Ligroos-Kurper
Die Ligrooskurper (Sargochromis giardi) is 'n varswatervis wat in die Kunenerivier, Okavangorivier, boonste gedeelte van die Zambezirivier, die Kafuerivier en die Karibadam voorkom.
| Ligrooskurper | |
|---|---|
 | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | |
| Orde: | |
| Familie: | |
| Subfamilie: | Pseudocrenilabrinae |
| Genus: | (Regan, 1920) |
| Spesie: | S. giardi |
| Binomiale naam | |
| Sargochromis giardi (Pellegrin, 1903) | |
In Engels staan die vis bekend as die Pink bream. In die Caprivi staan die vis ook bekend as die Pienkkurper of in Engels as die Pink Happy.
Voorkoms
Die ligrooskurper se kop is groot, grof en hy lyk veglustig, met 'n kleinerige skuins bek en 'n styl, effens ronde, profiel. Daar is twee rye kegelvormige tande op beide kake. Die kegeltande is gerond en baie sterk op 'n groot plaat.
Die onvolwasse visse is olyfgroen met 'n gelerige bors, diep groenswart vinne met 6-7 vertikale strepe oor die lyf.
Die volwasse visse is grysgroen op die kop en rugkant, met ligter sye en die onderkant is roomgeel tot dofwit.
Die lyfskubbe het 'n bruin kol op die basis, hulle is grof, en 29-34 kom op die systreep voor.
Die vinne is donker, houtskoolgrys tot olyfgroen met rooi rante en bedek met donkerrooi (soms grys tot oranje) kolletjies. Daar is oogvlekke op die membraan van die anale vin.
Die vis word tot 48 cm lank. Die Zimbabwe-hengelrekord is 1.98 kg en die Caprivi-hengelrekord 1.9 kg.
Habitat
Die vis leef in diep hoofrivierstrome en vloedvlakte mere met sanderige bodems, veral met plantegroei in die omgewing. Hoe dieper die water hoe groter die vis. Hulle vreet hoofsaaklik slakke, tweekleppiges en inseklarwes.
Hulle word aangekeer met kunsaas soos klein lepeltjies en swaailemme. Hengelaars gebruik erdwurms, slakke en mossels, waarvan die doppe verwyder is; en beweeg die aas so nou en dan.
Die wyfie is 'n mondbroeier, hulle broei in die vroeë somer. Die neste is rond en 20–30 cm in omtrek en word in water wat 3 m diep is gebou.
Identifikasie
Die Ligrooskurper word maklik met 'n groenkurper verwar. Let dan op sy profiel en ronde stert as verskil teenoor die groenkurper.
Sien ook
Eksterne skakel
Bronne
- Skelton, Paul: A Complete Guide to the FRESHWATER FISHES of Southern Africa. 2001. ISBN 978-1-86872-643-1
- Botha, Willem: Hengelvisse in die Caprivi. 1984.
Verwysings
This article uses material from the Wikipedia Afrikaans article Ligroos-kurper, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.