Sumeries
Sumeries (𒅴𒂠, EME.G̃IR15) is die taal van antieke Sumer en ’n geïsoleerde taal wat in Mesopotamië in die Vrugbare Halfmaan (hedendaagse Irak) gepraat is.
| Sumeries 𒅴𒂠 emeg̃ir | ||
|---|---|---|
| Gepraat in: | Sumer en Akkad | |
| Gebied: | Mesopotamië | |
| Totale sprekers: | Uitgesterf | |
| Taalfamilie: | Geïsoleerde taal Sumeries | |
| Skrifstelsel: | Wigskrif | |
| Taalkodes | ||
| ISO 639-1: | geen | |
| ISO 639-2: | sux | |
| ISO 639-3: | sux | |
 | ||
| Nota: Hierdie bladsy kan IFA fonetiese simbole in Unicode bevat. | ||
In die 3de millennium v.C. het ’n kulturele simbiose ontwikkel tussen die Sumeriërs en die Semitiese Akkadiessprekende volke. Die invloed van Sumeries op Akkadies (en omgekeerd) is te bespeur op alle gebiede, van leenwoorde tot sintaksis, morfologie en fonologie. Geleerdes verwys na Sumeries en Akkadies in die 3de millennium v.C. as ’n spraakbond.
Akkadies het Sumeries omstreeks 2000 v.C. geleidelik as ’n spreektaal vervang (daar word oor die presiese datum gedebatteer), maar Sumeries is tot in die 1ste eeu n.C. steeds in Akkadiessprekende state van Mesopotamië soos Assirië en Babilonië as ’n heilige, seremoniële, letterkundige en wetenskaplike taal gebruik. Daarna het dit vergete geraak, totdat Assirioloë in die 19de eeu begin het om wigskrifinskripsies en -tablette te ontsyfer wat deur dié sprekers agtergelaat is.
Verwysings
 | Hierdie artikel oor 'n taal, taalgroep of taalfamilie is slegs 'n saadjie. Jy kan help deur dit uit te brei. |
This article uses material from the Wikipedia Afrikaans article Sumeries, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.