ્ટાર્ટ્સમાં પોતાનું ચોથું ટાઇટલ મેળવવા માટેની રસાકસીભરી જીત મેળવીને વુડ્સે 2007 સીઝન પૂરી કરી. તે આ ઇવેન્ટનો એક માત્ર બે વખત જીતનારો ખેલાડી બન્યો, તથા ફેડએક્સ(FedEx) કપની ઉદ્ધાટન સ્પર્ધાનો ચૅમ્પિયન બન્યો. 2007માં ટૂર પર પોતાના 16 સ્ટાર્ટ્સમાં, તેનું સ્કૉરિંગ સરેરાશ 67.79 પર પહોંચાડ્યું, જે તેણે 2000માં બનાવેલા પોતાના રૅકૉર્ડ સાથે મેળ ખાતું હતું. તેની ત્યારપછીની બીજા, ત્રીજા અને ચોથા ખેલાડી ઉપરની લીડ્સ 2000ના વર્ષ (2000માં 1.46 (ફિલ મિકલસન), 1.52 (એર્ની એલ્સ), 1.66 (ડેવિડ ડુવલ)) અને 2007ના વર્ષ (1.50 (એલ્સ), 1.51 (જસ્ટિન રોઝ), 1.60 (સ્ટીવ સ્ટ્રાઇકર)) જેવી જ હતી.
વુડ્સે 2008 સીઝનની શરૂઆત બ્યુઇક ઈન્વિટેશનલ ખાતે આઠ-સ્ટ્રૉક વિજયથી કરી. આ જીત તેનો 62મો PGA ટૂર વિજય હતો, જેના કારણે તે સદાબહાર યાદીમાં આર્નોલ્ડ પામર સાથે ચોથા સ્થાન પર આવી ગયો. એ સ્પર્ધામાં આ તેનો છઠ્ઠો વિજય નોંધાયો, આ છઠ્ઠી વખત તેણે PGA ટૂર સીઝન વિજયથી શરૂ કરી, અને આ તેની સળંગ હારમાળામાં ત્રીજી PGA ટૂરની જીત હતી. ત્યાર પછીના સપ્તાહે દુબઈ ડેઝર્ટ ક્લાસિકના ફાઇનલ રાઉન્ડમાં જવા માટે તે ચાર સ્ટ્રૉકથી પાછળ રહી ગયો, પરંતુ નાટકીય રીતે એક-સ્ટ્રૉક વિજય માટે તેણે બૅક નાઈન પર છ બર્ડીઝ ફટકારી. ઍક્સેન્ચ્યુઅર મૅચ પ્લે ચૅમ્પિયનશિપ ખાતે ફાઇનલમાં વિક્રમ સર્જક 8 અને 7 જીત સાથે તેણે પોતાનો 15મો વર્લ્ડ ગોલ્ફ ચૅમ્પિયનશિપ ખિતાબ હાંસલ કર્યો.
તેની ત્યાર પછીની ઇવેન્ટ, આર્નોલ્ડ પામ ઇન્વિટેશનલ સ્પર્ધામાં, વુડ્સ ધીમી શરૂઆત સાથે બહાર આવ્યો, અને તેમ છતાં પહેલો રાઉન્ડ સરખા હિસાબે પૂરો કરતાં 34મા સ્થાને સીધી બરાબરી કરી. ત્રીજો રાઉન્ડમાં પહેલી જગ્યા માટે ફાઈવ-વે ટાઈ સાથે પૂરો કર્યા પછી, તેણે પોતાની સતત પાંચમી PGA ટૂરની જીત એક સ્ટ્રૉક દ્વારા બાર્ટ બ્રયાન્ટને હરાવવા 18મા હોલ પર નાટકીય 24-foot (7.3 m) પટ ફટકારીને હાંસલ કરી લીધી. આ ઇવેન્ટમાં એ તેની પાંચમી કારકિર્દી જીત પણ હતી. જ્યૉફ ઑગિલ્વિએ WGC-CA ચૅમ્પિયનશિપ ખાતે વુડ્સને જીતતો અટકાવ્યો, જેને તે પાછલાં ત્રણ વર્ષોથી જીતતો આવ્યો હતો. PGA ટૂરમાં ઓછામાં ઓછી પાંચ સીધી જીત હાંસલ કરનારો વુડ્સ એક માત્ર ગોલ્ફર રહ્યો છે.
વુડ્સ ફરીથી ગ્રાન્ડ સ્લૅમ માટે કદાચ પડકારરૂપ બનશે એવી જોરદાર ધારણાથી વિપરીત તે 2008 માસ્ટર્સ ટૂર્નામેન્ટ ખાતે ગંભીર દાવો ન નોંધાવી શક્યો, દરેક રાઉન્ડમાં તે પોતાના પટર સાથે સંઘર્ષ કરતો રહ્યો. તે હજુ પણ માત્ર બીજા સ્થાને રમત સમાપ્ત કરી શક્યો, ચૅમ્પિયન ટ્રેવર ઇમેલમૅનથી ત્રણ સ્ટ્રૉક પાછળ. 15 એપ્રિલ, 2008ના તે પાર્ક સિટી, ઉતાહમાં પોતાના ડાબા ઘૂંટણની ત્રીજી આર્થ્રોસ્કૉપિક સર્જરી કરાવવા ગયો, અને PGA ટૂરના બે મહિના ચૂકી ગયો. તેનું પહેલું ઑપરેશન 1994માં થયું હતું, જ્યારે તેનું કોમળ ટ્યૂમર કાઢી નાખવામાં આવ્યું હતું, અને બીજું ડિસેમ્બર 2002માં થયું. જૂન/જુલાઈ 2008ના અંકમાં, મેન્સ ફિટનેસના સૌથી વધુ ચુસ્ત રમતવીર તરીકે તેને ઘોષિત કરવામાં આવ્યો.
વુડ્સ પાછો ફર્યો 2008 યુ.એસ. ઑપન માટે, જેમાં વિશ્વના ટોચના ત્રણ ગોલ્ફરો વચ્ચે- વુડ્સ, ફિલ મિકલસન તથા ઍડમ સ્કોટ- ઇતિહાસમાં ખૂબ જ પ્રત્યાશિત ગોલ્ફ ગ્રુપિંગોમાંનું એક થયું હતું. તેના પહેલા હોલ પર ડબલ બોગી નિશાન બાંધતાં બાંધતાં, વુડ્સ કોર્સ પર પહેલે દિવસે સંઘર્ષ કરતો રહ્યો. તે રાઉન્ડનો અંત +1(72) પર કર્યો, લીડ ઉતારવા ચાર શોટ્સ પાછળ. તેણે તેના બીજા દિવસે -3(68) સ્કોર કર્યો, હજુ મિકલસન સાથે જોડીમાં રહીને 5 બર્ડીઝ, 1 ઈગલ તથા 4 બોગીઝ કરી શક્યો. ટૂર્નામેન્ટના ત્રીજા દિવસે, તેણે ફરી એકવાર ડબલ બોગીથી શરૂઆત કરી એને છ હોલ રમવા સાથે 5 શોટ્સ પાછળ રહ્યો. તેમ છતાં, તેણે 2 ઈગલ પટ બનાવતાં રાઉન્ડ પૂરો કર્યો, મિશ્રિત લંબાઈમાં 100 feet (30 m) અને ફાઇનલ રાઉન્ડમાં એક શોટની લીડ લેવા માટે ચિપ-ઇન-બર્ડી. તેના અંતિમ પટે ખાતરી આપી કે તે છેલ્લી આઠ મોટી ચૅમ્પિયનશિપમાં છઠ્ઠી વખત માટે ફાઇનલ ગ્રુપમાં હશે.
રવિવારે, 15 જૂનના રોજ, વુડ્સે દિવસની શરૂઆત કરી બીજી ડબલ બૉગીથી અને તેણે રોકો મીડિયેટને 71 હોલ્સ પછી એક સ્ટ્રૉકથી પાછળ રાખી દીધો. તે પોતાના કેટલાક ટી શૉટ્સ પછી અચકાયો, અને કેટલીક વખત પોતાના ડાબા પગ ઉપરથી વજન દૂર કરવાનો તેણે પ્રયત્ન કર્યો. વુડ્સ જ્યારે ફાઇનલ હોલ સુધી પહોંચ્યો ત્યારે એક સ્ટ્રૉકથી પાછળ હતો. બર્ડી માટે 12-foot (3.7 m) પટ સાથે રમત છોડી, અને સોમવારે મીડિયેટ સાથે 18-હોલ પ્લે ઑફ માટે જોરથી એક શૉટ માર્યો. પ્લેઑફમાં એક તબક્કે વધુમાં વધુ ત્રણ સ્ટ્રૉકથી આગળ હોવા છતાં, વુડ્સ ફરીથી પાછળ રહી ગયો અને તેને મીડિયેટ સાથે સડન ડેથ માટે 18મા બર્ડી ફટકારવાની જરૂર હતી, અને તેણે તેમ કરી દેખાડ્યું. વુડ્સે પહેલા સડન ડેથ હોલ પર સીધી સફળતા હાંસલ કરી; મીડિયેટ ત્યાર પછી પોતાનો પટ પાર પાડવામાં ચૂક્યો, પરિણામે વુડ્સને તેની 14મી મુખ્ય ચૅમ્પિયનશિપ મળી. ટૂર્નામેન્ટ પછી મીડિયેટે કહ્યું, "આ માણસ બસ કંઈક એવું કરે છે જે કલ્પનાના વિસ્તાર દ્વારા સામાન્ય નથી," અને કેની પેરીએ ઉમેર્યું, "તે સૌ કોઈને એક પગ પર મારે છે."
યુ.એસ. ઑપન જીત્યા પછીના બે દિવસે, વુડ્સે જાહેર કર્યું કે તેણે પોતાના ડાબા ઘૂંટણ પર રિકન્સ્ટ્રક્ટિવ ઍન્ટેરિઅર ક્રુસિએટ લિગામેન્ટ (ACL) સર્જરી કરાવવાની જરૂર છે, અને તે 2008 ગોલ્ફ સીઝનની બાકીની સ્પર્ધાઓ ચૂકી જશે, જેમાં બે ફાઇનલ મુખ્ય ચૅમ્પિયનશિપનો સમાવેશ થાય છેઃ ઑપન ચૅમ્પિયનશિપ અને PGA ચૅમ્પિયનશિપ. વુડ્સને એ પણ જણાવ્યું કે તે ઓછામાં ઓછા છેલ્લા 10 મહિના પોતાના ડાબા ઘૂંટણના તૂટેલા લિગામેન્ટ(સ્નાયુબંધન) સહિત રમ્યો છે, અને તેની ડાબી ટીબિયા(અંતર્જંઘિકા નળી)માં બમણું ફ્રેક્ચર તાણ સહન કર્યું છે, જ્યારે ઑપરેશનથી પુનઃસ્થાપન પછી તે માસ્ટર્સ પાછળ પડી ગયો. તેના ઘૂંટણની ઈજાની ગંભીરતા જાણ્યા પછી આખી દુનિયાના વર્તમાનપત્રોએ તેના યુ.એસ. ઑપન વિજયને એક 'વીરગાથા' રૂપે વર્ણવ્યો, અને તેના પ્રયાસોની કદર કરી. વુડ્સે તેને વર્ણવી, "મારી આ પહેલાંની બધી જ ચૅમ્પિયનશિપમાં સૌથી મહાન – 14મા શ્રેષ્ઠ, છેલ્લા સપ્તાહમાં જે બધું બન્યું તેના કારણે."
PGA ટૂર દ્વારા આયોજિત સીઝનની બાકીની સ્પર્ધાઓમાં વુડ્સની ગેરહાજરીથી PGA ટૂર ટીવી રેટિંગ નીચે ઊતર્યું. 2008ની સીઝનના બીજા ઉત્તરાર્ધ માટે એકંદર વ્યૂઅરશિપ 2007ની સરખામણીમાં 46.8% નીચે ઊતરી જણાઈ.
એ ઘટનાને ઍસોસિએટેડ પ્રેસ દ્વારા "ખેલકૂદમાં એક અત્યંત પ્રત્યાશિત પુનરાગમન" કહેવામાં આવ્યું, આઠ મહિનાની ગેરહાજરી પછી વુડ્સની PGA ટૂરની પ્રથમ ઇવેન્ટ, WGC–ઍક્સેન્ચ્યુઅર મૅચ પ્લે ચૅમ્પિયનશિપ ખાતે રહી. તે બીજા રાઉન્ડમાં ટિમ ક્લાર્ક સામે હાર્યો. તેના પછીની પ્રથમ સ્ટ્રૉક રમત ડોરાલ ખાતે WGC-CA ચૅમ્પિયનશિપ હતી, જેને તેણે 9મી(-11)થી પૂરી કરી. વુડ્સ આ વર્ષનું તેનું પ્રથમ ટાઇટલ આર્નોલ્ડ પામર ઈન્વિટેશનલ ખાતે જીત્યો, જ્યાં તે ફાઇનલ રાઉન્ડમાં પ્રવેશ કરતી વખતે સીન ઓ'હેરથી પાંચ સ્ટ્રૉક પાછળ હતો. વુડ્સે ફાઇનલ રાઉન્ડ 67 શૉટ અને એક 16-foot (4.9 m) બર્ડી પટ ફાઇનલ હોલ પર ફટકારીને ઓ'હેરને હરાવ્યો ત્યારે તે એક સ્ટ્રૉક આગળ હતો. ત્યારબાદ તેણે પોતાની જ્વલંત કામગીરી સતત દાખવવાનું ચાલુ રાખ્યું. ધ માસ્ટર્સ ખાતે, તેણે છઠ્ઠા સ્થાને રમત પૂરી કરી, અંતિમ વિજેતા ઍન્જલ કૅબ્રેરાથી ચાર સ્ટ્રૉક પાછળ. પછી, ક્વેઇલ હૉલો ચૅમ્પિયનશિપમાં 18-હોલની લીડ હોવા છતાં, તેણે સીન ઓ'હેરથી બે સ્ટ્રૉક પાછળ રમત પૂરી કરી. ધ પ્લેયર્સ ચૅમ્પિયનશિપમાં, તે રવિવારે ફાઇનલ ગ્રુપિંગમાં રમ્યો, પરંતુ આઠમા સ્થાને રમત સમાપ્ત કરી.
