Karme-Groep
Die Karme-groep is ’n groep onreëlmatige mane van Jupiter waarvan die wentelbane ooreenstem met dié van die maan Karme en wat waarskynlik dieselfde oorsprong het.
Eienskappe
Die voorwerpe in die groep se afstand van Jupiter is in die omgewing van 22,9 en 24,1 gigameter. Hulle het ’n inklinasie van tussen 164,9° en 165,5° en ’n eksentrisiteit van tussen 0,23 en 0,27 (met een uitsondering). Die vernaamste lede van groot tot klein is:
- Karme
- Taigete
- Eukelade
- S/2003 J 5
- Chaldene
- Isonoë
- Kalike
- Erinome
- Aitne
- Kale
- Pasiteë
- S/2003 J 9
- S/2003 J 10
Die Internasionale Astronomiese Unie (IAU) gee name wat op "e" eindig aan die mane in dié groep.
Oorsprong
Die ooreenkomste tussen dié mane se eienskappe dui daarop dat hulle een voorwerp was wat opgebreek het tydens ’n botsing. Die voorwerp was waarskynlik amper so groot soos Karme, met ’n deursnee van sowat 46 km. Karme bestaan uit sowat 99% van die oorspronklike massa.
Verdere steun vir dié teorie kom van die eenderse kleur van die mane: almal is ligrooi en het infrarooi spektra, nes D-tipe asteroïdes. Dié data stem ooreen met ’n stam-asteroïde uit die Hilda-familie asteroïdes of ’n trojaanasteroïde.
Verwysings
Hierdie artikel is vertaal uit die Engelse Wiki
This article uses material from the Wikipedia Afrikaans article Karme-groep, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.