Sargas (ook bekend as Theta Scorpii of θ Sco) is ’n dubbelster in die suidelike sterrebeeld Skerpioen (Scorpius).
Met sy skynbare magnitude van 1,87 is dit een van die helderste sterre in die naglug. Volgens parallaksmetings is dit sowat 300 ligjare van die Son af. Die twee komponente is θ Scorpii A en B.
Sargas | ||||
Sargas se ligging (in die rooi sirkel). | ||||
Sterrebeeld | Skerpioen | |||
Bayer-naam | Theta Scorpii | |||
Spektraaltipe | F0 II | |||
Soort | Dubbelster | |||
Waarnemingsdata (Epog J2000) | ||||
Regte klimming | 17h 37m 19.12985s | |||
Deklinasie | -42° 59′ 52.1808″ | |||
Skynmagnitude (m) | 1,84 (1,862 + 6,22) | |||
Absolute magnitude (M) | -2,71 | |||
B-V-kleurindeks | +0,40 | |||
U-B-kleurindeks | +0,21 | |||
Besonderhede | ||||
Massa (M☉) | 5,66 ± 0,65 | |||
Radius (R☉) | 26 | |||
Ligsterkte (L☉) | 1 834 | |||
Temperatuur (K) | 7 268 | |||
Rotasiespoed (km/s) | 125 | |||
Ander name | ||||
Girtab, 160 G. Scorpii, CD−42° 12312, FK5 654, HD 159532, HIP 86228, HR 6553, SAO 228201, CCDM J17373−4300 | ||||
|
Die dubbelster se Bayer-naam is "Theta Scorpii". Sy tradisionele naam, "Sargas", is van Sumeriese herkoms, of is dalk die Persies vir "pylpunt". In 2016 het die Internasionale Astronomiese Unie se sternaamwerkgroep (WGSN) die naam "Sargas" vir θ Scorpii A goedgekeur omdat hulle name aan individuele sterre toegeken het eerder as aan sterstelsels.
Die primêre ster, A, is ’n geëvolueerde helder reus met ’n sterreklassifikasie van F0 II. Sy massa is sowat 5,7 keer dié van die Son, maar dit het uitgesit tot ’n radius van 26 keer die Son s’n en ’n ligsterkte van 1 834 keer dié van die Son. Sy effektiewe temperatuur van 7 268 K gee dit die tipiese geelwit kleur van ’n F-tipe ster. Die ster roteer baie vinnig en het daarom ’n ovaal vorm, met die radius by sy ewenaar wat 19% groter is as by sy pole.
Die metgeselster, B, het ’n skynbare magnitude van 5,36 en is 6,470 boogsekondes van die hoofster af.
Theta Scorpii kom voor op die vlag van Brasilië en simboliseer die staat Alagoas.
This article uses material from the Wikipedia Afrikaans article Sargas, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.