Jansen-Versameling
Die Jansen-versameling in die Nasionale Kultuurhistoriese en Opelugmuseum in Pretoria bestaan uit antieke voorwerpe en Africana nagelaat deur dr.
E.G. Jansen en sy vrou Mabel Jansen.
Die versameling bestaan uit 600 items waarvan die kern gevorm word deur ‘n aantal Kaapse meubelstukke uit die 17de en 18de eeu gemaak van stinkhout en geelhout. Onder die 122 skilderye en grafiese werke is werke van Thomas Bowler, Thomas Baines, Frederik I’Ons, Jahleel Brenton, Abraham de Smidt, Emily Sophia Hamilton, Pierneef, Frans Oerder, W.H. Coetzer, Ruth Prowse en Jan Volschenk. Daar is bronsbeelde deur Anton van Wouw, antieke Kaapse gebruiksartikels (veral kombuisware) in koper, stukke in Kaapse silwer, Africana-gravures, enkele besondere boeke oor Afrika, Chinese porselein, ornamente, horlosies en besondere stukke naaldwerk.
Die versamel van besondere oudhede was Mabel Jansen se stokperdjie. Jare lank het sy rommelwinkels, afslaerslokale, oudhedehandelaars, veilings en markte (veral die Parade) besoek.
Hierdie versameling is in 1977 deur die staat aangekoop.
Bibliografie
- Die Jansen-versameling. ‘n Kultuurskat nagelaat deur Ernest en Mabel Jansen. In: Lantern. Tydskrif vir Kennis, Kuns en Kultuur. Jaargang 31, nr. 2, April 1982
This article uses material from the Wikipedia Afrikaans article Jansen-versameling, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.