મેમોરિયલ ટૂર્નામેન્ટ ખાતે વુડ્સ 2009ની તેની બીજી ઇવેન્ટ જીત્યો. ત્રણ રાઉન્ડ પછી તે ચાર શૉટ્સ પાછળ હતો, પરંતુ ફાઇનલ રાઉન્ડમાં 65 શૉટ માર્યા, જેમાં ટૂર્નામેન્ટનો અંત કરવામાં બે સળંગ બર્ડીઝનો સમાવેશ થાય છે. એ ઇવેન્ટમાં વુડ્સનો ચોથો વિજય હતો. 5 જુલાઈના AT&T નૅશનલ ખાતે વુડ્સ 2009 સીઝનની પોતાની ત્રીજી ઈવેન્ટ જીત્યો, જે ઈવેન્ટનો યજમાન એ પોતે હતો. જો કે, 2009 મેજરમાં ત્રીજી વખત પ્રવેશવા છતાં, વુડ્સ પોતાની પૂર્વની જીતને હાંસલ કરવામાં નિષ્ફળ રહ્યો. તેને બદલે, 2009 ઑપન ચૅમ્પિયનશિપ જે ટર્નબેરી ખાતે રમાઈ, તેમાં વ્યાવસાયિક બન્યા બાદ મેજર ચૅમ્પિયનશિપમાં ફક્ત બીજી વખત કટ ચૂકી ગયો.
2 ઑગસ્ટના, વુડ્સે બ્યુઇક ઑપન ખાતે બીજા ત્રણ ખેલાડીઓ પર ત્રણ-શૉટ વિજયથી, સીઝનની ચોથી જીત ઝડપી લીધી. ઑપન રાઉન્ડ 71 પર ફાયરિંગ કર્યા પછી 95મા સ્થાને અને કટ લાઈનથી બહારની બાજુએ મુકાયો. વુડ્સે બીજા રાઉન્ડમાં 63 સાથે પ્રતિક્રિયા આપી, સીધા નવ-અન્ડર પાર, જેણે તેને વિવાદી મૂલ્યાંકન આપ્યું. ત્રીજા રાઉન્ડના 65થી તે લીડરબોર્ડ પર સર્વોચ્ચ સ્થાને મુકાયો, અને તેણે 20-અન્ડર કુલ 268 ચાર-રાઉન્ડથી ફાઇનલ રાઉન્ડમાં 69 સાથે વિજય મેળવ્યો. વિજય પહેલાં, આ હેરફેર આજની તારીખ સુધીમાં સૌથી મોટો હતો.
ત્યાર પછીના સપ્તાહે વુડ્સ પોતાની 70મી કારકિર્દી સ્પર્ધા WGC-બ્રિજસ્ટોન ઇન્વિટેશનલ ખાતે જીત્યો. તે રવિવારે 16મા સુધી પાડ્રેગ હૅરિંગ્ટન સામે માથોમાથ ગયો, જ્યાં હૅરિંગ્ટને સીધી 5 પર 8 ટ્રિપલ બૉગી બનાવી અને વુડ્સે બર્ડી બનાવી. ટાઇગર હૅરિંગ્ટન અને રોબર્ટ ઍલેન્બી ઉપર એ ઇવેન્ટ 4 સ્ટ્રૉક્સથી જીતી ગયો.
2009 PGA ચૅમ્પિયનશિપ ખાતે, વુડ્સે પહેલા રાઉન્ડ પછી લીડ લેવા માટે 5-અંડર 67 શૉટ ફટકાર્યા. તે બીજા અને ત્રીજા રાઉન્ડ દરમ્યાન લીડર અથવા કૉ-લીડર રહ્યો. ફાઇનલ રાઉન્ડમાં જતાં, વુડ્સ પાસે 8-અંડર પર 2 સ્ટ્રૉકની લીડ હતી. તેમ છતાં, 68મા હોલ પર, યાંગ યોંગ-એયુન લીડરબોર્ડના સર્વોચ્ચ સ્થાને પહેલી વખત આગળ નીકળી ગયો. ત્યાર પછી યાંગ વુડ્સ પર ભારે પડ્યો અને ત્રણ સ્ટ્રૉક્સથી ટૂર્નામેન્ટ જીતી ગયો, તેણે બીજા સ્થાને સમાપ્ત કર્યું. એ ઘટના ઉલ્લેખનીય હતી કારણ કે 54 હોલ સુધી લીડિંગ અથવા કૉ-લીડિંગ રહ્યા બાદ, વુડ્સ પહેલી વખત મુખ્ય રમત જીતવામાં નિષ્ફળ રહ્યો હતો, અને એકથી વધુ શૉટથી આગળ હોવા છતાં પહેલી વખત તેણે અમેરિકાની ધરતી ઉપર કોઈ ટૂર્નામેન્ટ ગુમાવી હતી. તેનો અર્થ એ પણ થતો હતો કે વુડ્સ 2004 પછી આજ સુધીમાં પહેલી વખત મૅજર જીત્યા વગર વર્ષ પૂરું કરશે.
વુડ્સ BMW ચૅમ્પિયનશિપ ખાતે તેનું 71મું કારકિર્દી ટાઇટલ જીત્યો. આ જીતે તેને ફાઇનલ પ્લઑફ ઇવેન્ટમાં જવા માટે ફેડએક્સ કપ સ્ટૅન્ડિંગ્સમાં પ્રથમ સ્થાન પ્રતિ દોર્યો. એ તેની BMW ચૅમ્પિયનશિપ ખાતે (વેસ્ટર્ન ઑપન તરીકે ત્રણ જીત સહિત) પાંચમી જીત હતી અને PGA ટૂર પર તેની કારકિર્દીમાં પાંચમી વખત ઇવેન્ટ જીતીને તેણે પાંચ અથવા વધુ વખત જીતનો દાવો નોંધાવ્યો. વુડ્સે ધ ટૂર ચૅમ્પિયનશિપ બીજા સ્થાને સમાપ્ત કરીને તેનું બીજું ફેડએક્સ કપ ટાઇટલ જીતી લીધું.
2009 પ્રેસિડેન્ટ્સ કપ વખતે, વુડ્સની રમતનો દેખાવ ખરેખર દબદબાભર્યો અને તે સાથે એટલો જ પ્રેક્ષણીય હતો, જેમાં તે એ ઇવેન્ટની તમામ પાંચેય મેચો જીત્યો. તે પોતાના મિત્ર માર્ક ઓ'મિઅરા સાથે જોડાયો, જેણે 1996 પ્રેસિડેન્ટ્સ કપની તમામ પાંચેય મેચો જીતી હતી, અને શિગેકી મરુયામા, જે 1998 પ્રેસિડન્ટ્સ કપમાં પોતાની સાહસિકતા પુરવાર કરી હતી. આ ત્રણેય ઘટનાઓમાં, તેમની પોતાની ટીમો સ્પર્ધા જીતી હતી. વુડ્સે ચારેય રાઉન્ડમાં ફોરસમ્સમાં ઓને ફોર-બૉલમાં સ્ટીવ સ્ટ્રાઈકર સાથે જોડી જમાવી હતી. ફોરસમ્સના પહેલા દિવસે, તેઓ રયો ઇશિકાવા અને જ્યૉફ ઑગિલ્વિની ટીમ સામે 6 અને 4થી જીત્યા. ફોર-બૉલની શુક્રવારી મેચમાં, તેઓ ઍન્જલ કાબ્રેરા અને જ્યૉફ ઑગિલ્વિની ટીમ સામે 5 અને 3થી જીત્યા. શનિવારે તેઓ ટિમ ક્લાર્ક અને માઈક વેરની ટીમથી સવારના ફોરસમ્સમાં પહેલાં પાછળ રહી ગયા પછી 1-અપ જીતવા માટે 17મું અને 18મું હોલ સર કરીને મેચ જીતી ગયા, અને બપોરના ફોરબૉલમાં તેમણે રયો ઇશિકાવા અને વાય.ઈ.યાંગને 4 અને 2ના સ્કોરથી હરાવ્યા. સિંગલ્સ મેચમાં, 2009 PGA ચૅમ્પિયનશિપથી તેના ઘોર શત્રુ યાંગ સાથે વુડ્સે જોડી જમાવી. યાંગે પહેલા હોલ પર ઝડપથી 1-અપની લીડ ઝડપી લીધી, પરંતુ તે ત્રીજા હોલ પર લીડ ગુમાવી બેઠો અને વુડ્સ 6 તથા 5ના સ્કોર વડે મૅચ જીતતો ચાલ્યો. તદુપરાંત, વુડ્સ એક એવો ખેલાડી હતો જેણે યુનાઈટેડ સ્ટેટ્સ માટે કપ મજબૂતીથી પકડી રાખ્યો, જે તેની કારકિર્દીમાં પ્રથમ વખત ટીમ ઇવેન્ટ કમ્પિટિશનમાં એવડું સન્માન અપાવનારો પ્રસંગ હતો.
નવેમ્બર 2009માં, ઑસ્ટ્રેલિયાના મેલબૉર્નમાં કિંગ્સ્ટન હીથ ખાતે નવેમ્બરની 12થી 15 સુધી યોજાયેલી જેબીવેર(JBWere) માસ્ટર્સમાં રમવા માટે વુડ્સને 3.3 મિલિયન ડૉલર ચૂકવવામાં આવ્યા હતા. આ સ્પર્ધામાં પ્રથમ વખત ઇવેન્ટની ટિકિટો પૂરેપૂરી વેચાઈ ગઈ હતી. તે ઑસ્ટ્રેલિયન ગ્રેગ ચામર્સ ઉપર બે સ્ટ્રૉકથી 14 અન્ડર પાર જીતતો ગયો, અને આમ તેની 38મી યુરોપિયન ટૂર જીત બની અને PGA ટૂર ઓફ ઑસ્ટ્રેલિયા પર પ્રથમ વિજય બન્યો.
તેના ભૂતપૂર્વ વૈવાહિક જીવનના વિશ્વાસઘાતની વાત પ્રકાશમાં આવ્યા પછી 2009ના અંતે વુડ્સે સ્પર્ધાત્મક ગોલ્ફ રમતમાંથી અનિર્ણિત વિરામની જાહેરાત કરી. માર્ચ 2010માં, તેણે જાહેર કર્યું કે તે 2010 માસ્ટર્સમાં રમશે.
2010ના પ્રારંભની સીઝન ચૂકી જતાં, વુડ્સ ઑગસ્ટા, જ્યોર્જિયા ખાતે, 8 એપ્રિલ 2010થી શરૂ થતી 2010 માસ્ટર્સ ટૂર્નામેન્ટમાં પાછો ફર્યો, જે આશરે 20 સપ્તાહના તેના વિરામ પછીની રમત હતી. તેણે ચોથા સ્થાને ટૂર્નામેન્ટ બરાબરી પર પૂરી કરી. વુડ્સ ત્યાર પછી 2010માં કુઐલ હોલો ચૅમ્પિયનશિપમાં એપ્રિલના અંતમાં સ્પર્ધામાં ઉતર્યો, પરંતુ તેની કારકિર્દીમાં બસ છઠ્ઠી વખત માટે કટ ચૂકી ગયો. તે 30 એપ્રિલના વ્યાવસાયિક તરીકે તેના બીજા સૌથી ખરાબ રાઉન્ડનો શૉટ માર્યો, 7-ઑવર 79 બીજા રાઉન્ડ દરમ્યાન આઠ સ્ટ્રૉક્સથી 36-હોલ કટ ચૂકી ગયો. વુડ્સ ધ પ્લેયર્સ ચૅમ્પિયનશિપમાંથી ચોથા રાઉન્ડમાં પોતે બહાર નીકળી ગયો. 9મેના, પાછળથી જણાવ્યું કે તેના ગળાને ઇજા થઈ હતી. તેણે પહેલા ત્રણ રાઉન્ડમાં 70-71-71 સ્કોર કર્યો હતો, અને રાઉન્ડ માટે બે ઑવર-પાર (પાર કરતાં વધુ સ્ટ્રૉક) હતો, જ્યારે તે સાતમા હોલ પર રમતો હતો, ત્યારે તે રમતમાંથી ખસી ગયો. હૅન્ક હૅની જે 2003થઈ વુડ્સનો કોચ હતો તેણે ધ પ્લેયર્સ ચૅમ્પિયનશિપ પછી તુરત કોચ તરીકેના પોતાના પદનું રાજીનામું જાહેર કર્યું.
વુડ્સ ચાર સપ્તાહ પછી ધ મેમોરિયલ ટૂર્નામેન્ટ ખાતે પોતાના ટાઇટલના સંરક્ષણ માટે સ્પર્ધાત્મક ગોલ્ફમાં પાછો ફર્યો. તેણે કટ કર્યો અને T19 પર પૂર્ણ કરવા ગયો, જે 2002થી આજ સુધીમાંની ટૂર્નામેન્ટમાં તેની સૌથી ખરાબ પૂર્ણાહુતિ હતી. તેની ત્યાર પછીની સ્પર્ધાત્મક ટૂર્નામેન્ટ શરૂ થઈ 17મી જૂને પેબલ બીચ પર, યુ.એસ. ઑપનમાં, જ્યાં તેણે 2000માં વિક્રમજનક 15 શોટ્સથી જીત મેળવી હતી. પહેલા બે રાઉન્ડમાં અપેક્ષાકૃત બહુ જોવા જેવી કામગીરી ન કહી શકાય. ત્યાર પછી, વુડ્સે 2010 પહેલાંના પોતાના જોમના સંકેત બતાવ્યા, જેમ કે શનિવારના પાંચ-અંડર-પાર 66ના શૂટિંગ રૂટમાં બૅકનાઈન 31 સુધી તેણે વ્યવસ્થિત કર્યું, જે ટૂર્નામેન્ટની હળવા રાઉન્ડ માટે ટાઇ બની શકે અને તેને ફરીથી વિવાદમાં મૂકી દઈ શકે. જો કે 54-હોલ લીડર ડસ્ટિન જૉનસનના ભાંગી પડવા છતાં, તે રવિવારે પોતાનું જોમ જાળવવામાં અસમર્થ રહ્યો, અને વુડ્સ ટૂર્નામેન્ટ સમાપ્ત કરવા ત્રણ ઑવર-પાર તથા ચોથા સ્થાન માટે ટાઇ કરવા જઈને, 2010ની ધ માસ્ટર્સ ટૂર્નામેન્ટમાં તેના સર્વોચ્ચ 5 પરિણામોનું પુનરાવર્તન કર્યું.
