Nordiese Raad

Dit is na die Tweede Wêreldoorlog gevestig en die eerste konkrete resultaat wat dit bereik het was die invoer van gemeenskaplike arbeidsmark, maatskaplike versekering en bewegingsvryheid sonder paspoorte vir burgers van die lande in 1952.

Die Nordiese Raad bestaan uit verkose lede wat die vyf lande en drie outonome gebiede waaruit dit bestaan verteenwoordig. Die lede van die raad is lede van die nasionale parlemente van die lidlande van die Raad wat deur hulle onderskeie politieke partye genomineer word. Daar is dus nie 'n prosedure vir die verkiesing tot die Nordiese raad nie. Die Nordiese Raad wat deur 'n Presidium gelei word hou sedert 1996 elke herfs 'n gewone sessie en spesiale sessies word van tyd tot tyd om spesifieke temas gehou. Die Raad en lede van die lidlande se regerings kom ook op jaarlikse grondslag byeen om samesprekings te hou. Voortdurende politieke werk word deur komitee en party groepe behartig.

 

 

Land	Lidmaatskap	Parlement	Status van lidmaatskap	Verteenwoordig sedert	Lede
Denemarke	Volledig	Folketinget	Onafhanklike land	1952	16
Finland	Volledig	Eduskunta	Onafhanklike land	1955	18
Noorweë	Volledig	Storting	Onafhanklike land	1952	20
Swede	Volledig	Riksdag	Onafhanklike land	1952	20
Ysland	Volledig	Alþingi	Onafhanklike land	1952	7
Åland	Geassosieerd	Lagting	Outonome land in Finland	1970	2
Faroëreilande	Geassosieerd	Løgting	Outonome land in die Koninkryk van Denemarke	1970	2
Groenland	Geassosieerd	Landsting	Outonome land in die Koninkryk van Denemarke	1984	2
Estland	Waarnemend
Letland	Waarnemend
Litaue	Waarnemend

Die Nordiese raad werk ook met die Baltiese Raad wat 'n soortgelyke organisasie vir die Baltiese lande Estland, Letland, en Litaue is. Die doel van die Nordiese raad se samewerking met die Baltiese Raad is ter wille van demokratiese, sosio-ekonomiese en kulturele ontwikkeling in die Oosseegebied en Noord-Europa. Samewerking met die Baltiese Raad neem verskillende vorms aan insluitend gesamentlike werksgroepe, werksvergaderings en sedert 2006 'n jaarlikse spitsvergadering.

Die Nordiese Raad het inligtingskantore in al drie Baltiese lande asook in Rusland (in Sint Petersburg en Kaliningrad). Die Raad het ook spesifieke samewerkinsgprogramme met Duitsland en Pole.

Die Faroëreilande het te vore die wens uitgespreek om 'n volle lid eerder as assosiaat lid van die Raad te wees.

Die Nordiese Raad is gestig op 12 Februarie 1953.

• Jan-Erik Enestam (Finland) Augustus 2007 - hede
• Frida Nokken (Noorweë) September 1999 - Julie 2007
• Berglind Ásgeirsdóttir (Ysland) Augustus 1996 - April 1999
• Anders Wenström (Swede) September 1994 - Julie 1996
• Jostein Osnes (Noorweë) Januarie 1990 - Augustus 1994
• Gehard af Schultén (Finland) Februarie 1987 - Desember 1989
• Ilkka-Christian Björklund (Finland) September 1982 - Januarie 1987
• Gudmund Saxrud (Noorweë) Augustus 1977 - Augustus 1982
• Helge Seip (Noorweë) Desember 1973 - Augustus 1977
• Emil Vindsetmoe (Noorweë) Julie 1971 - Junie 1973

• Amptelike tuisblad (Deens, Engels, Fins, Noors, Sweeds, Yslands)
• Basic agreement (Deens, Engels, Fins, Noors, Sweeds, Yslands)
• (en) (ru) Kantoor in Sint Petersburg Geargiveer 24 Maart 2005 op Wayback Machine
• (en) (ru) Kantoor in Kaliningrad