Плошча раёну складае 1,25 тыс. км². Насельніцтва на 2018 год — 14 196 чалавек. Адміністрацыйны цэнтар — места Дуброўна.
Гісторыя
20 жніўня 1924 году створаны Дубровенскі раён ў складзе Аршанскай акругі (да 26 ліпеня 1930 году, з 20 лютага 1938 году — Віцебскай вобласьці). 25 сьнежня 1962 году раён скасаваны й далучаны да Аршанскага раёну Віцебскай вобласьці. 6 студзеня 1965 году Дубровенскі раён адноўлены ў складзе Віцебскай вобласьці.
8 красавіка 2004 году Рэдзькаўскі сельсавет ліквідаваны. Усе населеныя пункты перададзеныя Засьценкаўскаму сельсавету.
10 кастрычніка 2013 году ў склад Зарубскага сельсавету перададзеныя ўсе населеныя пункты — Быстрыёўка, Гладкія, Жарнеўка, Кляны, Кулакоўшчына, Ляхаўка, Пячонкі, Хаетчына, Цыбульскія, Чырына — ліквідаванага Кляноўскага сельсавету.
26 верасьня 2017 году Асінторфскі і Засьценкаўскі сельсаветы былі аб'яднаны ў адну адміністрацыйна-тэрытарыяльную адзінку — Асінторфскі сельсавет.
Адміністрацыйны падзел
Насельніцтва
- XX стагодзьдзе: 1999 год — 22 500 чал.
- XXI стагодзьдзе: 2005 год — 19 500 чал.; 2006 год — 19 100 чал.; 2009 год — 16 974 чал. (перапіс); 2016 год — 14 637 чал.; 2017 год — 14 378 чал.; 2018 год — 14 196 чал.
Славутасьці
- У цэнтры Дуброўны і за 100 м на ўсход ад упадзеньня ракі Дубровенкі ў Дняпро захаваліся 2 гарадзішчы, якія зьяўляюцца помнікамі археалёгіі.
- Кляштар бэрнардынаў (Дуброўна, XVIII—пач. XIX ст.).
- Царква Сьвятой Тройцы (пач. XIX ст.).
- Царква Покрыва Прасьвятой Багародзіцы — помнік архітэктуры пачатку XX ст. рэтраспэктыўна-расейскага стылю ў вёсцы Ланенка.
- Гарадзішча пэрыяду раньняга жалезнага веку ў вёсцы Баброва.
- Гарадзішча за 1 км на паўночны ўсход ад вёскі Барадзіно.
- Гарадзішча днепра-дзьвінскай культуры 1-га тыс. да н. э. й калочынскай культуры 3-й чв. 1-га тыс. н. э. ў вёсцы Гарманы.
- Курганны могільнік ў вёсцы Глебава.
- Два гарадзішчы ў ваколіцах вёскі Карабанавічы.
- Гарадзішча ў ваколіцах вёскі Малое Бахава.
- Курганны могільнік пэрыяду раньняга сярэднявечча на паўднёвай ускраіне вёскі Сваташыцы.
- Сядзібна-паркавы ансамбль у вёсцы Станіславова на правым беразе Сьляпчанкі.
Страчаная спадчына
- Царква Сьв. Мікалая (Дуброўна, XVIII ст.).
- Касьцёл Сьвятога Юрыя (Дуброўна, XVIII ст.).
- Палац Любамірскіх (Дуброўна, XVIII ст.).
- Сынагога (Дуброўна, XIX ст.).
- Былая ўніяцкая царква Ўзьнясеньня Гасподняга ў былым мястэчку Баева.
- Царква Прачыстай Багародзіцы ў вёсцы Кісялі.
- Былая ўніяцкая царква Покрыву Найсьвяцейшай Багародзіцы ў вёсцы Ланенка.
- Былая ўніяцкая царква Сьвятых Апосталаў Пятра і Паўла ў вёсцы Ліцьвінава.
- Царква Покрыва Багародзіцы (1745) у былым мястэчку Ляды.
- Царква Сьвятога Апостала Яна Багаслова (1799) у былым мястэчку Ляды.
- Царква Сьвятога Духа (1829) у былым мястэчку Ляды.
- Царква Сьвятых Космы і Даміяна (1840) у былым мястэчку Ляды.
- Сынагога ў былым мястэчку Ляды.
- Царква Дабравешчаньня Багародзіцы (XVIII стагодзьдзе) ў вёсцы Малое Савіна.
- Царква Сьвятога Юрыя (XVIII стагодзьдзе) ў вёсцы Мардахі.
- Былая ўніяцкая Сьвята-Духаўская царква ў вёсцы Міхалінава.
- Былая ўніяцкая Мікалаеўская царква (XVIII стагодзьдзе) ў вёсцы Новая Тухінь.
- Былая ўніяцкая царква Сьвятога Юрыя ў былым мястэчку Расасна.
- Былая ўніяцкая царква Ўзьнясеньня Гасподняга ў вёсцы Сваташыцы.
- Мікалаеўская царква ў вёсцы Холбні.
- Былая ўніяцкая царква Ўзьнясеньня Гасподняга ў вёсцы Хоміна.
- Мікалаеўская царква ў вёсцы Чырвоная Слабада.
- Былая ўніяцкая царква Ўзьнясеньня Гасподняга ў вёсцы Чырына.
Асобы
Нарадзіліся ў Дубровенскім раёне:
- Казімер Семяновіч (*1600 — † па 1651) — інжынэр і тэарэтык артылерыі, мысьляр-гуманіст, вынаходнік шматступенчатае ракеты.
- Сяргей Заранка, (*24.09.1818, Ляды — †20.12.1871, Масква) — жывапісец-партрэтыст.
