Locronan
Locronan (Bretons: Lokorn) is 'n dorp in die Bretonse département Finistère (Wes-Frankryk) met sowat 800 inwoners en 'n oppervlakte van 8,08 vierkante kilometer.
Die dorp is deur die vereniging Les Plus Beaux Villages de France as een van die mooiste dorpe in Frankryk gelys.
Locronan Lokorn | |
|---|---|
 Die kerk- en markplein | |
.svg) Wapen | |
  Locronan | |
| Koördinate: 48°05′55″N 4°12′22″W / 48.09861°N 4.20611°W 4°12′22″W / 48.09861°N 4.20611°W | |
| Land |  Frankryk |
| Gewes | .svg){kind=small} Bretagne |
| Département |  Finistère |
| Arrondissement | Châteaulin |
| Kanton | Châteaulin |
| Regering | |
| • Burgemeester | Jean-Luc Engelmann |
| Oppervlak | |
| • Totaal | 8,08 km2 (3,12 vk. myl) |
| Hoogte | 38–280 m (125–920 ft) |
| Bevolking | |
| • Totaal | 798 |
| • Digtheid | 99/km2 (260/vk. myl) |
| Poskode | 29180 |
| Skakelkodes | 29134 |
| Webwerf | villedelocronan.fr |
Geografie
Locronan lê op 'n heuwel, sowat 17 kilometer noord van Quimper.
Geskiedenis
Die naam Locronan is afgelei van die heilige Ronan, 'n monnik van Ierse afkoms, wat in Locronan begrawe lê. Volgens legendes het hy die inwoners van Locronan geleer om te weef. Locronan het sy ekonomiese welvaart tydens die Middeleeue inderdaad aan die vervaardiging van seildoek van eersterangse gehalte te danke.
Anna van Bretagne, wat hier in 1505 tydens 'n bedevaart gebly het, het stadstatus aan Locronan toegeken.
Tans steun die dorp se ekonomie veral op toerisme.
Besienswaardighede
Locronan het sy Middeleeuse voorkoms volledig bewaar, en motors word in die dorp nie toegelaat nie. Daar is groot parkeerplekke rondom Locronan.
Die Pools-gebore Amerikaanse regisseur Roman Polanski het hier sy film Tess geskiet, waarin die Duitse aktrise Nastassja Kinski 'n hoofrol vertolk het.
Die kerk van Locronan is een van die mees besoekte plekke in die dorp.
Eksterne skakels
- Die amptelike webwerf van Locronan Geargiveer 8 Februarie 2014 op Wayback Machine
This article uses material from the Wikipedia Afrikaans article Locronan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.