’n Traantatoe is ’n simboliese tatoeëermerk in die vorm van ’n traan wat onder of naby ’n mens se oog aangebring word.
Dit is oorspronklik deur Mexikaanse Amerikaners gebruik wat destyds veral in Kalifornië gewoon het. Bendelede is dikwels hier met sulke tatoes gesien.
Die betekenis van die tatoe was oorspronklik dat die draer iemand vermoor het. Tans beteken dit eerder iemand is spyt oor iets wat hy gedoen het of is hartseer oor iets, soos die verlies van ’n geliefde of jare wat in die tronk deurgebring is. Amy Winehouse het 'n traantatoe gehad om haar hartseer te wys oor haar man, Blake Fielder-Civil, wat in die Pentonvilletronk was.
In gevangenisse beteken die tatoe steeds dikwels dat die persoon iemand vermoor het. Dit kan ook beteken dat iemand in aanhouding verkrag is en deur sy verkragter getatoeëer is om aan te dui dat hy die verkragter se "eiendom" is, want gesigstatoes is onmoontlik om weg te steek.
This article uses material from the Wikipedia Afrikaans article Traantatoe, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.