Platbrood

Die basiese bestanddeel van die deeg is gemaalde graan en water. Indien nodig, kan sout of ander speserye bygevoeg word. Omdat geen suurdeeg en gis gebruik word nie het platbrood 'n beperkte dikte van enkele millimeter tot 'n paar sentimeter.

Platbrood was reeds bekend in Sumer en in antieke Egipte. Dit is vermoedelik die oudste metode om brood te bak omdat mens met weinig bestanddele op eenvoudige wyse platbrood kan maak op byvoorbeeld 'n steenoond. In 2018 is verkoolde broodkrummels by 'n ligging genaamd Shubayqa 1 in Jordanië gevind, wat dateer uit 12.400 v.C., ongeveer 4000 jaar voordat landbou in die gebied ontstaan het. Analise toon aan dat die krummels waarskynlik afkomstig is van platbrood wat gebak is van wilde gars, hawer en die stingels van die knolgewas Bolboschoenus glaucus.

Europa

• Crespillos (Murcia, Spanje)
• Tarte flambée, Frankryk en Duitsland
• Flatbrød, Noorweë
• Lefse, Noorweë
• Focaccia, Italië
• Pane carasau, Sardinië
• Knäckebröd, Swede
• Tunnbröd, Swede
• Lavash, Armenië
• Pitabrood, Oostelike Middellandse Seegebied
• Pizza
• Mlinci, Kroasië, Slowenië, Serwië

Afrika

• Injera/Laxoox, Horing van Afrika
• Ngome, Mali

Asië

• Bazlama, Turkye
• Turkse brood
• Chapati/roti, Indië
• Papadum, Indië
• Naan, Suid-Asië
• Matse, Israel

Amerikas

• Meksikaanse tortilla