Аўстралія І Акіянія

Усё гэтае мноства падзяляецца на Аўстралазію, Мэланэзію, Мікранэзію і Палінэзію. Агульная плошча Аўстраліі й Акіяніі складае 8,52 млн. км², у той час колькасьць насельніцтва перавышае 41 мільён чалавек. У параўнаньні зь іншымі часткамі сьвету Акіянія зьяўляецца самай маленькай паводле плошчы, але другой паводле колькасьці насельніцтва пасьля Антарктыды. Пры падзеле ўсяго сухазем’я на часткі сьвету Акіянія звычайна аб’ядноўваецца з Аўстраліяй у частку сьвету «Аўстралія», часам вылучаецца ў самастойную частку сьвету і радзей разглядаецца як частка сьвету «Аўстралія і Акіянія». У ангельскамоўных краінах частка сьвету «Аўстралія й Акіянія» завецца проста «Oceania». Зь іншага боку, нярэдка панятак «Oceania» супадае па сэнсе зь беларускім паняткам «Акіянія».

Асноўныя артыкулы: Аўстралія (кантынэнт) і Акіянія

Акіянія мае разнастайную эканоміку ад высокаразьвітых і канкурэнтаздольных ва ўсім сьвеце фінансавых рынкаў Аўстраліі, Новай Каледоніі, Новай Зэляндыі, Францускай Палінэзіі і Гаваяў, якія займаюць высокія пазыцыі паводле якасьці жыцьця і паказчыку разьвіцьця чалавечага патэнцыялу, да значна менш разьвітых эканомік краінаў, як то Папуа-Новая Гвінэя, Інданэзія, Кірыбаці, Вануату і Тувалу. Таксама да ліку розных эканомік адносяцца эканомікі сярэдніх памераў ціхаакіянскіх астравоў, як то Палаў, Фіджы і Тонга. Самай вялікай і самай густанаселенай краінай Акіяніі ёсьць Аўстралія, а найбуйнейшым горадам лічыцца Сыднэй.

• Аўстралія і Акіянія. National Geographic (анг.)
• Аўстралія і Акіянія. Curlie (анг.)