Via Baltica
Die naam Via Baltica verwys na 'n padgedeelte van die Europese Roete 67 (kort E67), wat die Tsjeggiese hoofstad Praag met Helsinki in Finland verbind.
Hierdie gedeelte is die belangrikste grootpad in die Baltiese lande wat in die Poolse hoofstad Warskou begin en oor 'n lengte van 670 kilometer tot by die Estiese hoofstad Tallinn loop. Motoriste moet die laaste gedeelte van die E67 tussen Tallinn en Helsinki per veerboot gaan.
Via Baltica | |
|---|---|
 Padverloop | |
| Lengte | 670 km (Warskou-Tallinn) |
| Beginpunt (E67) | Praag, Tsjeggië |
| Eindpunt (E67) | Helsinki, Finland |
| Stede langs die pad | Praag, Wrocław, Warskou, Byałystok, Kaunas, Riga, Tallinn, Helsinki |
| Lande | Tsjeggië, Pole, Litaue, Letland, Estland, Finland |
Die Via Baltica is grotendeels nog 'n gewone pad, alhoewel daar beplan word om dit tot 'n snelweg uit te bou. Hierdie planne was aanvanklik omstrede omdat die voorgestelde roete deur Poolse natuurbewaringsgebiede sou geloop het.
Die owerhede in die metropolitaanse gebied van Helsinki oorweeg daarnaas om 'n padtonnel onder die Oossee te bou wat die veerbootverbinding tussen Helsinki en Tallinn sou vervang.
This article uses material from the Wikipedia Afrikaans article Via Baltica, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.