Kwikstertjie
Die kwikstertjies (ook kwikkies, wipstertjies of akkermannetjies genoem) is klein Ouwêreldse sangvoëls in die familie Motacillidae.
Die dosyn of wat spesies van genus Motacilla is die enigste verteenwoordigers van die subfamilie Motacillinae, en blyk hul oorsprong in die Palearktiese gebied te hê. Die Latynse naam vir ‘n kwikstert, motacilla, is afgelei van muttex, ‘n voëlsoort wat deur Hesychius van Alexandrië (Grieks: Ἡσύχιος ὁ Ἀλεξανδρεύς) vermeld is.
| Kwikstertjies | |
|---|---|
 | |
| Die witkwikkie (Motacilla alba) van Eurasië en Noord-Afrika | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Klas: | |
| Orde: | |
| Familie: | |
| Genus: | Motacilla |
| Spesies | |
| 'n Dosyn of meer spesies, sien teks. | |
Kenmerke
Kwiksterte is terrestriële voëls van hoofsaaklik binnelandse waterryke habitatte. Die Kaapse kwikkie toon egter ‘n wye habitat-toleransie en word ook aan enige rotsagtige of sanderige seestrande gevind, benewens verskillende gemodifiseerde habitatte soos parke, sportvelde, tuine en rioolwerke. Kwiksterte het ‘n sierlike bouvorm, en hul lang dun sterte word konstant op en af gedu. Sommige spesies is matig tot besonder gregaries buite die broeiseisoen, en enkeles migreer. In Kenia is ‘n migrasiespoed van 46-48 km per uur by die geelkwikkie gemeet. Hul kleursig is goed-ontwikkeld met tot 120 000 konusselle per mm2 wat in die retina van die geelkwikkie aangeteken is (vergeleke met sowat 10 000 by die mens). Hierdeur is hulle goed aangepas by helderverligte omgewings, en kan hul omgewing in detail waarneem.
Spesies
Die genus van kwikstertjies, Motacilla, omvat 12 spesies, of 13 as die São Tomé-kortstertjie (Amaurocichla bocagii) bygereken word:
- Motacilla clara — Bergkwikkie
- Motacilla aguimp — Bontkwikkie
- Motacilla flava — Geelkwikkie
- Motacilla capensis — Kaapse kwikkie
- Motacilla cinerea — Gryskwikkie
- Motacilla citreola — Sitrienkwikkie
- Motacilla alba
- Motacilla flaviventris
- Motacilla grandis
- Motacilla maderaspatensis
- Motacilla samveasnae
- Motacilla tschutschensis
Sien ook
Bronne
Verwysings
Eksterne skakels
- Wiki Afrikaans
Wiki Commons het meer media in die kategorie Kwikstertjie.
This article uses material from the Wikipedia Afrikaans article Kwikstertjie, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.