«Бяро́зка» — беларускі штомесячны грамадзка-палітычны і літаратурна-мастацкі часопіс (для дзяцей сярэдняга і старэйшага школьнага ўзросту).
Рэкамендуецца для чытаньня з 12 год. У шэрагу часопісаў, якія выдаюцца ў Рэспубліцы Беларусь для розных узроставых груп дзяцей і моладзі, стаіць паміж часопісамі «Вясёлка» (для дзяцей малодшага школьнага ўзросту) і «Маладосьць» (для моладзі).
«Бярозка» | |
Тэматыка | грамадзка-палітычны і літаратурна-мастацкі (для дзяцей сярэдняга і старэйшага школьнага ўзросту) |
---|---|
Пэрыядычнасьць | 1/месяц |
Краіна | Беларусь |
Адрас | Менск, прасп. Незалежнасьці, 39 |
Заснавальнік | рэдакцыйна-выдавецкая ўстанова «Выдавецкі дом «Зьвязда» |
Выдавец | РВУ «Выдавецкі дом «Зьвязда» |
Галоўны рэдактар | Паліна Каралёва |
Дата заснаваньня | сьнежань 1924 |
Мова | беларуская |
Аб’ём | 64 с. (2017) |
Наклад | 801 (люты 2017) |
ISSN | 0320-7579 |
Узнагароды | |
Афіцыйны сайт | «Бярозка» |
Распаўсюджваецца праз падпіску поштай і продаж у «Белсаюздруку». Падпісныя індэксы на «Белпошце»: для індывідуальных падпісчыкаў — 74822, для ведамасных — 748222, ільготны для ўстаноў адукацыі і культуры — 74879.
Са сьнежня 1924 па верасень 1929 году выдаваўся часопіс «Беларускі піянер». У 1927—1929 гадах выходзіў 2 разы на месяц. Затым яго рэдакцыйная калегія падзялілася: пачалося выданьне газэты «Піянер Беларусі» і часопіса «Іскры Ільліча», які выходзіў з кастрычніка 1929 па красавік 1941 году. Зь лета 1941 году, падчас 2-й сусьветнай вайны, часопіс не выдаваўся. Адноўлены ў чэрвені 1945 году пад сучаснай назвай. Гісторыю выданьня ў рэдакцыі вядуць ад «Беларускага піянера».
Уваходзіў у склад РВУ «Літаратура і мастацтва». З 2012 году зьяўляўся дадаткам да часопіса «Маладосьць». У студзені 2015 году самастойнае выданьне часопіса адноўлена.
Публікуе творы беларускіх і замежных пісьменьнікаў, матэрыялы маральна-этычнага, культурнага і гістарычнага характару, якія рознабакова разьвіваюць асобу чытача, выхоўваюць любоў да Бацькаўшчыны, павагу да іншых народаў і нацый, адлюстроўваюць жыцьцё і дзейнасьць дзіцячых арганізацый і рухаў. Зьмяшчае літаратурныя і выяўленчыя творы дзяцей і падлеткаў. Вядуцца пастаянныя рубрыкі.
This article uses material from the Wikipedia Беларуская (тарашкевіца) article Бярозка (часопіс), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.