Paulina Seikola

Hja makke ek wol gebrûk fan 'e artystenammen Yasmine, Verunka en Irenka, en, yn mindere mjitte, fan Alba, Abigail, Danielka, Sandra, Valeska en Vera. Hja sette yn 2008 útein mei in wurkpaad yn 'e pornoyndustry en spile yn frijwat films. Yn 2012 beëinige Seikola har karriêre as pornoaktrise.

Paulina Seikola
persoan yn de seksyndustry
persoanlike bysûnderheden
oare artyste-        nammen	Yasmine, Verunka, Irenka, Alba, Abigail, Danielka, Sandra, Valeska, Vera
echte namme	ûnbekend
nasjonaliteit	Russysk
berne	7 oktober 1989
berteplak	ûnbekend (Ruslân)
etnisiteit	Russysk Mongoalsk
wurkpaad
wurksum as	neakenmodel, pornoaktrise
jierren aktyf	2008 – 2012
offisjele webside
gjint

Seikola waard yn 1989 earne yn Ruslân berne. Yn 2008, doe't se 19 jier wie, makke se har debút yn in pornografyske film. Neffens de Internet Adult Film Database (IAFD) spile se neitiid yn in stik as tritich pornofilms, wêrby't se sawol yn 'e Jeropeeske as yn 'e Amerikaanske pornoyndustry wurksum wie. Seikola lei har benammen ta op it sjenre fan 'e lolitapornografy, en gie dêrby ek anale seks en dûbele penetraasjes net út 'e wei.

Yn Jeropa wie se û.m. yn 't spier foar it Nederlânske Video Art Holland, wylst se yn 'e Feriene Steaten wurke foar sokke foaroansteande labels as New Sensations, Evil Angel, Digital Sin en Devil's Film. Njonken har aktearwurk posearre Seikola ek ferskate kearen as neakenmodel foar guon neakenblêden. Yn 2012 loek hja har út 'e pornoyndustry werom.

Paulina Seikola is fan mingd blank en mongoloïde ras, mei brune eagen en swart hier. Neffens har offisjele opjefte is se 1.60 m lang, mei in gewicht fan 50 kg, en in natuerlike kupmaat 34C. Hja hat gjin piercings en likemin tatoeaazjes.

• (in) Biografy en filmografy fan Paulina Seikola yn 'e Internet Movie Database (IMDb)
• (in) Biografyske gegevens en filmografy fan Paulina Seikola yn 'e Internet Adult Film Database (IAFD)
• (in) Biografyske gegevens fan Paulina Seikola op FreeOnes