Oblast Tambov

Sûnt de 6e iuw nei Kristus ûnstie it Mordovinenfolk út lokale etnyske groepen fan Finsk-Oegryske komôf. De earste Russen ferskynden noch foar de Mongoalske tiid, mar de definitive kolonisaasje fûn yn de 17e iuw plak. Om de súdlike grinzen fan Ruslân te beskermjen waarden doe de befêstige stêden Kozlov (1635; sûnt 1932 omdoopt ta Mitsjoerinsk) en Tabov (1636) stifte. Dy stêden moasten de haadrûtes beweitsje om Nomadyske oerfallen tefoarren tekommen en makken in gaueftige kolonisaasje fan de krite mooglik.

Yn it ramt fan de bestjoerlike herfoarmings yn 1708 en 1719 fan Peter de Grutte waard it gebiet ûnderdiel fan it gûvernemint Azov. Yn 1779 waard Tambov in ûnderkeninkryk en yn 1796 it selstannige gûvernemint Tambov. Sûnder in soad feroarings bleau dat sa oant 1928.

Droechte en de wapene Sovjet-ynspekteurs dy't it iten foarderen, feroarsaken nei de revolúsje yn de regio in opstân tsjin de bolsjewiken. De opskuor yn it gûvernemint duorre fan 1920 oant 1921. Om de opstân te ûnderdrukken brûkten de bolsjewiken gemyske wapens tsjin de eigen befolking.

Op 27 septimber 1937 waard de oblast Tambov stifte út de oblasten Vornezj en Samara. Troch de foarming fan de oblast Penza rekke de oblast Tambov yn 1939 wer in diel fan it gebiet kwyt. Tusken 1954 en 1957 rekke de oblast tydlik noch it súdeastlike diel kwyt oan it doe stifte oblast Balasjov, mar dat diel waard nei de opheffing fan dat oblast wer by Tambov foege.

De oblast Tambov leit yn it súdlike diel fan it Russyske Leechlân en grinzget oan de oblasten Rjazan, Penza, Saratov, Voronezj (oblast)Voronezj and Lipetsk. It gebiet leit yn de bosksteppe en it gebiet bestiet foar likernôch 10% út bosk. Der binne likernôch 1400 rivieren en streamkes. Yn it Wolgabekken is de grutste rivier de Tsna, yn it Donbekken foarmje de Vorona, de Bitjûg, de Voronezj en de Savala de grutste rivieren.

De befolking bestiet hast folslein út Russen. Yn de begjintiid fan de Sovjet-Uny ûnstiene der Wytrussyske en Oekraynske minderheden. Harren oantal is lykwols bot sakke. Dêrfoaroer is it tal jezidi's bot tanommen.

 

De oblast is ferdield yn sân stedsdistrikten en yn 23 rajons. Grutste stêd is Tambov, folge troch Mitsjoerinsk, Rasskasowo, Morsjansk en Kotovsk. Meiïnoar hat de oblast acht stêden en tolve plakken mei in stedsk karakter.

Grutste stêden

Namme	Russysk	Ynwenners (2022)	Wapen	Lokaasje
Tambov	Тамбов	287.407		52° 43' N 41° 26' E
Mitsjoerinsk	Мичуринск	89.876		52° 53' N 40° 29' E
Rasskazovo	Рассказово	42.293		52° 40' N 41° 53' E
Morsjansk	Моршанск	37.477		53° 27' N 41° 48' E
Kotovsk	Котовск	28.663		52° 35' N 41° 30' E
Uvarovo	Уварово	22.916		51° 59' N 42° 16' E
Kisanov	Кирса́нов	15.753		52° 39' N 42° 44' E

De masjinebou, de gemyske yndustry en de libbensmiddelenyndustry foarmje wichtige pylders fan de ekonomy. De lânbou bestiet foaral út it hâlden fan fee en it ferbouwen fan feefoer.

Boarnen, noaten en/as referinsjes:

Dizze side is alhiel of foar in part in oersetting fan de Russysktalige Wikipedyside; sjoch foar de bewurkingsskiednis: ru:Тамбовская область Commons    Ofbylden dy't by dit ûnderwerp hearre, binne te finen yn de kategory Tambov Oblast fan Wiki Commons.