ત્યારપછી વુડ્સ જૂનમાં મોડેથી AT&T નૅશનલમાં રમ્યો, AT&Tએ તેની વ્યક્તિગત સ્પોન્સરશિપ પડતી મૂકી તે પહેલાં તે પોતે યજમાન બન્યો. તે રક્ષાત્મક ખેલાડી હતો અને તેની પહેલાંની ટૂર્નામેન્ટમાં આવનારા અનેકનો તે પસંદગીનો ખેલાડી હતો, પરંતુ ટૂર્નામેન્ટના બધા જ ચાર દિવસ તેણે સંઘર્ષ કર્યો, રાઉન્ડને અન્ડર-પાર મૂકવામાં તે નિષ્ફળ રહ્યો અને 46મા સ્થાને ટાઇ કરી.
ત્યારબાદ વુડ્સ બે-દિવસની ચૅરિટી ઇવેન્ટ - જેપી(JP) મૅકમનસ પ્રો-આમ(Pro-Am) - રમવા આયર્લૅન્ડ ઉપડી ગયો અને પછી પોતાનાં બાળકોની સંભાળ લેવા વતન ફ્લોરિડા પહોંચી ગયો. તેના માત્ર એક અઠવાડિયા પછી ધ ઑપન ચૅમ્પિયનશિપ હતી. તેણે સેંટ ઍન્ડ્ર્યુઝના જૂના કોર્સ ખાતે ઑપન ચૅમ્પિયનશિપ માટે પોતાનું પટર બદલ્યું. એ માટે તેણે કહ્યું કે તે હંમેશાં સ્લો ગ્રીન્સ પર સંઘર્ષ કરતો રહ્યો અને "બૉલને ઝડપથી અને સારી રીતે ગબડાવવા માટે" આ નવા નાઇકે મેથડ 101 પટરની તેને જરૂર હતી. તેનું આ કથન એક રીતે સેંટ ઍન્ડ્ર્યુઝ ખાતે 2000 અને 2005માં યોજાયેલી પહેલાંની બે ચૅમ્પિયનશિપમાં તે જીત્યો હતો એ ધ્યાનમાં લેતાં આશ્ચર્યજનક હતું. એ પહેલી જ વખત વુડ્સે 1999થી ચાલ્યું આવતું તેનું ટિટ્લેઈસ્ટ સ્કૂટી કૅમેરોન સિવાય બીજું કોઈ પટર વાપર્યું. વુડ્સે ટૂર્નામેન્ટના પ્રથમ દિવસે તો સારી રીતે પટ કર્યું, 5-અંડર 67 શૂટિંગ કર્યું, પરંતુ 40 માઇલ પ્રતિ કલાકની ઝડપે ચાલતા પવને બીજે દિવસે 66 મિનિટો સુધી સેંટ ઍન્ડ્ર્યુઝ પર રમત બંધ રખાવી, જેમાં વુડ્સ કંઈ જ કરી શકવાને શક્તિમાન ન હતો. શનિવારે પણ એ જ સ્થિતિ હતી. તે વારંવાર શૉર્ટ પટ્સ ચૂકી જવા લાગ્યો. તેણે પોતાનું પટર પાછું બદલ્યું અને ફાઇનલ રાઉન્ડમાં પોતાનું જૂનું સ્કૂટી કૅમેરોન પટર લીધું, પરંતુ તેથી પણ તે કંઈ વધુ સારું ન કરી શક્યો. વુડ્સે એકંદર 3-અંડર પૂરા કર્યા, વિજેતા લુઇસ ઉસ્થુઇઝેનથી 13 શૉટ્સ પાછળ. (23મા સ્થાન માટે ટાઇ).
વુડ્સે WGC-બ્રિજસ્ટોન ઇન્વિટેશનલમાં 8 ઑગસ્ટે 18-ઑવરમાં 78મા સ્થાન (છેલ્લાથી બીજા સ્થાન) માટે પાર ટાઇંગ પૂરું કર્યું. તેણે વ્યાવસાયિક ગોલ્ફર તરીકેના પોતાનાં સૌથી ખરાબ ચાર-રાઉન્ડ પરિણામ સ્થાપિત કર્યાં.
વુડ્સે ઑગસ્ટ 2010માં કૅનેડિયન ગોલ્ફ કોચ સીન ફોલેય સાથે કામ કરવાનું શરૂ કર્યું; એ બન્ને પહેલાં કેટલાંક સપ્તાહો માટે સંભાવિત ભાગીદારી માટે ચર્ચા કરતા રહ્યા. 2010 PGA ચૅમ્પિયનશિપમાં વુડ્સ વિસ્કોન્સિનમાં વ્હિસલિંગ સ્ટ્રેટ્સ ખાતે રમ્યો. વુડ્સે 36-હોલ કટ બનાવ્યા, પરંતુ પડકાર ઝીલવામાં નિષ્ફળ ગયો, 28મા સ્થાન માટે ટાઇ સાથે અંત આવ્યો.
2010માં ફેડએક્સ(FedEx) કપમાં વુડ્સની અસંબદ્ધ રમતે તેને ધ ટૂર ચૅમ્પિયનશિપ માટે 30 સર્વોચ્ચ ખેલાડીઓમાં પોતાને યોગ્ય સિદ્ધ કરવામાં અસફળ બનાવ્યો, 1996માં જ્યારથી તે વ્યાવસાયિક ખેલાડી બન્યો ત્યારથી આવું પ્રથમ વખત બન્યું. તે 2007 અને 2009માં ફેડએક્સ કપ જીત્યો હતો. તે પોતાની કારકિર્દીમાં પહેલી જ વખત 2010 રાયડર કપ ટીમ માટે આવશ્યક પૉઈન્ટ્સ પર પોતાને યોગ્ય ઠેરવવામાં પણ નિષ્ફળ રહ્યો. પરંતુ કૅપ્ટન કોરેય પૅવિને વુડ્સને પોતાની ચાર કૅપ્ટનની વરણીમાંથી એક માટે પસંદ કર્યો. ફરી એકવાર વુડ્સ જોડીની રમતમાં સ્ટીવ સ્ટ્રાઇકર સાથે ભાગીદાર બન્યો. વેલ્સમાં કૅલ્ટિક મૅનોર ખાતે હવામાનની ભયંકર સ્થિતિમાં સદંતર અસંગત રમત રમ્યો. વચ્ચે અનેક વખત મેચો મોડી કરવામાં આવી, જ્યારે મેદાન અને સ્થિતિ રમવા માટે અનુકૂળ ન હતી, અને ફૉર્મેટમાં મહત્ત્વપૂર્ણ ફેરફાર કરવામાં આવ્યા અને તે ત્યાં સુધી કે ઇવેન્ટ પૂરી કરવા માટે તેને ચોથે દિવસે પણ લંબાવવી પડી. યુ.એસ. કપ ધારક તરીકે દાખલ થયું પણ તેણે શક્ય તેટલા ટૂંકા માર્જિન, 14.5થી 13.5 જેટલાથી યુરોપિયન ટીમ સામે કપ ગુમાવવો પડ્યો. તેમ છતાં વુડ્સ અંતિમ દિવસે સિંગલ્સ મેચ ખૂબ દમામપૂર્વક રમ્યો અને ફ્રાંસિસ્કો મોલિનારી પર નિર્ણાયક જીત મેળવી.
ત્યારપછી વુડ્સે ફોલેય સાથે નવી ટેકનિકો અજમાવવા માટે સ્પર્ધામાંથી લાંબા સમયનો વિરામ લીધો. તે નવેમ્બરની શરૂઆતમાં પાછો ફર્યો, લગભગ એક મહિનાથી વધુ સમયના વિરામ બાદ તેણે WGC-HSBC ચૅમ્પિયન્સ ઇવેન્ટમાં શાંઘાઈ ખાતે ઝંપલાવ્યું, જ્યાં એ 2009માં બીજા ક્રમે રહ્યો હતો, પરંતુ તે પડકાર ઝીલવામાં ગંભીરપણે નિષ્ફળ રહ્યો. પછીની મુલાકાત હતી થાઈલૅન્ડની, જે એમની માતાની જન્મભૂમિ હતી. ત્યાં એક દિવસની સ્કિન્સ ગેમ, રાજા ભૂમિબોલના માનમાં રમ્યો. 2010 જેબીવેર(JBWere) માસ્ટર્સ મધ્ય નવેમ્બરમાં ઑસ્ટ્રેલિયામાં મેલબૉર્ન નજીક યોજાઈ. વુડ્સ પહોંચ્યો રક્ષાત્મક ચૅમ્પિયન તરીકે અને તેને દેખાવ ફી રૂપે ડૉલર 3 મિલિયન કરતાં વધારે ચૂકવવામાં આવ્યા. મોડેથી તેણે ફાઇનલ ચોથા સ્થાને સમાપ્ત કરવા પોતાની રમત બતાવી. તેના ફાઇનલ છ હોલ્સ ઉપર, વુડ્સે બે ઇગલ્સ, બે બર્ડીઝ અને બે પેર બનાવી, 6-અંડર 65 સાથે અંત કર્યો. ત્રણ સપ્તાહ પછી, તેણે પોતાની યજમાન તરીકેની લોસ ઍન્જલસ પાસે એલાઇટ-ફીલ્ડ શેવરોન વર્લ્ડ ચૅલેન્જ શરૂ કરી. (તે પોતાની અંગત સંકટ સ્થિતિને લીધે 2009ની ઇવેન્ટ ચૂકી ગયો હતો; ટૂર્નામેન્ટ ઉપયોગી થાય છે પ્રાથમિક લાભાર્થી તરીકે તેના ચેરિટેબલ ટ્રસ્ટને) વુડ્સ 60sમાં ત્રણ સીધા રાઉન્ડ્સ મૂકે છે અને 2010માં પ્રથમ વખત ફાઇનલ રાઉન્ડમાં સરસાઈ ભોગવતો થાય છે. પરંતુ રવિવારે મિશ્રિત હવામાન પરિસ્થિતિઓમાં લાંબી રમતમાં નિયંત્રણ મેળવવામાં તેને સંઘર્ષ કરવો પડ્યો, અને પહેલાંના રાઉન્ડમાં તેણે જે રમત બતાવી હતી તેના કરતાં ઘણા ખરાબ પટ મૂક્યા, અને ગ્રાઇમે મેકડૉવેલ સાથે 72 હોલ્સ પછી ટાઇ સાથે રમત વીંટે છે. મેકડૉવેલે ફાઇનલ ગ્રીન પર 20-ફુટ બર્ડી પુટ સૅન્ક કરી; પછી વુડ્સે પોતાની ટૂંકી બર્ડી સૅન્ક કરી ટાઇ માટે. મેકડૉવેલે ટાઇટલ મેળવવા માટે 20 ફીટથી ફરીથી પહેલા પ્લૅઓફ હોલ (18મા) પર બર્ડી બનાવી, જ્યારે વુડ્સ વધુ ટૂંકી રેંજથી ચૂકી ગયો. પ્લૅઓફના નુકસાનનો અર્થ હતો વુડ્સ સંપૂર્ણ સીઝન માટે જીતરહિત રહેવું, તે વ્યાવસાયિક બન્યો ત્યારથી અત્યાર સુધીમાં પહેલી જ વખત આવું બનવા પામ્યું હતું. તેમ છતાં, 2010 સીઝનમાં વુડ્સ વિશ્વમાં #2 ક્રમે રહ્યો. તેણે 2010ની તેની ફાઇનલ બે ઇવેન્ટ માટે ફરીથી નાઇકી મેથડ 003 પટરનો ઉપયોગ કર્યો.
જ્યારે વુડ્સ 1996માં પહેલી વખત વ્યાવસાયિક ટૂરમાં જોડાયો ત્યારે તેના લોંગ ડ્રાઇવ્ઝનો ગોલ્ફની દુનિયા પર ખૂબ પ્રભાવ હતો. તેમ છતાં, પાછળનાં વર્ષોમાં પણ તેણે પોતાનું સાધન ઉન્નત ન બનાવ્યું (અસલ પાણી પાયેલું ગતિશીલ સોનાની સ્ટીલ-શાફ્ટવાળું ક્લબ્ઝ અને નાનકડું સ્ટીલ ક્લબ હેડ જે દૂર અંતરથી ચોક્સાઇપૂર્વક બૉલને પહોંચાડે છે તેના ઉપર જ આધાર રાખ્યો), અનેક વિરોધીઓએ તેના સુધી પકડ જમાવી. ફિલ મિકલસને તો 2003માં ત્યાં સુધી મજાક કરી હતી કે વુડ્સ "હલકી જાતનાં સાધનો" વાપરે છે, જે નાઇકી, ટિટ્લેઇસ્ટ અથવા વુડ્સને છાજતાં નથી. 2004 દરમ્યાન, વુડ્સે છેવટે તેની ડ્રાઇવર ટેકનોલૉજીને વધુ મોટા ક્લબહેડ અને ગ્રેફાઇટ શાફ્ટ સુધી ઉન્નત કરી, જે તેની ક્લબહેડ ગતિ સાથે જોડાઇ અને તેથી તે ફરી એકવાર ટી(ખૂંટી) ઘણા દૂરના અંતર મેળવનારા ટૂરના વધુ લાંબા ખેલાડીઓમાંનો એક બન્યો.