- Маркел Савіцкі (*19.06.1898, Расасна — †24.07.1975, Горкі) — доктар сельскагаспадарчых навук.
- Сяргей Ракіта (*15.10.1909, Ліцьвінава — †23.03.1942, ?) — беларускі пісьменьнік.
- Міхаіл Мінковіч (*06.09.1914, Кіраёва — †17.08.1971, Менск) — міністар культуры БССР 1964—1971.
- Самуіл Эйдлін (*23.10.1914, Баева — †31.03.1989, Самара) — габрэйскі паэт, пісьменьнік.
- Іван Авекаў (*19.05.1919, Асінаўка — †17.04.1943, Данкаў, Ліпецкая вобласьць, Расея) — капітан авіяцыі, камандзір авіяэскадрыльлі. Герой Савецкага Саюзу 24 жніўня 1943 году.
- Мікола Гарулёў (*06.11.1919, Баева — †07.05.1980, Менск) — беларускі паэт, пісьменьнік, драматург, перакладчык, сцэнарыст.
- Аляксей Груца (*09.05.1924, Пішчыкі — †27.02.2017, Менск) — беларускі мовазнавец, доктар філялягічных навук, прафэсар.
- Іван Лепешаў (*23.10.1924, Іскозы — †12.10.2014, Горадня) — беларускі мовазнавец, доктар філялягічных навук, прафэсар.
- Васіль Праскураў (*25.08.1926, Негаціна – †22.05.1987, Ганцавічы) – журналіст, пісьменьнік, публіцыст.
- Сяргей Назараў (*14.10.1928, Барадзіно — †11.08.1999 Менск) — акадэмік, доктар тэхнічных навук, прафэсар.
- Віктар Грыбкоўскі (*30.04.1932, Асташкавічы – †26.10.2000, Менск) – доктар фізыка-матэматычных навук, прафэсар.
- Мікола Апіёк (*20.10.1935, Макараўка) — жывапісец ў жанрах пейзажа, партрэта, тэматычнай карціны, нацюрморта, а таксама ў станковай графіцы і сцэнаграфіі.
- Эрнэст Ялугін (*19.11.1936, Асінаўка — †25 чэрвеня 2022, Менск) — беларускі пісьменьнік.
- Рэгіна Харошка (* 07.05.1938, Асінторф) — беларуская вучоная фізычных і хімічных навук.
- Анатоль Магіленка (*10.08.1938, Карабанавічы — †02.09.1997, Віцебск) — доктар вэтэрынарных навук, прафэсар, рэктар Віцебскай дзяржаўнай акадэмія вэтэрынарнай мэдыцыны.
- Уладзімер Якавенка (*19.08.1938, Чырына) — беларускі фізык.
- Аляксей Дудараў (*06.06.1950, Кляны — †27.02.2023)) — беларускі драматург і кінадраматург.
- Валянціна Абразова (*29.03.1957, Асінторф) — беларуская спартсмэнка-біятляністка.
Крыніцы
Літаратура
- Бурак Ф. Ф., Лявіцкая П. І., Рудава Г. П., Янюк М. Ф. Дубровенскі раён. Энцыклапедыя прыроды Беларусі: у 5 т. Т. 2: Гатня ― Катынь / Рэдкал.: І. П. Шамякін (галоўны рэдактар) і інш. — Мн.: БелСЭ, 1983. — 520 с. С. 230 — 231.
- Барышаў Г. І., Грыцкевіч А. П. Дубровенскі раён: XIII (№ 1335 — № 1414) / Рэдкал.: С. В. Марцэлеў (гал. рэд.) і інш. // Збор помнікаў гісторыі і культуры Беларусі : энцыкляпэдыя. — Менск: Беларуская энцыклапедыя, 1985. — Т. Віцебская вобласьць. — С. 259 — 270.
- Кахноўская, Раіса. «Дубровенскі раён» / М. В. Біч і інш. // Энцыкляпэдыя гісторыі Беларусі. У 6 т. Т. 3: Гімназія — Кадэнцыя.. — Мн.: БелЭн., 1996. — Т. 3. — С. 308, 309. — ISBN 5-85700-074-2.
- «Памяць Беларусі 1941 — 1945». Рэспубліканская кніга. / Рэдкал.: Г. П. Пашкоў і інш.. — Менск: Беларусая энцыклапедыя, 2005. — С. 184 — 187. — 592 с. — 15 000 ас. — ISBN 985-11-0322-5.
- Памяць: Гіст.-дак. хроніка Дубровенскага р-на. Кніга 1. — Мн.: Паліграфафармленне, 1997. — 598 с.: іл. ISBN 985-6351-02-02
- Памяць: Гіст.-дак. хроніка Дубровенскага р-на. Кніга 2. — Мн.: Паліграфафармленне, 1996. — 494 с.: іл.
- Смалякоў Г. С. Дубровенскі раён. / Рэдкал.: Г. П. Пашкоў // Беларуская энцыклапедыя: у 18 т. : энцыкляпэдыя. — Мінск: Беларуская энцыклапедыя, 1998. — Т. 6: Дадаізм — Застава. — С. 246 — 247. — ISBN 985-11-0035-8.
- Шаўрова А. А. Дубровенскі раён. // Беларуская савецкая энцыкляпэдыя. У 12 т.Т.4. Графік — Зуйка / Беларуская Савецкая Энцыклапедыя; Рэдкал.: П. У. Броўка (гал. рэд.) і інш. — Мн.: БелСЭ, 1971. — 608 с.: іл., карты. С. 304, 305.
Вонкавыя спасылкі
This article uses material from the Wikipedia Беларуская (тарашкевіца) article Дубровенскі раён, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.