Lug- En Ruimtevaart: Aktiwiteitsveld wat die gebruik van die atmosfeer en die buitenste ruimte behels

Die term verwys na die industrieë wat navorsing, ontwikkeling, vervaardiging, asook die bedryf en onderhoud van voertuie wat deur die lug en ruimte beweeg, doen. Lug- en ruimtevaart is 'n diverse veld, met 'n groot hoeveelheid van kommersiële, industriële en militêre toepassings.

Die lugruim is nie dieselfde as lug- en ruimtevaart nie, maar word as 'n term gebruik om die fisiese lugruimte bokant 'n plek op die grond te verduidelik. Die Kármán-lyn op 'n hoogte van 100 km bo die aarde se oppervlak word gebruik om die onderskeid tussen lugvaart en ruimtevaart te tref. Dit is 'n baie arbitrêre verdeling (geskep op grond van die destydse berekeninge van Theodore von Karman) aangesien geen voorwerp die aarde op so 'n hoogte kan omwentel nie; die atmosfeer bied nog te veel weerstand. Mense wat die lyn verbysteek mag hulself ruimtevaarders ('astronauts'/'cosmonauts') noem (sommige kommersiële maatskappye buit hierdie onderskeid uit vir toekomstige ruimtetoerisme).

Die uitdrukking "It's not Rocket Science" ("Dit is nie vuurpylwetenskap nie") word baie gebruik om te impliseer iets is maklik. In werklikheid bestaan daar nie so iets soos 'rocket science' nie. Waarna eintlik verwys word, is ruimtevaartingenieurswese ('aerospace engineering'). Wetenskaplikes neem waar; ingenieurs skep.

Hierdie artikel is ’n saadjie. Voel vry om Wikipedia te help deur dit uit te brei.