તેને શક્તિનો લાભ હતો તે છતાં, વુડ્સે હંમેશાં ઉત્કૃષ્ટ ઑલ-રાઉન્ડ રમત વિકસિત કરવા પાછળ ધ્યાન કેન્દ્રિત કર્યું. એમ હોવા છતાં તાજેતરનાં વર્ષોમાં ડ્રાઇવિંગ ચોક્સાઇમાં ટૂર રેંકિંગના તળિયા નજીક વિશેષ રૂપે તે રહ્યો. તેનો આયરન પ્લે સામાન્ય રીતે ચોક્કસ છે, તે રિકવરી અને બંકર પ્લે ખૂબ જ મજબૂત છે, અને તેનું પટિંગ (ખાસ કરીને દબાણ અંતર્ગત) એ સંભવતઃ તેની મૂડી છે. તે વ્યાવસાયિક ગોલ્ફર્સ વચ્ચે વ્યાયામ અને તાકાતનાં વધુ ઊંચાં માપદંડો લાવવા માટે મોટા ભાગે જવાબદાર છે, અને મોટા ભાગના ખેલાડીઓ કરતાં પટિંગ માટે વધુ કલાકોના અભ્યાસ માટે જાણીતો છે.
1993ના મધ્યથી, જ્યારે તે શીખાઉ હતો, 2004 સુધી, ત્યારે વુડ્સે આગળ પડતી સ્વિંગ સાથે માત્ર કોચ બુત્ચ હાર્મન સાથે કામ કર્યું. હાર્મન અને વુડ્સે મળીને વુડ્સની ફુલ સ્વિંગના મોટા પુનર્વિકાસ માટે વિશિષ્ટ શૈલી ઘડી કાઢી, જેનાથી વધુ સાતત્ય, વધુ સારું અંતર નિયંત્રણ અને વધુ સારી ગતિક્રમવિજ્ઞાન પ્રાપ્ત થયું. આ પરિવર્તનોએ 1999માં વળતર આપવાની શરૂઆત કરી. માર્ચ 2004થી, વુડ્સને હૅન્ક હેનીનું કોચિંગ મળ્યું, જેણે તેની સ્વિંગ પ્લેનને ફ્લૅટનિંગ કરવા ઉપર કામ કર્યું. વુડ્સે હેની સાથે રહીને ટૂર્નામેન્ટો જીતવાનું ચાલુ રાખ્યું, પરંતુ જ્યારથી એ હાર્મનથી દૂર થયો ત્યારથી તેની ચોક્સાઇ મહત્ત્વપૂર્ણ રીતે નીચે આવી ગઈ. જૂન 2004માં, વુડ્સ ગોલ્ફ બ્રોડકાસ્ટર તરીકે પણ કામ કરતા હાર્મન સાથે મીડિયા વિવાદમાં સંકળાયેલો હતો, ત્યારે હાર્મને સૂચન કર્યું કે તે પોતાની રમતમાં સમસ્યાઓ વિશે "ડિનાયલ (ઇનકાર) કરનાર" છે, પરંતુ જાહેરમાં તેમના મતભેદો વિશે તેમણે સમજૂતી કરી લીધી હતી.
હેનીએ 10 મે 2010ના જાહેર કર્યું કે તે વુડ્સના કોચ તરીકે મુક્ત થયો છે.
10 ઑગસ્ટ 2010ના સીન ફોલેયે PGA ચૅમ્પિયનશિપ ખાતે પ્રેક્ટિસ રાઉન્ડ દરમ્યાન તેની સ્વિંગ સાથે વુડ્સને મદદ કરી અને તેની સાથે કામ કરવાની સંભાવનાને અનુમતિ આપી.
2010 પ્રમાણે:
વુડ્સે કેટલાક ચૅરિટીના અને યુવાઓ માટેના પ્રોજેક્ટ સ્થાપ્યા છે.
વુડ્સે પોતે પણ તેના વર્તમાન ગોલ્ફ અનુચર, સ્ટીવ વિલિયમ્સ માટે ચૅરિટીકામમાં ભાગ લીધો હતો. 24 એપ્રિલ, 2006ના વુડ્સ ઑટો રેસિંગ સ્પર્ધા જીત્યો, જેનો લાભ વંચિત યુવાધનને માટે રમત-ગમત ક્ષેત્રે કારકિર્દી અપનાવવા માટે નાણાં સહાય આપતી સંસ્થા, સ્ટીવ વિલિયમ્સ ફાઉન્ડેશનને ભંડોળ વધારવા માટે થયો.
1997થી વુડ્સ ગોલ્ફ ડાઇજેસ્ટ સામયિકમાં ગોલ્ફ માર્ગદર્શક કટાર લખે છે, અને 2001માં તેણે ગોલ્ફ ઈન્સ્ટ્રક્શન પર બેસ્ટ-સેલર પુસ્તક લખ્યું, હાઉ આઇ પ્લે ગોલ્ફ , જેની પ્રથમ આવૃત્તિ માટેનો મુદ્રણ આદેશ કોઈ પણ ગોલ્ફ બુક કરતાં સૌથી મોટો હતો, 1.5 મિલિયન નકલનો.
વુડ્સે 3 ડિસેમ્બર 2006માં જાહેર કર્યું કે તે પોતાની ગોલ્ફ કોર્સ ડિઝાઇન કંપની દ્વારા યુનાઈટેડ આરબ ઍમિરેટ્સ (સંયુક્ત આરબ અમીરાત)માં તેનો પ્રથમ ગોલ્ફ કોર્સ વિકસિત કરશે, ટાઇગર વુડ્સ ડિઝાઇન. ધ ટાઇગર વુડ્સ દુબઈની વિશેષતા હશે એક 7,700-yard (7,000 m), પાર-72 કોર્સ નામે અલ-રુવાયા (જેનો અર્થ થાય છે – "પ્રશાન્તતા"), એક 60,000-square-foot (6,000 m2) ક્લબ હાઉસ, એક ગોલ્ફ અકાદમી, 320 સ્વતંત્ર વિલા અને 80 સ્યૂટ્સ સહિતની બુટીક હૉટેલ. ટાઇગર વુડ્સ દુબઇ એ વુડ્સ અને તત્વીર વચ્ચેનું સંયુક્ત સાહસ છે, તત્વીર એ સરકાર સાથે જોડાયેલા દુબઇ હોલ્ડિંગના સભ્ય છે. વુડ્સે દુબઇ પસંદ કર્યું કારણ કે એ "રણના મેદાનને વિશ્વ-કક્ષાનું ગોલ્ફનું મેદાન બનાવવાના પડકાર" વિશે ખૂબ જ ઉત્તેજિત હતો. તેનો વિકાસ દુબઈલૅન્ડ પર 2009ના અંત સુધીમાં પૂરો કરવાનું નિર્ધાર્યું હતું, જે એ પ્રદેશનો સૌથી મોટો પ્રવાસન અને ફુરસદ માટેનો પ્રોજેક્ટ હતો. જો કે, દુબઇમાં ઊભી થયેલી આર્થિક મુશ્કેલીઓના કારણે આ પ્રોજેક્ટને પૂરો કરવામાં વિલંબ થયો છે.
14 ઑગસ્ટ 2007ના, યુ.એસ.ના હાઈ કૅરોલિના ખાતે ધ ક્લિફ્સમાં પોતાનું પ્રથમ મેદાન ડિઝાઇન થશે એવું વુડ્સે જાહેર કર્યું. આવું ખાનગી મેદાન ઉત્તર કૅરોલિનાના ઍશવિલે નજીક બ્લ્યૂ રિજ માઉન્ટેન્સમાં લગભગ 4,000 feet (1,200 m) પર તૈયાર થશે.
વુડ્સ મેક્સિકોમાં પણ એક ગોલ્ફ કોર્સ(મેદાન) ડિઝાઇન કરશે. આ તેનો સમુદ્રી મોરચા પરનો સર્વપ્રથમ કોર્સ બનશે. તેને નામ અપાશે પુન્તા બ્રાવા, જે બાજા કૅલિફોર્નિયામાં એન્સેનાડા પાસે આવેલું છે. આ પ્રોજેક્ટમાં વુડ્સ દ્વારા ડિઝાઇન કરેલો 18-હોલ મેદાનનો સમાવેશ થશે, જેમાં ઘણી બધી ત્રણ એકર જેટલા પ્રદેશમાં ફેલાયેલી એવી 40 એસ્ટેટ હશે, અને 7,000 square feet (650 m2) સુધીના 80 વિલા ગૃહો પણ હશે. તેનું બાંધકામ 2009માં શરૂ થશે અને 2011માં તે પ્રોજેક્ટ પૂરો થવાનું નિર્ધાર્યું છે.
વુડ્સને વિશ્વની બજારમાં સૌથી વધુ ખપી શકે તેવો રમતવીર કહેવામાં આવે છે. 1996માં તેના 21મા જન્મદિવસ પછી તુરત જ તેણે ઘણી બધી કંપનીઓ સાથે વ્યાપારિક વ્યવહાર માટેના સમર્થન કરારો પર સહી કરવાનું શરૂ કર્યું, જેમાં જનરલ મોટર્સ, ટિટ્લેઇસ્ટ, જનરલ મિલ્સ, અમેરિકન એક્સપ્રેસ, ઍક્સેન્ચ્યૂર અને નાઇકી, ઈનકોર્પોરેશન. 2002માં તેણે નાઇકી સાથે 105 મિલિયન ડૉલરના 5 વર્ષ માટેના વિસ્તારિત કરાર ઉપર સહી કરી. એ કરાર એ વખતે કોઈ રમતવીરે સહી કરી હોય તેવો સૌથી મોટો ઇન્ડૉર્સિંગ સોદો હતો. પાછલા દશકમાં એક "ઊગતી" ગોલ્ફ કંપનીમાંથી નાઇકી ગોલ્ફ બ્રાન્ડને વિશ્વભરમાં મશહૂર કરવામાં વુડ્સના કરાર અને રમતે બહુ મોટો ભાગ ભજવ્યો છે. તેને લીધે નાઇકી વિશ્વમાં ગોલ્ફ પરિધાન અને સજ્જા માટે અગ્રગણ્ય કંપની બની ગઈ, તથા ગોલ્ફ માટેનાં સાધનો, ઉપકરણો અને ગોલ્ફ બૉલના બજારમાં પ્રમુખ ખેલાડી બની ગઈ. નાઇકી ગોલ્ફ એ રમતના ક્ષેત્રે ઝડપથી વૃદ્ધિ પામતી બ્રાન્ડ્સમાંની એક બનવા સાથે, તેનું અનુમાનિત વાર્ષિક વેચાણ 600 મિલિયન ડૉલર સુધી વધી ગયું છે. નાઇકી ગોલ્ફ માટે વુડ્સ "આધારભૂત સમર્થક" તરીકે લેખાયો, ટૂર્નામેન્ટો દરમ્યાન તે અનેક વખત નાઇકી સાજ-સામાન સહિત જોવા મળ્યો અને નાઇકીનાં બીજાં ઉત્પાદનોની જાહેરાતમાં સુદ્ધાં જોવા મળ્યો. વુડ્સ નાઇકી ગોલ્ફ સાધનોના વેચાણમાંથી અંશ પ્રાપ્ત કરે છે, જેમાં ગોલ્ફનાં સાધનો, જૂતા, સાજ-સજ્જા અને ગોલ્ફ બૉલ્સનો સમાવેશ થાય છે, તે ઉપરાંત કંપની દ્વારા બીવર્ટન, ઑરેગોનમાં નાઇકીના મુખ્યાલય કૅમ્પસમાં એક ભવનને વુડ્સનું નામ આપવામાં આવ્યું છે.
2002માં વુડ્સ બ્યુઇકના રેન્ડેઝવસ SUVના પ્રારંભના દરેક પાસામાં સંકળાયેલો હતો. કંપનીના પ્રવક્તાએ કહ્યું હતું કે બ્યુઇક વુડ્સના ઇન્ડૉર્સમેન્ટ મૂલ્યથી પ્રસન્ન છે. તેમાં તેણે ઉલ્લેખ કર્યો હતો કે 2002 અને 2003માં 130,000 કરતાં વધારે રેન્ડેઝવસ વાહનો વેચાયાં હતાં. "તે અમારી આગાહીઓથી આગળ વધી ગયું," તેમણે કહેવત રૂપે ઉદ્દૃત કર્યું કે "તેમ બનવું જ રહ્યું ટાઇગરની ઓળખના કારણે સ્તો." 2004ના ફેબ્રુઆરીમાં બ્યુઇકે બીજા પાંચ વર્ષ માટે વુડ્સનો કરાર લંબાવ્યો, જે સોદો કથિતપણે 40 મિલિયન ડૉલરનો હતો.
વુડ્સે TAG હેયુર સાથે નિકટનું જોડાણ સાધીને વિશ્વની પ્રથમ વ્યાવસાયિક ઘડિયાળ વિકસિત કરી, જે એપ્રિલ 2005માં બજારમાં મુકાઈ. હળવા વજનની, ટાઇટેનિયમ-રચિત ઘડિયાળ, એવી ડિઝાઇન કે જે રમત રમતી વખતે પહેરી શકાય. તે ગોલ્ફની રમતને અનુકૂળ એવા અનેક નવપ્રવર્તક લક્ષણો ધરાવતી ડિઝાઇન છે. તે 5,000 Gsનો આંચકો શોષી જવા સક્ષમ છે, અને જે સામાન્ય ગોલ્ફ સ્વિંગ દ્વારા ઉત્પન્ન બળો કરતાં ઘણો વધારે છે. 2006માં, TAG હેયુરની પ્રોફેશનલ ગોલ્ફ વૉચ , લીઝર/લાઇફ સ્ટાઇલ કૅટેગરીમાં પ્રતિષ્ઠિત iF પ્રોડક્ટ ડિઝાઇન અવૉર્ડ જીતી ગઈ.
વુડ્સે વીડિયો ગેમ્સની ટાઇગર વુડ્સ PGA ટૂર સિરીઝ સાથે પણ કરાર કર્યા હતા; એવું તે 1999થી કરતો રહ્યો હતો. 2006માં, તેણે સિરીઝ પ્રકાશક ઇલેક્ટ્રૉનિક આર્ટ્સ સાથે છ વર્ષના કરાર પર સહી કરી.
ફેબ્રુઆરી 2007માં, રોજર ફેડરર અને થિએરી હેન્રી સાથે વુડ્સ "જિલેટ ચૅમ્પિયન્સ" વેચાણ ઝુંબેશનો રાજદૂત બન્યો. જિલેટે નાણાકીય શરતો જાહેર નથી કરી, તેમ છતાં એક નિષ્ણાતે અનુમાન કર્યું છે કે એ સોદો 10 મિલિયન ડૉલરથી 20 મિલિયન ડૉલર વચ્ચેનો હશે.
