Tintenpalast
Die Tintenpalast in Windhoek is die setel van die Nasionale Vergadering of parlement van Namibië.
Die Nasionale Raad van Namibië het in 2002 'n nuwe administratiewe blok oos van die historiese gebou betrek.
Bougeskiedenis
Die gebou, wat in Windhoek-Sentraal aan die bokant van Robert Mugabe-laan geleë is, is deur die argitek Gottlieb Redecker as administrawiewe setel van die owerheid in Duits-Suidwes-Afrika ontwerp en in 1912–1913 deur die boumaatskappy Sander & Kock uit plaaslike materiaal gebou. Dit is op 1 November 1913 amptelik ingewy.
Die Tintenpalast word as 'n tipiese voorbeeld van Duitse koloniale boukuns beskou. Die gebou het sy spottende Duitse bynaam (letterlik "inkpaleis") verwerf vanweë die amptenare wat daar gesetel was en hul beweerde hoë inkverbruik. Die paleis word deur 'n uitgestrekte tuin - die sogenaamde "Parlementstuin" - omring wat by die plaaslike bevolking as ontspanplek gewild geraak het.
Tuin
Die boubedrywighede vir die tuin, wat volgens planne van George Kerby en Karl Zirkler ontstaan het, het in 1931 begin. In 1934 is olyfbome aangeplant wat intussen verwyder is. Vandag is die tuin 'n groen long te midde van Namibië se besige hoofstad.
Fotogalery
-
Tintenpalast in Windhoek -
Binnehof van die Tintenpalast -
Parlementstuin met uitsig op die Christuskerk -
Saal van die Nasionale Vergadering van Namibië
Verwysings
| Wiki Commons bevat media in verband met Tintenpalast. |
- Hierdie artikel, of gedeeltes daarvan, is uit die volgende Wikipedia-artikel vertaal: Tintenpalast
Bronliteratuur
- Conny von Dewitz: Windhoek - Der kleine Stadtführer. Windhoek: Kuiseb Verlag 2009. ISBN 978-3-941602-17-5
17°5′21″O / 22.56639°S 17.08917°O
This article uses material from the Wikipedia Afrikaans article Tintenpalast, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.