Mobile, Alabama
Mobile is die oudste stad in die Amerikaanse deelstaat Alabama en 'n belangrike seehawe vir die streek aan die Golf van Meksiko.
Die geskiedenis en welvaart van Mobile, wat in 1702 deur Franse setlaars gestig is, word al drie eeue lank ten nouste met die ontwikkeling van sy hawe verbind. Dit was die eerste nedersetting in Noord-Amerika waar die Franse Mardi Gras of karnaval-feesvierings gehou is, en die stad, wat steeds 'n leidende rol in die politieke, ekonomiese en kulturele geskiedenis van die Amerikaanse Golfkus gespeel het, bewaar sy ryk kulturele erfenis met trots.
| City of Mobile The Azalea City
| |
|---|---|
| Kaart | Wapen |
 | |
 | |
| Vlag | |
 | |
| Land |  Verenigde State |
| Deelstaat |  Alabama |
| County | Mobile County |
| Koördinate | 30°41′N 88°02′W / 30.683°N 88.033°W |
| Stigting | 1702 |
| Geïnkorporeer op | 20 Januarie 1814 |
| Oppervlakte: | |
| - Totaal | 413 vk km |
| Hoogte bo seevlak | 3 m |
| Bevolking: | |
| - Totaal (2013) | 194 899 |
| - Bevolkingsdigtheid | 471,9/vk km |
| - Metropolitaanse gebied | 414 079 |
| Tydsone | CST (UTC -6) |
| Somertyd | CDT (UTC -5) |
| Burgemeester | William S. Stimpson |
| Amptelike Webwerf | City of Mobile |
Kort voor die uitbreek van die Amerikaanse Burgeroorlog was Mobile die laaste hawe waar Afrikane as slawe na die Verenigde State ingevoer is. Gedurende die onstuimige jare van die Amerikaanse Burgerregtebeweging in die 1960's het die stad 'n simbool van verdraagsaamheid geword waar geen gewelddadige betogings plaasgevind het nie.
Vandag is Mobile een van die etnies en kultureel mees diverse stede in die Amerikaanse Suide. Omvangryke beleggings in die streek se nywerheidsektor en infrastruktuur het in die laat 20ste en vroeë 21ste eeu 'n nuwe ekonomiese optimisme aangewakker wat ongeëwenaar is sedert die bloeitydperk van die katoenbedryf in die 19de eeu.
Feeste
Gedurende die tweede en derde week in Maart, wanneer duisende asalea's in volle bloei is en temperature danksy die lenteson gaandeweg styg, vier Mobile sy jaarlikse Azalea Trail-fees.
Bekende boorlinge
- Timothy Donald (Tim) Cook (* 1960), bestuurder en industriële ingenieur, hoof uitvoerende beampte van Apple Inc. sedert 2011
Verwysings
This article uses material from the Wikipedia Afrikaans article Mobile, Alabama, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.