ઑક્ટોબર 2007માં, ગૅટોરેડ દ્વારા ઉદ્ઘોષણા કરવામાં આવી કે માર્ચ 2008માં વુડ્સની પોતાની જ સ્પોર્ટ્સ ડ્રિંકની બ્રાન્ડ હશે. "ગૅટોરેડ ટાઇગર" એ પીણાં બનાવતી કંપની સાથે યુ.એસ.માં તેનો પ્રથમ સોદો અને પ્રથમ લાઈસન્સિંગ કરાર હતો. જો કે એ સોદાનો આંકડો સત્તાવાર રીતે બહાર પાડવામાં આવ્યો ન હતો, ગોલ્ફવીક મૅગેઝીને અહેવાલ આપ્યો છે કે એ કરાર પાંચ વર્ષનો અને વધુમાં વધુ વુડ્સને 100 મિલિયન ડૉલર આપી શકે તેમ હતો. કંપનીએ 2009ની પ્રારંભિક મંદીમાં નબળા વેચાણને કારણે એ પીણાંનું ઉત્પાદન બંધ કરવાનો નિર્ણય લીધો.
ગોલ્ફ ડાઇજેસ્ટ અનુસાર, વુડ્સે 1996થી 2007 સુધીમાં 769,440,709 ડૉલર બનાવ્યા, અને એ સામયિકે ભવિષ્ય ભાખ્યું કે 2010 સુધીમાં વુડ્સ કમાણીમાં એક બિલિયન ડૉલરને પાર કરી જશે. 2009માં, ફૉર્બ્સે સમર્થન કર્યું કે વુડ્સ ખરેખર વિશ્વનો એવો પ્રથમ રમતવીર હતો, જે પોતાની કારકિર્દીમાં એક બિલિયન ડૉલર્સ (કર ચૂકવતાં પહેલાં) કમાયો હોય, એ જ વર્ષે ફેડએક્સ કપ(FedEx Cup) ટાઇટલ માટે તેને મળેલા 10 મિલિયન ડૉલર્સ બોનસને ગણતરીમાં લીધા પછી. એ જ વર્ષે, ફૉર્બ્સે તેનું ચોખ્ખું મૂલ્ય 600 મિલિયન ડૉલર હોવાનું અનુમાન આપ્યું, જે તેને માત્ર ઓપ્રાહ વિનફ્રેય પછી બીજા ક્રમે "આફ્રિકી અમેરિકી" મહાધનવાન બનાવે છે.
ઑગસ્ટ 20, 2007ના, કૅલિફોર્નિયાના ગવર્નર આર્નોલ્ડ શ્વાર્ઝનેગર અને ફર્સ્ટ લેડી મારિયા શ્રીવેરે જાહેર કર્યું કે કૅલિફોર્નિયા હૉલ ઑફ ફેમમાં વુડ્સનો સમાવેશ કરવામાં આવશે. ડિસેમ્બર 5, 2007ના સાક્રામેન્ટોમાં ધ કૅલિફોર્નિયા મ્યૂઝિઅમ ફોર હિસ્ટ્રી, વિમેન એન્ડ ધ આર્ટ્સ ખાતે તેને એ બહુમાન પ્રાપ્ત થયું.
ડિસેમ્બર 2009માં અસોસિએટેડ પ્રેસ દ્વારા તેને "ઍથલેટ ઓફ ધ ડિકેડ (આ દાયકાનો શ્રેષ્ઠ રમતવીર)" ઘોષિત કરવામાં આવ્યો. ચાર વખત અસોસિએટેડ પ્રેસ મેલ ઍથલેટ ઓફ ધ યર બનીને તેણે વિક્રમની બરોબરી કરી હતી, અને તે એક માત્ર એવો ખેલાડી હતો જેને એકથી વધુ વખત સ્પોર્ટ્સ ઇલસ્ટ્રેટેડના સ્પોર્ટ્સમૅન ઓફ ધ યર બનવાનું બહુમાન મળ્યું હોય.
1997 માસ્ટર્સ ટૂર્નામેન્ટ ખાતે તેની વિક્રમ સ્થાપતી જીત પછી, ગોલ્ફની વધેલી લોકપ્રિયતાનું શ્રેય સામાન્ય રીતે વુડ્સની હાજરીને આપવામાં આવે છે. કેટલાક સ્રોતો દ્વારા તેને નાટકીય ઢબે ગોલ્ફમાં ઈનામી રકમમાં વધારો થવા પાછળનું, નવા પ્રેક્ષકોમાં રસ પેદા કરવાનું અને ગોલ્ફ ઇતિહાસમાં સૌથી વધુ ટીવી પ્રેક્ષકો તાણી લાવવાનું કારણ પણ ગણાવવામાં આવે છે.
ટાઇગર વુડ્સની એક ઇન્ડિપેન્ડન્ટ તરીકે નોંધણી છે. જાન્યુઆરી 2009માં, વુડ્સે We Are One: The Obama Inaugural Celebration at the Lincoln Memorial ખાતે સમારંભ પ્રસંગે વકતવ્ય આપ્યું હતું. એપ્રિલ 2009માં, વુડ્સે પોતે જે ગોલ્ફ ટૂર્નામેન્ટનો યજમાન હતો, તે AT&T નેશનલનો પ્રચાર-પ્રસાર કરવા માટે વૉશિંગ્ટન, ડી.સી.માં આવ્યો હતો ત્યારે વ્હાઇટ હાઉસની મુલાકાત લીધી હતી.
બાયરન નેલ્સન અને વુડ્સ એ બંનેના યુગમાં, "કટ બનાવવા"ને પેચેક (paycheck-વેતન) મેળવવા તરીકે જોવામાં આવતો હતો. જો કે, નેલ્સનના દિવસોમાં, જે ખેલાડીઓને ઇવેન્ટમાં ટોચના 20(ક્યારેક તો માત્ર 15 જ)માં સ્થાન મળ્યું હોય તેમને જ માત્ર પેચેક મળતો, જ્યારે વુડ્સના દિવસોમાં જે ખેલાડીઓ પહેલા 36 હોલમાં પૂરતો નીચો સ્કૉર (ટોચના 70 અને મોટા ભાગની ઇવેન્ટોમાં ટાઈ) કરી શકે તેવા ખેલાડીઓ જ પેચેક જીતી શકતા. કેટલાક ગોલ્ફ વિશ્લેષકો દલીલ કરે છે કે વુડ્સે ખરેખર નેલ્સનના સળંગ કટ માર્કને ઓળંગ્યા નહોતા, તેનું કારણ તેમના મતે એ છે કે વુડ્સ જે 31 ટૂર્નામેન્ટો રમ્યો તે "નો-કટ" ઇવેન્ટો હતી, એટલે કે તેમાં મેદાન પરના તમામ ખેલાડીઓને સમગ્ર ઇવેન્ટ દરમ્યાન તેમના 36 હોલના સ્કૉર ગમે તે હોય તે છતાં હરીફાઇમાં ઉતરવા દેવાની ખાતરી આપવામાં આવી હતી (અને તેથી તમામે "કટ બનાવ્યો," એટલે કે તેમને તમામને પેચેક મળ્યો). આ વિશ્લેષકો દલીલ કરે છે કે આ પ્રમાણે વુડ્સે બનાવેલા અંતિમ અનુક્રમિક કટ 111 થાય, અને નેલ્સનના 113 થાય.
જો કે, નેલ્સન જે ટૂર્નામેન્ટો રમ્યો તેમાંથી કમસે કમ 10માં, આધુનિક-સમયના કટ નહોતા; એટલે કે, આ ઇવેન્ટોમાં રમેલા તમામ ખેલાડીઓને 36 હોલ પછી હરીફાઈમાં રહેવા દેવામાં આવતા હતા. ઉદાહરણ તરીકે, ધ માસ્ટર્સમાં, 1957 સુધી (નેલ્સનની નિવૃત્તિ પછી ઘણા સમયે) 36-હોલ કટને સ્થાન આપવામાં આવ્યું નહોતું, 1958 સુધી PGA ચૅમ્પિયનશિપ માત્ર મૅચ પ્લે જ હતી, અને બાકીની અન્ય ત્રણ ઇવેન્ટો જેમાં નેલ્સને ભાગ લીધો હતો તે 36-હોલ કટ ધરાવતી હતી કે નહીં તે અસ્પષ્ટ છે. તેથી, આ વિશ્લેષકોએ "36-હોલ કટ ન ધરાવતી" ઇવેન્ટોને બંને કટ સ્ટ્રીક નક્કી કરવાના માપદંડોમાંથી પડતી મૂકી છે, જેના કારણે નેલ્સનના અનુક્રમિક કટ 103 પર (અથવા સંભવતઃ તેનાથી ઓછા) થાય છે અને વુડ્સના 111 પર થાય છે.
36-હોલ કટ ન હોય તેવી જે ટૂર્નામેન્ટોમાં નેલ્સન રમ્યો (માસ્ટર્સ, PGA ચૅમ્પિયનશિપ અને સંભવતઃ અન્ય ત્રણ ટૂર્નામેન્ટો), તેમાં ભલે 36 હોલ પછી તમામ ખેલાડીઓને હરીફાઈમાં ઊતરવા માટે સ્થાન મળતું હતું, પણ તેમાંથી ટોચના 20 ખેલાડીઓને જ પેચેક મળતો હતો. આમ, આ કટ-વિહીન ઇવેન્ટોમાં, નેલ્સન હજી પણ ટોચના 20માં હતો, એટલે નેલ્સનના 113 કટ તેના 113 વખત ટોચના 20માં હોવાનું સૂચવે છે. વુડ્સે ટોચના 20માં સળંગ 21 વખત સ્થાન મેળવ્યું છે (જુલાઈ 2000થી જુલાઈ 2001) અને, તે સિવાય તે જેમાં રમ્યો હતો તે 31 નો-કટ ઇવેન્ટોમાં, તે 10 વખત જીત્યો હતો અને માત્ર પાંચ વખત ટોચના 10માં સ્થાન મેળવ્યું હતું. વુડ્સ સહિત બીજા કેટલાક એવી દલીલ કરે છે કે બંને યુગોમાં ટૂર્નામેન્ટોના માળખાઓમાં એટલો બધો ફેર છે કે કોઈ પણ અર્થપૂર્ણ સરખામણી કરવી શક્ય નથી, એટલે આ બે કટ સ્ટ્રીકોની સરખામણી ન થઈ શકે.
કટ સ્ટ્રીક અંગે વધુ સુસંગત સરખામણી 1976 વર્લ્ડ ઑપનમાં પૂરા થતા, 1970થી 1976ના સમયગાળા વચ્ચે જૅક નિકલસે કરેલા 105 અનુક્રમિક કટ સાથે થઈ શકે. એ યુગનું કટનું માળખું વાસ્તવિક રીતે વર્તમાન PGA ટૂર પ્રેક્ટિસ સાથે સમરૂપતા ધરાવે છે, અને નિકલસની સ્ટ્રીકમાંની મોટા ભાગની ઇવેન્ટોમાં 36 હોલ પછી કટ બનાવવું ગણવામાં આવતું હતું, સિવાય કે ટૂર્નામેન્ટ ઓફ ચૅમ્પિયન્સ (હવે એસબીએસ(SBS) ચૅમ્પિયનશિપ), વર્લ્ડ સીરીઝ ઓફ ગોલ્ફ (હવે WGC-બ્રિજસ્ટોન ઇન્વિટેશનલ), અને યુ.એસ.(U.S.) પ્રોફેશનલ મૅચ પ્લે ચૅમ્પિયનશિપ (નિકલસ માટે 10 ઇવેન્ટો).
વુડ્સની કારકિર્દીની શરૂઆતમાં, ગોલ્ફ નિષ્ણાતોમાંથી થોડાકે રમતની સ્પર્ધાત્મકતા પર અને વ્યાવસાયિક ગોલ્ફની જાહેર અપીલ પર તેના પ્રભાવ અંગે ચિંતા વ્યક્ત કરી હતી. નાઈટ-રિડર(Knight-Ridder)ના રમતલેખક બિલ લીઓને એક કટારમાં પૂછ્યું હતું, "શું ટાઇગર વુડ્સ ખરેખર ગોલ્ફ માટે ખરાબ છે?" (અલબત્ત લીઓને છેવટે એમ નથી એવો નિષ્કર્ષ આપ્યો હતો). પહેલાં, કેટલાક પંડિતોને ડર લાગ્યો હતો કે વુડ્સ વર્તમાન ગોલ્ફ કોર્સિસ(મેદાનો)ને કાલગ્રસ્ત બનાવીને અને પ્રતિસ્પર્ધીઓને દરેક અઠવાડિયે માત્ર બીજા સ્થાન માટે જ સ્પર્ધા કરવા હદ પાર કરી દઈને ગોલ્ફની રમતમાંથી સ્પર્ધાત્મકતાનો મિજાજ જ દૂર કરી દેશે.
કૅલિફોર્નિયા યુનિવર્સિટી, બેર્કેલીના અર્થશાસ્ત્રી જેનિફર બ્રાઉને એવી જ એક સંબંધિત અસર માપી હતી, તેમણે અભ્યાસ પરથી તારવ્યું હતું કે વુડ્સ ટૂર્નામેન્ટમાં ન હોય ત્યાર કરતાં જ્યારે તેની સામે રમવાનું હોય ત્યારે અન્ય ગોલ્ફરો વધુ ખરાબ રમે છે. વુડ્સ સામે રમતી વખતે અત્યંત કુશળ (મુક્ત) ગોલ્ફરો આશરે એક સ્ટ્રૉક વધુ લેતા હોય છે. જ્યારે તે ઉપરાઉપરી જીતતો આવ્યો હોય ત્યારે આ અસર વધુ જોવા મળતી જ્યારે 2003-04ના તેના જગજાહેર ઢીલાશવાળા સમય દરમ્યાન તે અદૃશ્ય થઈ ગઈ હતી. બ્રાઉન એવું નોંધતા પરિણામોનો ખુલાસો આપે છે કે એકસરખી કુશળતા ધરાવતા પ્રતિસ્પર્ધીઓ પોતાના પ્રયત્નનું સ્તર વધારીને જીતવાની આશા રાખી શકે છે, પણ એ, જ્યારે "સુપરસ્ટાર" પ્રતિસ્પર્ધી સામે રમવાનું હોય, ત્યારે હંમેશ કરતાં વધુ પ્રયાસ વ્યક્તિના જીતવાના સ્તરને નોંધપાત્ર રીતે વધારતા નથી પણ ઈજા અથવા થાકના જોખમને વધારે છે, જેનાથી પ્રયાસમાં સરવાળે ઘટાડો આવે છે.
