Wisselvorm

Die een kan dus die ander vervang sonder om die betekenis te verander. As voorbeeld: "skryf" en "skrywe" is wisselvorme.

In geskrewe kommunikasie word voorkeur aan die kortste vorm gegee. Met ander woorde, "skryf" eerder as "skrywe". Voorkeur behoort ook aan eg Afrikaanse spelwyses gegee te word, m.a.w. gebruik eerder "Sjinees" as "Chinees"; ook eerder "Wiking" as "Viking". In 'n bepaalde dokument moet verkieslik konsekwent by slegs een wisselvorm gehou word.

Enkele voorbeelde van wisselvorme:

• "ander" / "andere"
• "aspirien" / "aspirine"
• "bestraffing" / "bestrawwing"
• "bylae" (mv. bylaes) / "bylaag" (mv. bylae)
• "diabeet" / "diabetikus"
• "indiwidu" (*) / "individu"
• "laboratoria" / "laboratoriums"
• "Meksiko" (*) / "Mexiko"
• "privaat" / "private"
• "proteïne" (mv. proteïnes) / "proteïen" (mv. proteïene)
• "restaurant" / "restourant"
• "Sjinees" (*) / "Chinees"
• "skryf" / "skrywe"
• "vergaderinge" / "vergaderings"
• "vitamine" (mv. vitamines) / "vitamien" (mv. vitamiene)
• "Wikings" (*) / "Vikings"

(* = Afrikaanse spelwyse)

Die volgende woorde is nie wisselvorme nie, omrede hulle verskillende woordsoorte is:

• marine (S.nw.) / mariene (B.nw.)
• stereotipe (S.nw.) / stereotiepe (B.nw.)

• Wisselvorme in die meervoud^{[dooie skakel]}, Die Burger, 18 Januarie 1993
• Watter wisselvorm moet gekies word?, Die Burger, 25 Januarie 1993
• Wisselvorme bied variasie in die taal, Die Burger, 22 November 1993