Sint Joris

Volgens tradisie was hy 'n soldaat in die Romeinse leër. Sy ouers was Christene van Griekse afkoms. Sint Joris was 'n soldaat van Kappadosies-Griekse en Palestynse afkoms en lid van die Pretoriaanse Garde van die Romeinse keiser Diocletianus wat ter dood veroordeel is omdat hy nie sy Christelike geloof wou prysgee nie. Hy het een van die mees geëerde heiliges en groot martelaars in die Christendom geword. Hy is veral sedert die Kruistogte as 'n militêre heilige vereer.

Sint Joris
'n Portret deur Hans von Kulmbach (omstreeks 1510).
Gebore	Kappadosië
Sterfte	23 April 303, Bitinië, Romeinse Ryk
Feesdag	23 April
Attribute	Aangetrek soos 'n Kruisvaarder in wapentuig, dikwels op 'n wit perd en met 'n lans in die hand, ook dikwels waar hy 'n draak verslaan.

In hagiografie word hy onthou in die verhaal Sint Joris en die draak. Sy feesdag is gewoonlik op 23 April. Engeland, Ethiopië, Georgië, Katalonië en Aragon in Spanje, Moskou in Rusland en verskeie ander state, stede, streke, universiteite en organisasies beskou sint Joris as hulle beskermheilige. Sint Joris se bene is begrawe in die Kerk van Sint Joris in Lod, Israel.

• Wiki Afrikaans  Wiki Commons het meer media in die kategorie Sint Joris.

•   Hierdie artikel is in sy geheel of gedeeltelik uit die Engelse Wiki vertaal.