PGA ટૂરમાં ક્રમાનુસાર વપરાતાં અનેક મેદાનોમાં (ઑગસ્ટા નેશનલ જેવા મુખ્ય ચૅમ્પિયનશિપ માટેનાં સ્થળો સહિત) વુડ્સ જેવા લાંબું ફટકારનારાઓને ધીમા પાડવાના પ્રયાસરૂપે તેમના ટી(Tee)માં અમુક યાર્ડ વધારવું શરૂ થયું, આ વ્યૂહનીતિ "ટાઇગર-પ્રૂફિંગ" તરીકે જાણીતી થઈ. વુડ્સે પોતે આ પરિવર્તનને વધાવ્યું કારણ કે તે માને છે કે કોર્સ(મેદાન)માં યાર્ડેજનો વધારો તેની જીતવાની ક્ષમતાને અસર કરતો નથી.
PGA ટૂરમાં તેની અસાધારણ સફળતા છતાં, તેની કારકિર્દીની શરૂઆતમાં વુડ્સને રાયડર કપમાં ઘણી થોડી સફળતા મળી હતી. 1997માં તેના પહેલા રાયડર કપમાં, તેણે દરેક મૅચમાં રમીને માત્ર 1½ પોઈન્ટ મેળવ્યા હતા અને મોટા ભાગે માર્ક ઓ'મિઅરા સાથે જોડી બનાવી હતી. તેની સિંગલ્સની મૅચમાં કોસ્ટાન્ટિનો રોક્કાએ તેને હરાવ્યો હતો. 1999માં, જુદા જુદા ભાગીદારો સાથે રમવા છતાં દરેક મૅચમાં તે 2 પોઈન્ટ મેળવી શક્યો હતો. 2002માં, તે બંને શુક્રવારની મૅચોમાં હાર્યો, પણ શનિવારની બંને મૅચોમાં, ડૅવિસ લવ III સાથે જોડી બનાવીને, અમેરિકનો માટે બે પોઈન્ટ્સથી જીત્યો હતો, અને સિંગલ્સ મૅચો માટે અમેરિકનોને આશા બંધાવી હતી, પણ બંને ટુકડીઓ રવિવારે 8 પોઈન્ટ પર પહોંચી હતી. જો કે, યુરોપિયનોએ વહેલી લીડ લીધા પછી, તેની જેસ્પર પાર્નેવિક સાથેની મૅચને બિનઅગત્યની ગણવામાં આવી અને તેમણે મૅચને અડધી કરી દીધી. 2004માં, તેણે શુક્રવારે ફિલ મિકલસન સાથે જોડી બનાવી હતી પણ તે બંને મૅચ હાર્યો હતો, અને શનિવારે માત્ર એક પોઈન્ટ મેળવ્યો હતો. અમેરિકનો 5-11ની ખાધનો સામનો કરી રહ્યા હતા, ત્યારે તે પહેલી સિંગલ્સ મૅચ જીત્યો, પણ ટીમ એ જોશ જાળવી શકી નહીં. 2006માં, તમામ જોડીઓ માટેની મૅચો માટે તેણે જિમ ફુર્ય્ક સાથે જોડી બનાવી, અને તેઓ તેમની ચારમાંથી બે મૅચો જીત્યા. વુડ્સ તેની સિંગલ્સની મૅચ જીત્યો, અને આમ કરનારા ગણીને માત્ર ત્રણ અમેરિકનોમાંનો એક બન્યો. 2008 દરમ્યાન વુડ્સ તેના ડાબા ઘૂંટણની પુનઃરચનાત્મક શસ્ત્રક્રિયામાંથી પાછો બેઠો થઈ રહ્યો હોવાથી તે સમગ્ર 2008 રાયડર કપ ચૂકી ગયો. વુડ્સની ગેરહાજરી છતાં, યુનાઈટેડ સ્ટેટ્સની ટીમે 1981 પછી આ ઇવેન્ટમાં વિજયનું સૌથી લાંબું અંતર સ્થાપ્યું.
વુડ્સ 14 મુખ્ય સહિત 71 સત્તાવાર PGA ટૂર ઇવેન્ટો જીત્યો છે. કોઈ મુખ્ય રમતના ફાઇનલ રાઉન્ડમાં જતી વખતે તે લીડના કમસે કમ એક હિસ્સા સાથે 14-1 છે. ગોલ્ફના અનેક નિષ્ણાતોએ તેને "ઇતિહાસમાં સૌથી મહાન અંતિમ પરિણામો સ્થાપનાર (ક્લોઝર)" તરીકે નવાજ્યો છે. તે સરેરાશ સૌથી ઓછું કારકિર્દી સ્કોરિંગ ધરાવે છે અને PGA ટૂર ઇતિહાસમાં કોઈ પણ ખેલાડી કરતાં વધુ કારકિર્દી કમાણી ધરાવે છે.
વિશ્વ ક્રમાંકમાં તે સળંગ સૌથી વધુ અને કુલ સૌથી વધુ અઠવાડિયાઓ સુધી ટોચ પર રહ્યો છે. કેરિયર ગ્રાન્ડ સ્લૅમ તરીકે ઓળખાતી જીત- પોતાની કારકિર્દીની તમામ ચાર વ્યાવસાયિક મુખ્ય ચૅમ્પિયનશિપો જીતનાર પાંચ ખેલાડીઓમાંનો તે એક છે (બાકીના ચાર છે જેને સારાઝેન, બેન હોગન, ગૅરી પ્લેયર, અને જૅક નિકલસ) અને એમ જીતનારો સૌથી યુવા ખેલાડી છે. વુડ્સ તમામ ચાર વ્યાવસાયિક મુખ્ય ચૅમ્પિયનશિપો એક હરોળમાં જીતનારો એક માત્ર ખેલાડી છે, જેણે પોતાની આ અદ્ભુત જીતશૃંખલા 2000-2001ની સીઝનમાં મેળવી હતી.
જ્યારે વુડ્સ વ્યાવસાયિક ખેલાડી બન્યો, ત્યારે માર્ચ 8, 1999 સુધી માઇક "ફ્લુફ" કોવાન તેનો અનુચર હતો. ત્યારપછી તેનું સ્થાન સ્ટીવ વિલિયમ્સે લીધું, જે વુડ્સનો ગાઢ મિત્ર બની ગયો અને ઘણીવાર વુડ્સને ચાવીરૂપ શૉટ્સ અને પટ માટે મદદ કરવાનું શ્રેય તેને આપવામાં આવે છે.
1 ત્રણ-હોલ પ્લેઓફમાં 1 સ્ટ્રૉકથી મૅને હરાવ્યોઃ વુડ્સ (3–4–5=12), મૅ (4–4–5=13)
2 પહેલા વધારાના હોલ પર બર્ડી સાથે દિમાર્કોને હરાવ્યો
3 18-હોલ પ્લેઓફ સરખા પાર પર ટાઇ થયા બાદ પહેલા સડન ડેથ હોલ પર પાર સાથે મિડિએટને હરાવ્યો
ટૂર્નામેન્ટ | 1995 | 1996 | 1997 | 1998 | 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 |
---|---|---|---|---|---|---|---|---|---|---|---|---|---|---|---|---|
ધ માસ્ટર્સ | T41 LA | CUT | 1 | T8 | T18 | 5 | 1 | 1 | T15 | T22 | 1 | T3 | T2 | 2 | T6 | T4 |
યુ.એસ.(U.S.) ઑપન | WD | T82 | T19 | T18 | T3 | 1 | T12 | 1 | T20 | T17 | 2 | CUT | T2 | 1 | T6 | T4 |
ધ ઑપન ચૅમ્પિયનશિપ | T68 | T22 LA | T24 | 3 | T7 | 1 | T25 | T28 | T4 | T9 | 1 | 1 | T12 | DNP | CUT | T23 |
PGA ચૅમ્પિયનશિપ | DNP | DNP | T29 | T10 | 1 | 1 | T29 | 2 | T39 | T24 | T4 | 1 | 1 | DNP | 2 | T28 |
LA = નીચો અવૈતનિક (Low Amateur)
DNP = રમ્યો નહોતો
CUT = અધવચ્ચેના કટને ચૂકી ગયો
"T" એ એ સ્થાને ટાઇને સૂચવે છે
લીલા રંગનાં ખાનાં વિજયો દર્શાવે છે. પીળા રંગનાં ખાનાં ટોચના 10માં હોવાનું સૂચવે છે.
1 પહેલા વધારાના સડન-ડેથ પ્લેઓફ હોલ પર વિજય.
2 સડન-ડેથ પ્લેઓફના વધારાના સાતમા હોલ પર વિજય.
3 સડન-ડેથ પ્લેઓફના વધારાના બીજા હોલ પર વિજય.
4 સડન-ડેથ પ્લેઓફના વધારાના ચોથા હોલ પર વિજય.
ટૂર્નામેન્ટ | 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 |
---|---|---|---|---|---|---|---|---|---|---|---|---|
એક્સેન્ચુર મૅચ પ્લે ચૅમ્પિયનશિપ | QF | 2 | DNP | R64 | 1 | 1 | R32 | R16 | R16 | 1 | R32 | DNP |
CA ચૅમ્પિયનશિપ | 1 | T5 | NT1 | 1 | 1 | 9 | 1 | 1 | 1 | 5 | T9 | DNP |
બ્રિજસ્ટોન ઇન્વિટેશનલ | 1 | 1 | 1 | 4 | T4 | T2 | 1 | 1 | 1 | DNP | 1 | T78 |
HSBC ચૅમ્પિયન્સ | – | – | – | – | – | – | – | – | – | – | T6 | T6 |
19/11ના કારણે રદ.
DNP = રમ્યો નહોતો.
QF, R16, R32, R64 = મૅચ રમતમાં જે રાઉન્ડમાં ખેલાડી હાર્યો તે રાઉન્ડ.
T = ટાઇ થઈ.
NT = કોઈ ટૂર્નામેન્ટ નહીં
લીલા રંગનાં ખાનાં વિજયો દર્શાવે છે. પીળા રંગનાં ખાનાં ટોચના 10માં હોવાનું સૂચવે છે. એ નોંધશો કે 2009 સુધી HSBC ચૅમ્પિયન્સ, WGC ઇવેન્ટ બની નહોતી.
વર્ષ | જીત (મહત્ત્વની રમતોમાં) | કમાણી | નાણા યાદીમાં ક્રમાંક |
---|---|---|---|
1996 | 2 | 790,594 | 24 |
1997 | 4 (1) | 2,066,833 | 1 |
1998 | 1 | 1,841,117 | 4 |
1999 | 8 (1) | 6,616,585 | 1 |
2000 | 9 (3) | 9,188,321 | 1 |
2001 | 5 (1) | 6,687,777 | 1 |
2002 | 5 (2) | 6,912,625 | 1 |
2003 | 5 | 6,673,413 | 2 |
2004 | 1 | 5,365,472 | 4 |
2005 | 6 (2) | 10,628,024 | 1 |
2006 | 8 (2) | 9,941,563 | 1 |
2007 | 7 (1) | 10,867,052 | 1 |
2008 | 4 (1) | 5,775,000 | 2 |
2009 | 6 | 10,508,163 | 1 |
2010 | 0 | 1,294,765 | 68 |
કારકિર્દી | 71 (14) | 94,157,304 | ' |
નવેમ્બર 2003માં, વુડ્સની સગાઈ, પૂર્વે સ્વીડિશ મૉડેલ અને ભૂતપૂર્વ માઇગ્રેશન પ્રધાન બારબ્રો હોમબર્ગ તથા રેડિયો પત્રકાર થોમસ નોર્ડગ્રેનની પુત્રી, એલિન નોર્ડગ્રેન સાથે થયા. સ્વીડિશ ગોલ્ફર જેસ્પર પાર્નેવિકે 2001માં ધ ઓપન ચૅમ્પિયનશિપ દરમ્યાન તેમનો એકબીજા સાથે પરિચય કરાવ્યો હતો, તેમણે એલિનને ઓ પેઅર (રહેવાખાવાના બદલામાં ઘરકામ સંભાળનાર) તરીકે કામે રાખી હતી. તેમણે ઑકટોબર 5, 2004ના ર્બાબાદોસના કૅરિબિયન ટાપુ પરના સેન્ડી લેન રિસોર્ટ ખાતે લગ્ન કર્યા, અને ઓર્લૅન્ડો, ફ્લોરિડાના પરગણા, વિન્ડેરમિરીમાં આવેલા એક સમુદાય, ઈઝલેવર્થ ખાતે રહ્યા. તેઓ જૅક્સન, વ્યોમિંગ, કૅલિફોર્નિયા અને સ્વિડનમાં પણ રહેઠાણો ધરાવે છે. જાન્યુઆરી 2006માં, તેમણે જ્યુપિટર આઇલૅન્ડ, ફ્લોરિડા ખાતે, ત્યાં પોતાનો મુખ્ય ગૃહઆવાસ બનાવવાના આશયથી, $39 મિલિયનની નિવાસીય મિલકત ખરીદી. જ્યુપિટર આઇલેન્ડના રહેવાસીઓમાં તેમના સાથી ગોલ્ફરો - ગૅરી પ્લેયર, ગ્રેગ નોર્મન અને નિક પ્રાઈસ, તેમ જ ગાયક સેલિન દિઓન અને ઍલન જૅક્સનનો સમાવેશ થાય છે. 2007માં જ્યુપિટર આઇલૅન્ડ પ્રદેશ ખાતે આવેલું વુડ્સની માલિકીનું એક ગેસ્ટ હાઉસ વીજળી પડવાને કારણે આગ લાગવાથી નાશ પામ્યું.
જૂન 18, 2007ની વહેલી સવારે, એલિને તેમના પ્રથમ સંતાન, પુત્રી, સૅમ ઍલેક્સિસ વુડ્સને ઓર્લૅન્ડો ખાતે જન્મ આપ્યો. વુડ્સે 2007 યુ.એસ. ઑપનમાં બીજા સ્થાન માટે ટાઈ કરી તેના બીજા જ દિવસે તેમની દીકરીનો જન્મ થયો હતો. વુડ્સે પોતાની દીકરીનું નામ સૅમ એટલા માટે પસંદ કર્યું કેમ કે તેમના પિતા કહેતા હતા કે વુડ્સ એક સૅમ જેવો વધુ લાગે છે. સપ્ટેમ્બર 2, 2008ના વુડ્સે પોતાની વેબસાઈટ પર જાહેરાત કરી કે તે અને તેમની પત્ની તેમના બીજા સંતાનના આગમનની રાહ જોઈ રહ્યાં છે. પાંચ મહિના પછી, એલિને ફેબ્રુઆરી 8, 2009ના રોજ, એક પુત્ર, ચાર્લી ઍક્સેલ વુડ્સને જન્મ આપ્યો. ટાઇગર વુડ્સ અને ઍલિન નોર્ડગ્રેને ઑગસ્ટ 23, 2010ના સત્તાવાર રીતે છૂટાછેડા મેળવ્યા.
નવેમ્બર 25, 2009ના સુપરમાર્કેટ ચોપાનિયા, ધ નેશનલ ઈન્કવાયરરે , વુડ્સ ન્યૂર્યોક સિટી નાઈટ ક્લબની મૅનેજર રચેલ ઉચિટેલ સાથે લગ્નેત્તર સંબંધ ધરાવતો હતો, એવો એક લેખ પ્રકાશિત કર્યો, જે દાવાને તેણે રદિયો આપ્યો. આ લેખે મીડિયાનું ધ્યાન પોતાના તરફ ત્યારે ખેંચ્યું જ્યારે એ લેખ છપાયાના દોઢ દિવસ પછી વુડ્સની કારનો અકસ્માત થયોઃ વુડસે તેમની ગાડી SUV, 2009ના કૅડિલાક એસ્કાલેડ મૉડેલમાં ઓર્લૅન્ડો વિસ્તારના પોતાના રહેઠાણ પરથી સવારે 2:30 વાગ્યે નીકળ્યા, અને પોતાના ઘરની સડકના માત્ર બીજા જ છેડે ઝાડવાઓની વાડ સાથે, એક અગ્નિશામક નળ સાથે, અને અંતે એક વૃક્ષ સાથે અફળાયા. વુડ્સને ચહેરા પરના નજીવા ઘસરકાઓ માટે સારવાર આપવામાં આવી, અને બેદરકારીથી વાહન ચલાવવા માટે કાયદા દ્વારા નોંધ લેવાઈ. તેણે $164નો ટ્રાફિક દંડ ચૂકવ્યો. તેણે પોલીસ સાથે વાત કરવાનો ઇનકાર કર્યો અને છેવટે જ્યાં સુધી વુડ્સે પોતાની વેબસાઈટ પર એક નિવેદન ન મૂક્યું ત્યાં સુધી, બે દિવસ સુધી આ અકસ્માત તીવ્ર ચર્ચાનો વિષય બની રહ્યો, તેણે એ નિવેદનમાં એ અકસ્માતનો દોષ પોતાના શિરે લીધો હતો અને ઉમેર્યું હતું કે તે પોતાની અંગત બાબત હતી; વધુમાં તેણે પોતાને ગાડીમાંથી બહાર કાઢવા માટે, પોતાની પત્ની એલિનની પ્રશંસા પણ કરી હતી.
ત્યારબાદ ટૂંક સમયમાં જ વુડ્સે જાહેર કર્યું કે 2009માં તે પોતાની ચૅરિટી ગોલ્ફ ટૂર્નામેન્ટ, શેવરોન વર્લ્ડ ચેલેન્જ, કે બાકીના બીજી કોઈ પણ ટૂર્નામેન્ટ રમશે નહિ.
જ્યારે સાન ડિયાગોની કોકટેઈલ વેઈટ્રેસ જૈમી ગ્રુબ્બ્સે, એક ગપશપ મૅગેઝિન યુએસ(Us) વીકલી માં જાહેરમાં દાવો કર્યો કે તેનું વુડ્સ સાથે અઢી વર્ષથી પ્રેમ-પ્રકરણ ચાલતું હતું, એ બાબત બહાર આવી ત્યાં સુધી આખી વાતમાં લોકોનો રસ વધ્યો. તેણે વુડ્સે તેના માટે મૂક્યા હતા એમ કહેતાં વુડ્સના અવાજમાં તથા તેના લેખિત સંદેશાઓ રજૂ કર્યા. વોઇસ સંદેશમાં નિવેદન હતું: "હેય, હું ટાઇગર બોલુ છું, મને તારી એક મોટી મદદની જરૂર છે. મહેરબાની કરીને તું તારા ફોનમાંથી તારું નામ કાઢી શકે? મારી પત્નીએ મારા ફોનમાંની વિગતો જોઈ છે...તારે મારા માટે આટલું કરવું પડશે. ઘણી મોટી. જલદી કરજે. આવજે." એ લેખ પ્રકાશિત થયો એ જ દિવસે વુડ્સે "મર્યાદાભંગ" કરવા બદલ એક માફીપત્ર જાહેર કર્યો અને જણાવ્યું કે, "મેં મારા પરિવારની નજર ઝુકાવી દીધી છે.." વુડ્સે તેની માફી પાછળનું ચોક્કસ કારણ નહોતું સ્પષ્ટ કર્યું, તથા તે બાબત અંગત છે તેની મર્યાદા જાળવવા વિનંતી કરી હતી.
જ્યારે આશરે ડઝનેક મહિલાઓએ વિવિધ પ્રસાર માધ્યમોમાં વુડ્સના તેમની સાથે સંબંધો હોવાના દાવા કર્યા, ત્યારે પ્રસાર માધ્યમોનું દબાણ વધી ગયું. ડિસેમ્બર 11ના રોજ, વુડ્સે પોતે લગ્નજીવનમાં વિશ્વાસઘાત કર્યાનો સ્વીકાર કરીને, બીજીવાર માફી માગી, અને અનિશ્ચિત મુદ્દત સુધી વ્યાવસાયિક ગોલ્ફમાંથી દૂર રહેવાની ઘોષણા કરતું એક બીજું નિવેદન જાહેર કર્યું. એ જ દિવસે, વુડ્સ વતી તેના વકીલોએ હાઈકોર્ટ ઑફ જસ્ટિસ ઑફ ઇંગ્લૅન્ડ એન્ડ વેલ્સમાંથી, યુ.કે.(UK)નાં તમામ પ્રકાશનોમાં વુડ્સની કોઈ પણ નગ્ન કે જાતીય સંભોગ કરતી તસવીરો પ્રકાશિત કરવા સામે મનાઈ હુકમ મેળવ્યો, અલબત્ત આવી કોઈ તસવીરો અંગે વુડ્સને જાણકારી હતી તે અંગે ઇનકાર કરતા રહ્યા. મનાઇહુકમના વિષયનો અહેવાલ આપવો તે પણ આદેશિત હતું. બીજા જ અઠવાડિયે, વુડ્સ સાથે સંબંધો હોવા અંગે જેમણે પ્રસારમાધ્યમોને ઇન્ટર્વ્યૂ આપ્યાં હતાં તેમાંની એક મહિલાએ સ્વીકાર્યું હતું કે જો ક્યારેય તેમની વચ્ચે સંબંધ વિચ્છેદ થશે તો તે તેને વેચી નાખશે એવા પૂર્વાયોજિત આધારે તેણે પોતાની પાસે વુડ્સની નગ્ન તસવીરો રાખી છે.
એ નિવેદન જાહેર થયાના બીજા દિવસે, ઘણી કંપનીઓએ એવો ઈશારો કર્યો કે તેઓ વુડ્સ સાથેના તેમના સમર્થન કરારો પર ફેરવિચારણા કરી રહ્યા હતા. જીલેટ કંપનીએ વુડ્સને દર્શાવતી પોતાની જાહેરાતને કામચલાઉ ધોરણે અટકાવી, અને કહ્યું કે તેઓ કંપની માટે વુડ્સને કોઈ જાહેર હાજરી માટે રોકશે નહીં. ડિસેમ્બર 13ના, મૅનેજમેન્ટ કન્સલ્ટન્સી પેઢી એક્સેન્ચ્યુરે, "વુડ્સ હવે યોગ્ય પ્રતિનિધિ નથી" એવું નિવેદન આપીને, વુડ્સ માટેની પોતાની સંપૂર્ણ સ્પોન્સરશિપ પૂરેપૂરી રદ કરી.
ડિસેમ્બર 8, 2009ના રોજ, નીલસને સૂચવ્યું કે વિજ્ઞાપકોએ વુડ્સના વ્યભિચારના સમાચાર બહાર આવતાં વુડ્સને બતાવતી ટીવી જાહેરાતોને કામચલાઉ ધોરણે દૂર કરી છે. તેના મુખ્ય સ્પોન્સરોએ શરૂઆતમાં વુડ્સને ટેકો આપવાની અને ટકાવી રાખવાની બાંહેધારી આપી, પરંતુ ડિસેમ્બર 11ના જીલેટ કંપનીએ તેને હંગામી ધોરણે દૂર કર્યો, તથા ડિસેમ્બર 13ના રોજ એક્સેન્ચ્યુર કંપનીએ વુડ્સને સંપૂર્ણપણે પડતો મૂક્યો. ડિસેમ્બર 18ના, ટેગ હેયુરે(TAG Heuer) તેમના જાહેરખબર અભિયાનમાંથી "નજીકના ભવિષ્ય પૂરતો" વુડ્સને પડતો મૂક્યો, ત્યારબાદ ડિસેમ્બર 23ના તેમની વેબસાઈટના હોમપેજ પર "ટેગ હેયુર ટાઈગર વુડ્સ સાથે છે" તેવું નિવેદન મૂક્યું. જાન્યુઆરી 1, 2010ના, AT&Tએ પોતાની વુડ્સ માટેની સ્પોન્સરશિપ પૂરી થાય છે એવી ઘોષણા કરી. જાન્યુઆરી 4, 2010ના, ઈલેકટ્રોનિક આર્ટ્સે, રાષ્ટ્રપ્રમુખ પીટર મૂરીના બ્લોગ દ્વારા એવું નિવેદન આપ્યું કે તેઓ વુડ્સ સાથેની તેમની કામગીરી ચાલુ રાખશે અને વેબ આધારિત ખેલ, ટાઈગર વુડ્સ PGA ટૂર ઓનલાઈન માટે, તેમનું વુડ્સ સાથેનું વ્યાવસાયિક જોડાણ દર્શાવ્યું. જાન્યુઆરી 13ના, જનરલ મોટર્સે, પોતાના એક ફ્રી કાર લોન સોદાની પૂર્ણાહુતિ જાહેર કરી કે જે ડિસેમ્બર 31, 2010ના પૂર્ણ થવાનો હતો.
કેલિફોર્નિયા યુનિવર્સિટી, ડૅવિસ ખાતેના અર્થશાસ્ત્રના પ્રધ્યાપકો, ક્રિસ્ટોફર આર. નિટેલ અને વિક્ટર સ્ટાન્ગોના ડિસેમ્બર 2009ના અભ્યાસ મુજબ, વુડ્સના લગ્નેત્તર સંબંધોને કારણે શેરધારકને અંદાજે $5 બિલિયનથી $12 બિલિયનનું નુકસાન થયું હશે.
ગોલ્ફ ડાઈજેસ્ટ સામાયિક, જે 1997થી વિશેષરૂપે વુડ્સના માહિતીસૂચક પ્રમુખ લેખો માસિક ધોરણે પ્રકાશિત કરતું હતું, તેણે તેમના ફેબ્રુઆરી 2010ના અંકમાં જાહેર કર્યું કે વુડ્સ પોતાની સમસ્યાઓ સુલઝાવે ત્યાં સુધી તેમના લેખોનું પ્રકાશન હંગામી ધોરણે અટકાવવામાં આવે છે. ઑગસ્ટ 2010ના અંકથી, સામાયિકે ફરીથી વુડ્સના લેખો આપવા શરૂ કર્યા.
ફેબ્રુઆરી 19, 2010ના, વુડ્સે ફ્લોરિડામાં આવેલા PGA ટૂરના મુખ્ય કાર્યાલય પરથી એક ટેલિવિઝન વક્તવ્ય આપ્યું. તેણે કબૂલ્યું કે પોતે પોતાની પત્ની સાથે બેવફા રહ્યો હતો. તેણે કહ્યું કે તે એવું માનતો હતો કે પોતે સફળ હોવાને કારણે, ધારે તે કરવાનો હકદાર હતો, અને સામાન્ય માણસને લગતા નિયમો તેને લાગુ નહોતા પડતા. તેણે જણાવ્યું કે હવે તેને સમજાય છે કે લગ્નેત્તર સંબંધો રાખવામાં પોતે ખોટો હતો, અને પોતાના આવા વ્યવહારથી પરિવાર, મિત્રો, ચાહકો તથા વ્યાવસાયિક ભાગીદારોને પહોંચેલા દુઃખ માટે તેણે માફી માગી. તેણે જણાવ્યું કે તેને બાળપણથી બૌદ્ધધર્મમાં શ્રદ્વા હતી, તેનાથી તે ફંટાઈ ગયો હતો અને ભવિષ્યમાં તે તેના તરફ પાછા ફરવા પર કામ કરશે. વુડ્સે એવું પણ જણાવ્યું કે તે છેલ્લા 45 દિવસથી એક સારવાર લઈ રહ્યો હતો, અને બહુ જલદી ગોલ્ફમાં પાછો ફરશે. તેણે કહ્યું કે ભવિષ્યમાં સ્પર્ધાત્મક ગોલ્ફમાં પાછા ફરવા અંગે તેણે આયોજન કર્યું છે, પરંતુ તેની કોઈ નિશ્ચિત વિગતો આપી નહોતી. આ વકતવ્યમાં તેણે કોઈ પ્રશ્નોત્તર કર્યા નહીં.
ફેબ્રુઆરી 27, 2010ના, શક્તિદાયક પીણાંની પેઢી, ગેટોરાડે ટાઇગર વુડ્સ માટેની તેની સ્પોન્સરશિપ પૂરી કરી. જો કે, ગેટોરાડેએ કહ્યું કે તે ટાઇગર વુડ્સ ચેરિટેબલ ફાઉન્ડેશન સાથેની પોતાની ભાગીદારી ચાલુ રાખશે. માર્ચમાં આઇરિશ પુસ્તકનિર્માતા પેડ્ડી પાવરે બહાર પાડ્યું કે વુડ્સે તેમની સાથે $75 મિલિયનના સમર્થન કરારને નકારી દીધા હતા. માર્ચ 16, 2010ના રોજ, વુડ્સે જાહેરાત કરી કે 2010 માસ્ટર્સ ખાતે તે ગોલ્ફમાં પરત ફરશે. જો કે, તેની પત્ની એલિને જાહેર કર્યું કે પોતે તે સમયે ટૂર્નામેન્ટમાં હાજરી આપવાને બદલે, સ્વિડન પરત ફરવાનું આયોજન કર્યું છે.
માર્ચ 21, 2010ના, ટોમ રિનાલ્ડીએ તેનો ઈન્ટર્વ્યૂ લીધો, જે સમગ્ર ઘટનાક્રમ પછીનો પહેલો ઈન્ટર્વ્યૂ હતો. એપ્રિલ 29, 2010ના, નેશનલ ઇન્કવાયરરે એવો અહેવાલ આપ્યો કે વુડ્સે તેની પત્ની પાસે પોતાના 120 જેટલા લગ્નેત્તર સંબંધોની કબૂલાત કરી હતી. તેણે પોતાના પાડોશીની 21 વર્ષની પુત્રી રચેલ કૌડ્રીટ, જેને તે 14 વર્ષની હતી ત્યારથી ઓળખતો હતો, તેની સાથે એક-રાત્રિ ગાળ્યાની કબૂલાત પણ કરી હતી. ઑગસ્ટ 23, 2010ના વુડ્સ અને નોર્ડગ્રેનના કાયદેસર છૂટાછેડા થયા. આમ તો તેમના છૂટાછેડાની ચોક્કસ નાણાકીય શરતો ગોપનીય છે, છતાં એક અહેવાલ મુજબ નોર્ડગ્રેનને સમાધાન પેટે લગભગ $100 મિલિયનની રકમ મળી હતી; બાળકોની સંભાળ બંનેના હસ્તક રહેશે.
વુડ્સની બીજી એક પ્રશંસક, પૉર્ન સ્ટાર અને વિદેશી નૃત્યાંગના વેરોનિકા સિવિક-ડૅનિયલ્સ(રંગમંચનું નામ જોસ્લિન જેમ્સ)નો ઇન્ટર્વ્યૂ બ્રિટિશ ટેલિવિઝન ડૉક્યુમેન્ટરી ટાઇગર વુડ્સઃ ધ રાઇઝ ઍન્ડ ફૉલ માટે કરવામાં આવ્યો, જે પ્રથમ યુકે(UK)માં ચૅનલ 4 પર 2010ના જૂનના મધ્યમાં, અને તે પછી વિશ્વભરના અન્ય પ્રસાર-માધ્યમો પર પ્રસારિત કરવામાં આવી. તેની તે કાર્યક્રમની મુલાકાતમાં, સિવિક-ડૅનિયલ્સ જે લાસ વેગાસ અને લૉસ એન્જલસમાં રહેતી હતી, તેણે દાવો કર્યો હતો કે તેના સંબંધો વુડ્સ સાથે ત્રણ વર્ષો સુધી રહ્યા હતા. તેણે જણાવ્યું કે વુડ્સ તેને યુનાઇટેડ સ્ટેટ્સમાં ચારે તરફ રમાતી કેટલીક ગોલ્ફ ટૂર્નામેન્ટોમાં સંકેતસ્થાનોએ માટે બોલાવતો અને તે માટે તથા વિમાની સફર માટે નાણા ચૂકવતો. સિવિક-ડૅનિયલ્સે કહ્યું કે વુડ્સે તેને તેની પૉર્ન કારકિર્દી છોડી દેવા કહ્યું હતું, કારણ કે તેના વીડિયો તેને પરેશાન કરતા હતા. સિવિક-ડૅનિયલ્સે કહ્યું કે તે વુડ્સ દ્વારા બે વખત ગર્ભવતી બની હતી, જેમાં પ્રથમ વખત કસુવાવડ થઈ હતી અને બીજી વખત ગર્ભપાત કરાવવો પડ્યો હતો. સિવિક-ડૅનિયલ્સે છૂટાછેડા મેળવી આપનાર મશહૂર વકીલ ગ્લોરિયા ઑલરેડ દ્વારા વુડ્સ વિરુદ્ધ કાનૂની મુકદ્દમો કર્યો હતો.
એ જ રીતે ઑર્લેન્ડોની વેઇટ્રેસ મિન્ડી લૉટનનો પણ ઇન્ટર્વ્યૂ કરવામાં આવ્યો હતો; તેણે દાવો કર્યો કે તે અને વુડ્સ ઘણીવાર જાતીય સંબંધો માટે મળતાં હતાં. તેઓ સામાન્ય રીતે તેના ઘેર ખાનગી કક્ષમાં મળતાં, પરંતુ ક્યારેક અન્ય સ્થાનો ઉપર કેટલાંક મહિનાઓ સુધી મળતાં રહ્યાં. લૉટનની માની સૂચનાના આધારે, તેમના મળવા માટેના સંકેતસ્થાનોમાંના એક પર દેખીતી રીતે નજર રાખવામાં આવી હતી અને તેની તસવીરો પણ લેવામાં આવી હતી, અને આ માહિતી નેશનલ ઈન્ક્વાયરર સુધી પહોંચી હતી. કાર્યક્રમ અનુસાર એ ચોપાનિયાએ પછી વુડ્સની મૅનેજમેન્ટ ટીમનો સંપર્ક સાધ્યો હતો, જેના પરિણામે આ પ્રેમ-પ્રકરણને છાંકી દેવા માટે એક વ્યવસ્થા ગોઠવવામાં આવી, જેના અંતર્ગત એક ફિટનેસ મૅગેઝિનના મુખપૃષ્ઠ પર વુડ્સ તેના બદલામાં પોતાની તસવીર આપે તથા તેની દિનચર્યાની વિગતોનો લેખ છપાય તેવો સોદો નક્કી થયો. આ ફિટનેસ મૅગેઝિન અને નેશનલ ઇન્ક્વાયરર એક જ પ્રકાશન જૂથનો હિસ્સો હતાં. આ કાર્યક્રમમાં લાસ વૅગાસની એક મૅડમ સાથેના ઇન્ટર્વ્યૂ પણ રજૂ કરવામાં આવ્યો. તેણે જણાવ્યું હતું કે વુડ્સે અનેક પ્રસંગોએ તેની એજન્સીમાંથી ઊંચી કિંમતોવાળી વેશ્યાઓને રોકી હતી, જેમને વુડ્સના ખર્ચે યુનાઇટેડ સ્ટેટ્સમાં ચારે તરફ રમાતી ગોલ્ફ ટૂર્નામેન્ટોના સ્થળ ઉપર અથવા લાસ વેગાસમાં બોલાવવામાં આવતી હતી, એ સ્ત્રીઓને ટૂર્નામેન્ટના સ્થળે જોડાવા માટે વુડ્સ વિમાનભાડું પણ ચૂકવતો. કાર્યક્રમે એ પણ જણાવ્યું છે કે વુડ્સ એલિન નૉર્ડગ્રેનને પરણ્યો તે પહેલાં, તેને પૉર્ન સ્ટાર ડેવિન જેમ્સથી સંભવતઃ એક પુત્ર થયો હતો. એ છોકરાનો ફોટો પણ તેમાં બતાવવામાં આવ્યો હતો.
1997 GQ પ્રોફાઈલમાં વુડ્સે કેટલાક વ્યાયામવીરોના જાતીય આકર્ષણ અંગે અનુમાન કર્યું હતું: "હું એ સમજી નથી શકતો," ટાઇગર વુડ્સ લિમો ડ્રાઇવર, વિન્સેન્ટને પૂછે છે, "કે શા માટે ઘણી બધી સુંદર દેખાતી સ્ત્રીઓ બેઝબૉલ અને બાસ્કેટબૉલની આસપાસ ભટકતી રહે છે. શું તેનું કારણ એ છે કે, તને ખબર છે, લોકો હંમેશાં કહેતાં હોય છે તે, જેમ કે, કાળા પુરુષો મોટું ખિસ્સું ધરાવતા હોય છે?".
15મી ડિસેમ્બર 2009ના, ધ ન્યૂ યોર્ક ટાઇમ્સે જણાવ્યું હતું કે ઍન્થૉની ગાલિયા નામનો એક કૅનેડિયન સ્પોર્ટ્સ ડૉક્ટર, જેણે પહેલાં વુડ્સની સારવાર કરી હતી તેની રમતવીરોને ડ્રગ ઍક્ટોવેજિન અને માનવ વૃદ્ધિ હૉર્મોન્સ પૂરા પાડવાના આરોપ માટે ફેડરલ બ્યુરો ઑફ ઇન્વેસ્ટિગેશન દ્વારા પૂછપરછ કરવામાં આવી રહી હતી. એ જ લેખ અનુસાર, ગાલિયા ફેબ્રુઆરી અને માર્ચ 2009માં ઓછામાં ઓછી ચાર વખત વુડ્સને તેના ઑર્લેન્ડના ઘેર વિશિષ્ટ બ્લડ-સ્પિનિંગ ટૅકનિક આપવા માટે મળ્યો હતો, અને વુડ્સે પણ એ ચિકિત્સાને સારી પ્રતિક્રિયા આપી હતી.
વુડ્સે કહ્યું છે કે તે "બૌદ્ધ ધર્મમાં માને છે... તેનાં બધાં પાસાંને નહીં, પરંતુ મોટા ભાગનાને." તેના 19 ફેબ્રુઆરી 2010ના જાહેર ક્ષમાયાચના નિવેદનમાં, વુડ્સે કહ્યું હતું કે તે બૌદ્ધ તરીકે ઉછર્યો છે અને તાજેતરનાં વર્ષો સુધી તેનું પાલન કર્યું છે. પછી તેણે કહ્યું કે તે પોતાની જિંદગીમાં પરિવર્તન લાવવામાં મદદરૂપ થાય તે માટે બૌદ્ધ ધર્મ પ્રત્યે પાછો ફરશે.
જ્યારે વુડ્સ 2000માં ટૂર્નામેન્ટ માટે થાઈલૅન્ડ આવ્યો ત્યારે થાઈ સત્તાવાળાઓએ, વુડ્સની માતા થાઈ હતી એ નાતે, વુડ્સને શાહી સાજ-સજ્જા અર્પણ કરવાનો અને ત્યાં સુધી કે તેને થાઈ-નાગરિકતા અર્પણ કરવાનો પણ પ્રયત્ન કર્યો હતો. જો કે વુડ્સે કહ્યું હતું કે આવું શાહી અર્પણ તેના પરિવારને "બહુ મોટું સન્માન (અને) ઘણા ગર્વની વાત છે," તેણે સ્પષ્ટરૂપે એ અનુરોધનો અસ્વીકાર કર-જટિલતાને કારણે કર્યો હતો.
વુડ્સને એક ભત્રીજી હતી, જેનું નામ હતું ચેયેન્ની વુડ્સ, જે 2009 મુજબ, વેક ફોરેસ્ટ યુનિવર્સિટી ખાતે અવૈતનિક ગોલ્ફર હતી.
વુડ્સ અને પૂર્વ પત્ની 155-ફુટ (47 મીટર) યૉટ (ક્રીડા નૌકા) ધરાવતાં હતાં, જેનું નામ હતું પ્રાઇવસી , એ ફ્લોરિડામાં લંગર નાખીને પડી રહેતી. 20 મિલિયન ડૉલરના, એ 6,500 square feet (600 m2) વાહનમાં માસ્ટર સ્યૂટ, છ સ્ટેટરૂમ, એક થિએટર, જિમ અને જાકુઝી તથા 21 માણસો સૂઈ શકે તેટલી વ્યવસ્થા હતી. તેનું રજિસ્ટ્રેશન કૅયમૅન આઇલૅન્ડ્સ ખાતે થયું હતું, એ બોટ વુડ્સ માટે ક્રિસ્ટેનસેન શિપયાર્ડ્સ દ્વારા બાંધવામાં આવી હતી, જે વૅન્કુવર, વૉશિંગ્ટન સ્થિત વૈભવશાળી યૉટ બિલ્ડર છે. વુડ્સ ક્યારેક સમુદ્ર કિનારે આવેલાં ગોલ્ફ મેદાનો ખાતે ટૂર્નામેન્ટ રમે ત્યારે તેની આ નૌકા ઉપર રોકાય છે. ઑક્ટોબર 2010માં, વુડ્સ જ્યુપિટર ટાપુ પર 4-હોલ ગોલ્ફ મેદાન સહિતના 30 મિલિયન પાઉન્ડના ખર્ચે બંધાયેલા નવા ઘરમાં રહેવા ગયો.
ઢાંચો:Tiger Woods
ઢાંચો:World Golf Championships winners
વ્યક્તિગત માહિતી | |
---|---|
નામ | |
અન્ય નામો | |
ટુંકમાં વર્ણન | |
જન્મ | |
જન્મ સ્થળ | |
મૃત્યુ | |
મૃત્યુ સ્થળ |
This article uses material from the Wikipedia ગુજરાતી article ટાઇગર વુડ્સ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). અલગથી ઉલ્લેખ ન કરાયો હોય ત્યાં સુધી માહિતી CC BY-SA 4.0 હેઠળ ઉપલબ્ધ છે. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ગુજરાતી (DUHOCTRUNGQUOC.VN) is an independent company and has no affiliation with Wiki Foundation.